icon_gotop
18+
autorisation
Войти | Регистрация
Время в Татышле
10:31
Sunday, 17 Октября
Рекламный баннер 990x90px top

«Орлёнок» – со выжыкыл дунне

2015-08-20

- Света, кылем арын газетамы гожъямы ни вал «Орлёнок» лагерьын шутэтскемед сярысь. Со дырысен ӝыны арлэсь гинэ трос дыр ортчемын. Нош со куспын тон кыкетӥ ползэ «Орлёноке» вуылэмед ни.

- Кылем арын отын гуртысьтымы но Татышлы ёросысь Улысь Балтачысь нылъёсын ӵош шуркынмон толэзе шутэтскимы вал. Соку «Штормовой» лагере шедимы. Нош табере «Олимпийские» вуылӥ. Таӵе кузьымен монэ «Лидер 21 века» республика конкурсэ пыриськеме понна данъязы. «Орлёноке» монэн ӵош Башкортостанысь 59 пиналъёс вуылӥзы. Отчы ми 22-тћ инвожое мыныны потӥмы. Нош гуртамы берен 16-тӥ пӧсьтолэзе вуимы.

- Кыӵе мылкыдын отысь бертӥд?

- Мыным лагерьын, кылем арын сямен ик, туж кельшиз. Соин, вылды, соосты чик ӵошатэм уг поты. Лагерьын нуналъёслэсь ортчемзэс но ӧм шӧдэ кадь, татын соос сокем тунсыко радъясько. Ми дельфинарие, аквапарке трос пол экскурсиосы ветлӥмы, зарезь дуннеен тодматскимы (катерен ветлӥмы),  «Скраббукинг» кружокын лэсьтӥськимы, Авиацияя но космонавтикая юртэ вуылӥмы, «Хип-хоп» фестивальын эктӥм, тодмо актёръёсын но кырӟасьёсын тодматским…

- Азьвыл ӵош шутэтскем эшъёсыныд пумиськылыны ӧз кылды-а?

- Ӧз. Но вожатойёсме пумитай. Эшъёсын кусыпъёсмес ум ыштӥське: компьютер но телефон пыр вераськиськомы, ог-огмылы гожтэтъёс келяськомы.

- «Олимпийский» лагерьын удмурт нылъёсын яке пиосын ӧд пумиськылэ-а?

- Отын быдэс лагерьлы мон огнам гинэ удмурт вал кадь. Соин анай кыллэсь туж мӧзмыса бертӥ. Озьы ке но лагере вуылэме пумысен ноку уг жаля, дыр. «Орлёнокын» шутэтскон – со выжыкыл дунне.

Ольга НИГАМАТУЛЛИНА.     

2350

Оставить сообщение:

НАШИ ПАРТНЕРЫ