Чингыли дышетскыны ӧте
2015-09-03
Шӧдытэк но кылиськиз гужемлэсь ортчемзэ. Сӥзьыллэн нырысетӥ нуналэз вуиз. Школаос выльысь пумитазы пиналъёсты. Та нуналэ отын тужгес бадӟым куноос – нырысетӥ классэ мынӥсьёс. Бадӟымесь сяська керттэтъёсын, шумпотыса нырысьсэ вамышто соос тодон-валан дуннее!
Арганзэ кыскоз, шулдыр гурзэ кисьтоз
2015-09-03
Нефтекамск городын туж задор, шаплы но тунсыко кышномурт улэ. Гужем нуналъёсы сое городысь уд шедьты. Ми вуылон нуналэ но кышномурт дас иськемлэсь но, оло, кыдёке интыяськем сад-бакчаяз вал. Милесьтым вуэммес тодыса, бызьыса сямен, пумитамы дыртӥз. Озьы ми Камия апаен пумиським. Эшъёсыз, тодмоосыз солы Катя апай шуыса вазисько.
Одӥг туспуктэмын - быдэс улон
2015-09-03
Мон азьын шунды пырыосын тырмем туспуктэм. Отын Татышлы ёросысь Выль Татышлы гуртын улон сюрессэс ортчытэм кузпалъёс. Загифа но Зайнулла Даутовъёс доры куное мон нырысьсэ 2003-тӥ арын вуи. Выль Татышлы школаын ужаку, пиналъёсын альбом дасямы. Альбоммы ветеранъёслы сӥземын вал. Соку Зайнулла песятаен пумиськонмы-вераськонмы сюлмысь пӧрмиз. Пиналъёслэн лыктэмзылы кузпалъёс туж шумпотӥзы. Милемыз келяса Зайнулла песятаен Загифа песянай капкаозь ик мынӥзы. Садэтӥ, сяськаясь улмопуос возтӥ ортчыку, мон синпельлы шуыса та туспуктэмез лэсьтӥ. Со дырысен аръёс ортчизы, туспуктэм архивам утиськиз.
Клублэн липетэз калык кужымен выльдэмын
2015-08-27
«Единая Россия» партилэн республикаямы азинскись «Реальные дела» проектэз улсын, гурт поселениосын зэмос ужъёс быдэстӥсько. Янаул ёросысь Вылысь Барабановка гуртэ тулыс командировкае вуылыкумы, клубысь культорганизатор Венарий Васиуллин юртлэсь липетсэ воштон сярысь сюлмаськонъёссэ вераз. 1996-тӥ арын усьтӥськем зданилэн липетэз котькуд зорез, пе, пыр поттэ. Та юанэз гурт калык «Реальные дела» проектэн тодматонлы сӥзем пумиськон-кенешонын ӝутӥз. Ужпум палэнтэмын ӧй вал. Максим гурт поселенилэн администрациеныз кивалтӥсь Альмир Хузин ужпумлы ӧр усьтыны оскытӥз. Кема дыр но ӧз ортчы, клубез липыны гуртэ материал вуттӥзы.
«Орлёнок» – со выжыкыл дунне
2015-08-20
Ӝоген гужем каникулъёс йылпумъяськозы. Нылпиос выль кужымен дышетскон борды кутскозы. Нош кытын шутэтскизы республикаысьтымы удмурт пиналъёсмы? Тросэз шуозы, дыр, песяй-песятайёсмы яке ӵужай-ӵужатайёсмы дорын. Кинъёс ке ушъяськозы «Усточикаре» вуылэмзы пумысен. Нош Бадӟым Качакысь Света Галиахметовалы туэ выльысь «Орлёнок» лагере вуылыны кылдӥз.
Гурт калык ке тырше, шаермы но ваньбуро
2015-08-20
Вуоно арын шаерамы гурт удыслэсь азинскемзэ эскерозы. 1-тӥ пӧсьтолэзьысен 15-тӥ гудырикошконозь пудоосты, трактор-комбайнъёсты но трос мукетсэ лыдъялозы-чоталозы. Со пумысен Башкортостанстатлэн кивалтӥсезлэн воштӥсеныз Валерий Муратович Нуровен вераськиськом.
