icon_gotop
18+
autorisation
Войти | Регистрация
Время в Татышле
13:07
Вторник, 19 Октября
Рекламный баннер 990x90px top

Одӥг туспуктэмын - быдэс улон

2015-09-03

Туннэ Загифа песянай но Зайнулла  песятай улонысь кошкемын ни. Нош кузпалъёс сярысь чебер тодэ ваёнъёс гурт калыкмы пӧлын али ке но уло. Синмаськымон улон сюресэз ортчем адямиос сярысь веранме мынам нош ик азьланьтэме потэ. Даутовъёслэн выжызы гуртамы одӥгез бадӟымез лыдъяське. Выль Татышлыын Зиннат, Касим, Самат, Калфин пиосызлэн семьяоссы уло. Нош Вылысь Татышлыын бадӟымез нылзы Зулайха улэ, Свердловск улосвылысь Бисерть посёлокын  - Салима нылзы. Али дыре Зайнулла песятаез но Загифа песянаез куать нылпиоссы, 17 внукъёссы но 20 правнукъёссы шумпоттысалзы.

Зайнулла Даутов дас сизьым арескын фронтэ кошкем. Соку гинэ кыданы кутскем егит адямилы ож сюреслэсь вань секытъёссэ адӟоно луэм. Нош мар карод быдэс шаермес ож тылӝу сутыса лыктэм бере? Рядовой Зайнулла Даутов 1943-тӥ арысь шуркынмон толэзьысен Нырысетӥ Украинской  фронтлэн куинетӥ стрелковой дивизияз ожмаськем. Одӥгаз ожмаськонын сое тушмон снаряд шуккем, солдат пыдъёсаз ранение басьтэм. Госпитале нуыкузы, тушмонъёслэн самолётъёссы адскиллям.  Сӧсырмем солдатъёсты нуись машинаос вылтӥ соос пуляосын «зорыса» кошкиллям. Солдатъёс тросэз бырыны шедиллям. Нош удмурт солдатлы вордскем палъёсаз улэпкын берытскыны кылдэм ик вылэм на. 1949-тӥ арын гуртаз бертыса, Зайнулла ӟырдыт уж борды кутскем. Куашкам гурт хозяйствоез ӝутыны пиосмурт киос туж кулэ вылэм.1951-тӥ арын куартолэзе егит адями Балтач ёросысь Шавьяды гуртысь Загифаен паръяськем. Огез сьӧры огез пиналъёссы вордскиллям. Анай-атайзы сярысь шуныт тодэ вайыса нылзы Зулайха тазьы шуиз:

- Соос милям лякытэсь, зӥбытэсь вал. Атай ожмаськонэ пыриськемез сярысь вераны  ӧз тыршылы. Шӧдӥськомы вал: ож аръёсты тодаз вайыны туж секыт. Ӵемысь милемлы шуылӥз: «Милесьтым адӟеммес тӥледлы, нылпиосы, ноку адӟыны медаз гожты». Анаен атай трос ужазы. Колхозын пӧртэм ужъёсын тыршизы. Милемыз  быдэ вуттӥзы. Со  сяна, Касим вынмы семьяеныз атай юртэ бертӥз. Солэсь 7 пиналъёссэ но будэтыны юрттӥзы. Анаен атай котьку тату, ог-огзэс валаса улӥзы. Ми понна соос  учкымон вал. Чеберъяськыса, ушъяськыса ветлон сямзы ӧз луы. Туж чидась, сюлмысь ужась луэмзы понна соосыз котькин  гажаз.

Зайнулла песятай но Загифа песянай ӵошен 54 ар улӥзы. Зайнулла песятай 2005-тӥ арын улонысь кошкиз. Кузпалыныз люкиськыса со шуэм: «Нылпиосмы трос, озьы ке но Касим пимы дорысь нокытчы эн кошкы. Кунояськыны ке но мынӥд, дорамы ӝог берты. Мынам кӧлан интыям кӧла, отын ик берлось шокчемдэ лэсьты».

Загифа песянай кузпалызлэсь кылзэ берпуметӥ нуналозь кылзӥськем.Туэ инвожо толэзе со улонысь кошкиз. Загифа песянай ваньзэ валаса, матысьёсыныз лякыт вераськыса синъёссэ кынем. Табере кузпалъёс  нош ик пыраклы кыкназы.Сояз улонын но соос ог-огзылы пальышаса пумиськизы, дыр.

Журналистлэн ужан сюресаз трос пӧртэм адямиос пумисько. Та адямиосын тодматскон быдэс улонам тырмымон шуныт кельтӥз. Пальышась тусбуйёссы но весяклы сюлэмам, син азям кылёзы.

Ирина Самигулова.

Татышлы ёрос.

2295

Оставить сообщение:

НАШИ ПАРТНЕРЫ