icon_gotop
18+
autorisation
Войти | Регистрация
Время в Татышле
05:40
Четверг, 5 Августа
Рекламный баннер 990x90px top

Арганзэ кыскоз, шулдыр гурзэ кисьтоз

2015-09-03

Камия Осиповалэн пичи но пинал дырыз Пермь шаерысь Кирга гуртын ортчем. Гуртысь нылпиосын ӵош шудэм, бызьылэм. Шаплы нылашлэн шудонэн гинэ сюлмыз буйгатскымтэ. Сое арган юн кужымен бордаз кыскем. «Абызилы музган басьтӥзы. Сое мон но ӵем киям кутылӥ. Озьы ачим ик шудыны дыши», - пинал дырзэ тодаз вайыса вера Катя апай. Со дырысен арганэн ӧз люкиськылы ни. Туннэ нуналэ но Катя апай ужрадъёсты шулдыртэ. Вераны кулэ, 2009-тӥ арысен ни со Нефтекамск городысь «Выжы-кум» фольклор ансамбле пыриське. Отын кырӟа-эктэ, кулэ ке луиз, арганзэ но кыске. «Туж айбат шудэ, куараез но жингырес», - вера ансамблен, Нефтекамскысь удмуртъёслэн огазеяськонэнызы кивалтӥсь Фируза Фаизова.

Нефтекамск городэ Камия Осиповаез улон сюресэз 1975-тӥ арын вуттӥз. Нырысь со ар но ӝыны нылпи садын ужаз, нош бӧрысь куамын куинь ар городысь куинетӥ номеро жилищно-эксплуатационной управлениын слесарь-сантехникын тыршиз. Пенсие потыса но Катя апай удысаз куинь ар ужаз на. Дышемын ӧвӧл кышномурт киоссэ ал вылаз тырыса пукыны. Темырхан кузпалыныз соос вазь тулысысен бер сӥзьылозь бакчаязы тыршо. Отын кыӵе гинэ емышъёс, бакча сиёнъёс, сяськаос  уг будэто. Нош соос пӧлысь одӥг жаг турынэз но уд адӟы. Ваньмыз чылкыт утялтэмын, сузямын. Убоос но лыдъяса-чотаса тупатэмын. Бакча сиёнъёс будэтэм сяна, кузпалъёс курег но кык ар утиллям на. ӟичы изъянтыны кутскемен сэрен, та ужзылэсь палэнсконо луиллям.

«Катямылэн туж ческыт пӧрмо пыжиськемъёсыз, толлы дасям сылалтэмъёсыз», - верало вӧзысьтызы бакчаын улӥсь Рина но Лида сузэръёсыз. Соослэсь верам кылъёссэс оскымон каро ӝӧк вылысь, инвожо толэзёзь утиськем, куажыртӥсь сылалтэм нингубиос. Етӥз Катя апай котьмалы но вутске. Кулэ луиз ке, машинаяз пуксёз но ширтоз. Пинал дыръяз мотоциклэн ке ворттылӥз, берлось дас сизьым арзэ ни машинаен ветлэ. «1998-тӥ арын машина нуллыны удостоверение басьтӥ. Со дырысен ветлӥсько ни», - корт «эшез» шоры возьматыса вера кышномурт.

Марина НИКОЛАЕВА.

Нефтекамск город.                                            

1501

Оставить сообщение:

НАШИ ПАРТНЕРЫ