Небыт кылэз юрттэ бурмытскыны
2015-08-20
Нефтекамскысь кыкетӥ номеро поликлинической ёзэт. Коридорын милемыз пальпотыса пумитаз тӧдьы халатэн кышномурт. Лариса Калимуллина кема аръёс ӵоже ни татын палатной медсестра луыса ужа. Ӵош ужам эшъёсыз но, эмчиос но, висисьёс но солэн ужезлы вылӥ дунъет сёто. Лариса Гильмулловналэн небыт кылыз, пе, бурмытскыны юрттэ.
Лагерен люкиськизы мӧзмыт гурен
2015-08-13
11-тӥ гудырикошконэ Татышлы ёросысь Комаров нимо лагерь мӧзмон гурен лэйказ. Та нуналэ отын «Усточикар» смена йылпумъяськиз. Нылпиослэн синъёсазы эшъёссылэсь, лагерь улонлэсь мӧзмон шӧдӥськиз. Нош кинъёслэн ке анай-атайзэс адӟыса синкылиоссы бам кузязы быльыразы.
Краснодар шаерын - татышлы музъемысь солдатлэн шайгуэз
2015-08-13
Быдӟым Атыкай ожын вормон калыклы секытэн сётӥськиз. Кӧня адямиослэн улонзы ожын чигиськиз! Нош кӧня адями ивортэк ышиз? Асьмелэн шудмы понна нюръяськем котькуд солдатлэн нимыз тодмо луыны кулэ. Со муген ик Россия Федерацилэн Президентэз Владимир Путин ож аръёсы ивортэк ышемъёслэсь шайгуоссэс, соослэсь матысьёссэс шедьтон вылысь Указъёс но ӵектонъёс улэ гожтӥськиз. Россиысь Оброная министерствоен, кылсярысь, «ОБД Мемориал» сайт кылдытэмын. Со пыр олокӧня сюрс адямиос асьсэлэн ожын бырем яке ивортэк ышем матысьёссы сярысь тодӥзы ни.Со сяна, мукет азинлыко ужась поисковой сайтъёс но трос кылдытэмын.
Шутэтскозы, дышетскозы, мӧзмыны уз лу дырзы
2015-08-06
Башкортостанысь удмурт гуртъёсысь пиналъёс гудырикошконэз чидатэк возьмало. Та вакытэ соос понна дас куинетӥ арзэ ни «Усточикар» лагерь радъяське. Туэ солэн ӧсъёсыз 2-тӥ гудырикошконэ усьтӥськизы. Лагере республикаысьтымы Янаул, Татышлы, Калтасы, Ермекей, Балтач, Бурай ёросъёсысь, Пермь шаерысь Чернушка ёросысь нылпиос вуизы. Соосты ӧнерчиоссы но вожатойёссы шумпотыса но эшлыко мылкыдын пумитазы. Лагерьын сюлы матэ нылпиос шутэтскозы, быгатонлыксэс волятозы но тазалыксэс юнматозы.
«Нефтекамскысь удмуртъёслэн куаразы»
2015-08-06
Кык ар талэсь азьвыл Нефтекамске удмурт культуралэн нуналъёсызлы сӥзем ужрадэ вазизы. Городысь шаертодонъя музейын милемыз туж лякыт, зӥбыт кышномурт пумитаз. Озьы нырысьсэ тодматски Нефтекамскысь удмурт огазеяськонэн кивалтӥсен Фируза Фаизоваен. Со дырысен Фируза Шарапгалиевна милям, ошмесчиослэн, эшмы но, юрттӥськисьмы но луиз. Городэ вуиськом ке, яке кыӵе ке уж муген вазиськиськом ке, со ноку уз палэнскы, котьку, котькыӵе югдурын быгатэмезъя юрттэт возьматоз. Фируза апайлэн котькинэн капчиен огкыл шедьтыны быгатэмез ужез бордысь потэм, лэся. Со кема аръёс ӵоже школаын покчи классъёсты дышетэм.
