icon_gotop
18+
autorisation
Войти | Регистрация
Время в Татышле
13:31
Sunday, 17 Октября
Рекламный баннер 990x90px top

Гурт калык ке тырше, шаермы но ваньбуро

2015-08-20

- Туннэ гурт улон но солэн ваньбурез сярысь ваньмыз тодмо ни кадь: гырем-кизем бусыослэн быдӟалазы но, пудоослэн, тракторъёслэн, соосын ужасьёслэн лыдзы но. Соин юан кылдэ: кыӵе муген радъяське лыдъян-чотан?

- Та выллем лыдъян-чотан шаерамы берлозэ 2006-тӥ арын ортчиз. Но солэн йылпумъянъёсыз али шӧдскымон вужмемын ни. Таиз арысь лыдъян-чотан «Село в порядке – страна в достатке!» кылъёс улсын ортчоз. Со ужрадлэсь малпанзэ яркыт возьматэ: кунмылэн азинсконэз пырак герӟаськемын гурт хозяйствоослэн, ужась калыклэн ӟечлыкенызы.  Лыдъян-чотан бере тодмо луоз, кӧня вуз потто гурт предприятиос, фермеръёс но калык.

- Берлоез лыдъян-чотан дырысен 10 ар ортчемын. Улон азьланьтӥське. Воштӥськонъёс луизы-а та дыр куспын?

- Дас ар куспын гурт удысын, быдэс шаерамы сямен ик, шӧдскымон воштӥськонъёс луизы. Кылсярысь, республикаямы одӥгез гурт предприятие быре ке, со интые мукетыз кылдэ. Нош ужкагаз вылын музъемлэн кузёез уг воштӥськы. Бадӟым шуг-секыт кылдытэ бусыосты одӥг арлы пайдаяськыны басьтон. Соослэсь кузёоссэс шедьтон туж секытэн сётӥське.

- Кинъёс доры кожылоз лыдъясь-чотась?

- Соос гурт предприятиосы но, асьсэ понна пудо утисьёс доры но пыралозы.

- Нош мар вераны кулэ соослы пудо утисьёс. Кылсярысь, гуртын огназ улӥсь пересь нылкышно одӥг кеч вордэ. Солэн йӧлэз но трос ӧвӧл, сӥлез но бадӟым ӧвӧл. Кеч – нылкышнолэн эшез выллем гинэ луэ. Сое но лыдъялозы меда?

- Лыдъялозы. Зэм, асьсэ понназы пудо яке бакча утисьёслы но бадӟым хозяйствоосын кивалтӥсьёслы огвыллем юанъёсын уз вазиське. Кылсярысь, гурт предприятиослы чаклам ужкагазэ экономика ласянь лыдпусъёссэс, кивалтӥсьлэсь дышетскемзэ, арессэ, ужасьёсызлэсь лыдзэ, соослэсь дышетскемзэс, гыроно-кизёно бусыослэсь быдӟалазэ, пудозылэсь, техниказылэсь лыдзэ, дасям йӧлзэ, сӥльзэ, ю тысь вузамзэ юалозы.

Нош асьсэ понна гинэ бакча, пудо вордӥсьёслэсь юртазы кӧня адями улэмен, бакчаязы кыӵе сиён будэтэмен, пудо вордэменызы тунсыкъяськозы. Соин лыдъян-чотан вакытэ ваньмыз лыдъяськоз. Озьыен, кеч вордӥсь песянайлы но «ревизия» лэсьтӥськоз.

- Лыдъясь-чотасьёслы трос пӧртэм иворъёсын ужано луоз.  Озьы ке но соослэсь лыдзэс кулэстӥзы.

- Азьвыл ортчем лыдъян-чотанэн ӵошатыса, лыдъясьёслэн лыдзы, зэмзэ ик, шӧдскымон кулэстэмын. Озьы ке но со ужзы вылын уз шӧдӥськы. Лыдъясьёслы юрттозы туала технологиос – GPS приёмникен планшетной компьютеръёс. Озьыен, лыдъясьёс трос кагазэн ужано уз луэ,  вань иворъёссэс соос компьютере пыртозы. Ужкагазъёсын адямилэн нимтулыз уз пусйиськы. Соин пудоослэсь лыдзэс, бакчалэсь быдӟалазэ ватонэз ӧвӧл, дыр. Калыкен сётэм лыдпусъёс республикамес, шаермес азинтон понна гинэ кутэмын луозы. Со сяна, соосты гурт калыклы кун юрттэт возьматыкузы чаклалозы.

Альфия

КИЛЬМУХАМЕТОВА.

2451

Оставить сообщение:

НАШИ ПАРТНЕРЫ