icon_gotop
18+
autorisation
Войти | Регистрация
Время в Татышле
05:19
Четверг, 5 Августа
Рекламный баннер 990x90px top

Ӝутӥськон – со адямиослэсь шумпотонзэс адӟон

2015-08-06

Татышлы ёросысь Майск гуртын вордӥськем но али дыре Вылысь Татышлыын улӥсь Александр Марданов но улоназ та уж удысэз бырйиз. Озьы со тямысэтӥ классэ йылпумъямез бере, малпанзэ быдэстон вылысь, Сарапулысь техникуме вамыштӥз. Отын тодон-валан люкаса, вордӥськем палъёсаз ик берытскиз. Со дырысен Александр Зидыганович сюлмызлы матын луись удысэныз ӧз люкиськылы ни. Пӧртэм уж интыосын ке но тыршиз, аслэсьтыз ужзэ ӟеч валаса но мур малпаса быдэсъя. Берлось дас кык арзэ ни А. Марданов  «Теремстрой» ООО-ын монтаж ужъёсъя мастерын тырше. Пенсие потыса но уженыз люкиськыны уг дырты.  «Улон юртъёс ӝутӥськом, социальной объектъёсты выльдӥськом-тупатӥськом. Алигес Вылысь Татышлыысь кыкетӥ номеро школалэсь, Выль Татышлы культура юртлэсь липетъёссэ выльдӥм, - ужез пумысен вера со.  - ӝутэм улон юртъёсмес калык шумпотыса басьтэ. Нош куд-ог коркаослы вутэмлэсь азьвыл ик кузё шеде. Соку солэсь но юрт пумысен малпанзэ-мылкыдзэ лыдэ басьтоно луэ. Выль коркаосты вӧлдэм выж-вӧлдэтъёсын, пуктэм ӧсъёсын, пластик укноосын сётӥськом. Со сяна, улон юрт вӧзы мунчо, пу тырон инты ӝутӥськом на».

 Лэсьтӥськисьёслэн мылысь-кыдысь тыршеменызы чебересь, шулдыресь выль коркаос но мукет юртъёс «ӝужало», кузёоссэс шумпотто. Александр Зидыганович понна но ӝутӥськон – со адямиослэсь шумпотонзэс адӟон. Нош лэсьтӥськись понна со - вормон. А. Мардановлэн вормонъёсыз лыдъянтэм трос. Соос пӧлысь тужгес бадӟымез - Башкортостан Республикалэн Президентэзлэн указэзъя 2014-тӥ арын сётэм данъян грамота.

Марина НИКОЛАЕВА.

Татышлы ёрос.          

1123

Оставить сообщение:

НАШИ ПАРТНЕРЫ