icon_gotop
18+
autorisation
Войти | Регистрация
Время в Татышле
15:26
Четверг, 28 Октября
Рекламный баннер 990x90px top

Ческыт сиён мылкыдэз ӝутэ

2015-07-23

Антонида Мардановалэн пичи дырыз Калтасы ёросысь Кургак гуртын ортчиз. Семьяязы вить нылъёс но куинь пиос будӥзы. Антонида Даниловна соос пӧлын - кыкетӥез. Соин солы бадӟым апаеныз, Венера Даниловнаен, ӵош юрт котырысь ужъёсты быдэсъяно луиз. Озьы шаплы нылаш юрттӥськыны но, дышетскыны но вутскылӥз. Школаез йылпумъямез бере, Антонида Марданова 1984-тӥ арын Удмурт Элькунысь Ижевскысь Вузкаронъя техникуме дышетскыны пыриз. Отын «Техник-технолог по приготовлению пищи» ӧръя тодон-валан басьтӥз. Бӧрысь улон сюресэз сое Нефтекамск городэ вуттӥз. Кызь куать ар ни Антонида Даниловна городысь автозаводын пӧзьтӥськисьын тырше. Уж дураз, эшъёсыз пӧлын со – гажамон адями. Солэн кылдэ ньылымон  пӧрам-пыжиськемъёсыныз ужъя эшъёсыз шумпотыса куноясько. Угось ческыт сиёнлэсь мылкыд но ӝутске, умойгес луэ. ӟеч, сюлмысь тыршыса ужамез понна Антонида Мардановалэн нимыз заводлэн Данъян книгаяз пыртэмын. Нош эшъёсыз пӧлын Антонида апай лякыт, востэм, куно карыны яратӥсь  кышномурт. «Антонида Даниловна туж ческыт пӧра. Сиён-юонэн чебер ӝӧк дася», - вера со сярысь городысь удмуртъёслэн огазеяськонэнызы кивалтӥсь Фируза Фаизова.

Антонида Даниловна шудо кузпал, анай но песянай. Антонида но Николай кузпалъёсты куинь внукъёссы узырмыто. Александр пизы Аня кузпалыныз Ксюша ныл кузьмазы, нош Андрейзы Катяен Артём пиенызы но Рита нылынызы шумпоттӥзы. Песянаен-песятайзы соосты котьку ӟеч мылкыдын но тыро ӝӧквылэн пумитало.

Марина НИКОЛАЕВА.

Нефтекамск город.   

2182

Оставить сообщение:

НАШИ ПАРТНЕРЫ