Ӝутӥськон – со адямиослэсь шумпотонзэс адӟон
2015-08-06
Котькуд ар шаерамы гудырикошкон толэзьлэн кыкетӥ арнянуналаз лэсьтӥськисьёслэсь нуналзэс пусйиськом. Та праздник 1956-тӥ арын «вордӥськиз» но со дырысен арлы быдэ лэсьтӥськисьёс удыс нуналзэс сӥлы каро. Таяз арын со укмысэтӥ гудырикошконэ тупа.
Музъем ужасьёс куазьлэсь тупатскемзэ возьмало
2015-07-23
Республикаысьтымы бусыосын ю-нянь тыро шепъёсыныз веттаське ни. Нош гурт хозяйствоослэн пудо сиён дасянзылэн ӟырдыт вакытэз йылпумъяськымтэ на. Соин музъем ужасьёс чидатэк возьмало куазьлэсь тупатскемзэ. Соос тодо: гурт удысын ваньмызлэн аслаз дырыз.
Ческыт сиён мылкыдэз ӝутэ
2015-07-23
Гурын буй-буй ӝутӥськыса пыжем няньлэсь номыр ческытэз ӧвӧл, дыр. Со тужгес удалтэ, ческыт шӧмо но зыно пӧрме отчы анай аслэсьтыз яратонзэ понэ ке. Нефтекамск городын улӥсь Антонида Мардановалэн пыжиськемъёсыз витетӥ классын дышетскыкуз ик удалтылӥзы. Солэн картофкалэсь, сугонэн курегпузлэсь, сӥльлэсь пыс-пыс пыжем пирожкиосыз тужгес ческыт пӧрмылӥзы. Соин, дыр, Антонида Даниловна быдэ вуэм бераз пӧзьтӥськисьлэсь удыссэ быръёно кариськиз.
Вордӥськем нуналам – вунонтэм кузьым
2015-07-23
Таяз арын вордӥськем нуналэ поездын ортчиз. Озьы ке но, со вунонтэм луиз: монэ Москва город пумитаз. Поездысь ваським. Куазь зоре, пеймыт, Россилэсь шоркарзэ лыз пилемъёс котыртӥллям.
Ӧте, вите «Усточикар»
2015-07-16
БР-ысь Культурая но йӧскалык политикая министерствоен но БР-ысь Егитъёсын ужанъя кун комитетэн ӵошен Башкортостанысь удмуртъёслэн национально-культурной центрзы 1-12-тӥ гудырикошкон толэзе усточи удмурт пиналъёслы творческой лагерь радъя.
Шимес адӟон пыр – шудо улонэ
2015-07-16
Бурай ёросысь Мамады гуртысь Зульхия Камалтдиновалы туэ 90 арес тырмиз. Секыт адӟон, кышкыт аръёс пыр ортчем кышномурт милемлы улон сюресэз сярысь мадиз.
Ӵошен - ӝыны даурлэсь кема
2015-07-16
Выль Татышлы гуртын ог-огзэс валаса но тупаса улӥсь семьяос трос. Соос нылпиоссэс яратыса будэто но пыд йылазы султыны юртто.
Азьлане – бадӟым осконэн
2015-07-09
Бурай ёросысь Мамады гурт. Со пӧртэм аръёсы «Октябрь», «Рассвет», «Дэмен» гурт хозяйствоосын лыдъяськиз. Туннэ нуналэ хозяйство, Нефтекамскысь «Агрохолдинг» ООО кивалтэм улсын, «Дэмен» ООО-лы пӧрмиз. Берло аръёсы хозяйствоын коньдон ласянь шугъяськонъёс кылдэмын вал, калык уждунтэк пукылӥз. Мамадыослэн кылъёссыя, нырысетӥ оштолэзьысен гуртын улон воштӥськем.
Элен вӧсь - Вуж Варяшын
2015-07-02
Янаул ёросысь Вуж Варяш гуртын Элен вӧсь куинетӥ ползэ ни радъяськиз. Таяз арын со 28-тӥ инвожо толэзе тупаз. Та нуналэ куазь пӧсь, ӝокыт ке но улӥз, Бадӟым вӧсе калык трос люкаськиз. Отчы республикаысьтымы удмуртъёс сяна, Свердловск, Тюмень улосвылъёсысь, Пермь шаерысь но Удмурт Элькунысь вӧсез сӥлы карисьёс вуизы.
