Калыкмы ужын но дано, спортын но кужмо
2015-12-24
Татышлы ёросын быдэс ар ӵоже Ужъя, культурая но спортъя эстафета мынӥз. Та дыр куспын со котькуд гурт поселение вуылӥз. Эстафета Вылысь Татышлыын йылпумъяськиз. Солы сӥзем ужрадын вордскем шаереныд, дано калыкеныд данъяськон мылкыд шӧдӥськиз.
Ӟеч вуоноезлы оскыса уло но ужало
2015-12-24
Янаул ёросысь Вуж Варяш гурт поселение – кужмо, азинлыко ужасьёс пӧлысь одӥгез. Татын арлы быдэ кыӵе ке но бадӟымесь ужъёс быдэстӥсько. Калыклэн куронъёсыз, ӵектонъёсыз эскериськытэк палэнэ уг кылё: интыысь кивалтэт калыкен юн герӟаськемын. Гурт поселенилэн администрациеныз кызь ар ӵоже кивалтэ ни Миншакир Шаритдинов.
Кузьымъёс шудытомы
2015-12-10
Республикаямы газет-журналъёслы гожтӥськон азинтӥське. Та вакытэ «Республика Башкортостан» издательский дом «Приз каждую неделю» акция радъя. Соин «Ошмес» газет но лыдӟисьёссэ шумпоттыны дыртэ: 18-тӥ но 25-тӥ толсуре редакциямы 2016-тӥ арысь нырысетӥ паларлы газетмылы гожтӥськемъёс пӧлын пӧртэм кузьымъёсты шудытомы.
Кылъёсты дышетэ, пӧртэм шаеръёсын тунсыкъяське
2015-12-02
Кыдёкысь Южной Америкаын вань сыӵе шаер - Эквадор. Эквадор - шундыпуксён паласен Тихий океанэн гылтӥське, уйпалтӥ Колумбиен артэ сылэ, нош шундыӝужан паласен но лымшор палтӥ Перуэн артэ луэ. Эквадорлэн тужгес бадӟым городъёсыз Кито (шоркарез) но Манта (25 000 улӥсьёсыз), Куэнка, Гуаякиль, Риобамба городъёс луо. Страна 21 провинциослы люкиське, Та кыдёкысь шаерын улэ но ужа муспотон нылаш - Катя Зарипова. Катя - паймымон егит адями. Южной Америкае сое пӧртэм калыкъёслэсь кылзэс дышетон но пӧртэм кылъёсын вераськыны дышетскон мылкыдыз вуттӥз. Катя удмурт сямен уг ке но вераськы, удмурт кылэз вала. Солэн ӵыжы-выжыосыз, анаез но атаез - удмуртъёс. Сахип песятаезлэн выжыосыз Юда гуртысь, нош Катима песянаезлэн - Майскысь, Майтифа ӵужанаезлэн но Катип ӵужатаезлэн - Вязовкаысь. Тӥледыз, гажано лыдӟисьёсмы, та нылашен тодматэме потэ. Али дыре Ольга но Вячеслав Зариповъёслэн Катя нылзы Эквадорын ужа, Россие туж шер вуылэ. Соин ми скайп но вконтакте сайт пыр вераськимы.
Ӟеч ужез понна - диплом но энциклопедия
2015-11-19
Та нуналъёсы Татышлы ёросысь почта ёзэтын ужасьёслэн кенешонзы ортчиз. Отчы Федерал почтовой связьлэн БР-ысь управлениезлэн Янаулысь почтамтэныз кивалтӥсь Борис Сабирзянов, солэн воштӥсез Элина Гараева но валтӥсь ӧнерчи Чулпан Габдуллина пыриськизы. Кенешон та арысь нырысетӥ паларын газет-журналъёслы гожтӥськонлы йылпумъянъёс лэсьтонлы сӥземын вал. Со сяна, ужрадын саклык висъяськиз ӟеч ужась почта ёзэтъёсты пусъёнлы, почта ёзэтын пумиськись шуг-секытъёсты сэрттонлы-пертчонлы, азьланезлы ужпумъёс быръёнлы.
Дыраз возьматэм эмъюрттэт улонэз уте
2015-11-19
Башкортостанын ӝог эмъюрттэт возьматонъя огъя диспетчерской служба кылдытэмын луоз. Пресс-конференциын со сярысь ивортӥз республикаысьтымы тазалыкез утёнъя министрлэн нырысетӥ воштӥсез Рустем Валеев. Солэн кылъёсызъя, та выллем служба висисьёслы эмъюрттэт возьматонлэсь ӟечлыксэ ӝутоз. Котькуд висись но эмчи тодо: дыраз сётэм юрттэт адямилэсь улонзэ но тазалыксэ уте.
Котыре мед вӧлмоз удмурт калыклэн данэз
2015-11-12
Кылем арняын Татышлы ёросысь Выль Татышлы гуртын бадӟым ужрад – Башкортостанысь удмуртъёслэн V съездзы - ортчиз. Съездэ республикаысь Балтач, Бурай, Ермекей, Калтасы, Кушнаренко, Татышлы, Янаул ёросъёсысь, Нефтекамскысь, Удмурт Республикаысь, Пермь шаерысь, Свердловск улосвылысь 120-лэсь ятыр делегатъёс пыриськизы.
Национально-культурной центрлэн ужез но азьпалэзлы ужпумъёс
2015-11-12
Гажано делегатъёс, ӧтем куноос!
Ӟечкыласько ваньдэс Башкортостанысь удмуртъёслэн съездзылэн ужаны кутскеменыз. Оскисько, туннэ учкем ужпумъёс азьлане сюресмес югдытозы.
Трос лыдӟись семья
2015-10-22
Янаул ёросын «Самая читающая семья-2015 года» конкурс ортчиз. Со Литературалэн арезлы сӥземын вал. Отчы 11 семьяос пыриськизы.
Ог-огзылы эш ӧвӧл
2015-10-22
ТАИЗ арысь 1-тӥ пӧсьтолэзьысен руль сьӧрын пукисьёс азе чурытгес куронъёс пуктэмын. Сое тужгес юн шӧдо курыт юонэн эшъяськисьёс. Татышлы ёросын, кылсярысь, куинь толэзь куспын сизьым уголовной уж усьтэмын. Со пӧлысь куинез эскеремын ни. Озьы йыртэмасьёс 180 час дыр ӵоже ужанэн кыл кутытэмын.
Военный прокурор разъясняет
2015-10-22
Все военнослужащие, а также лица гражданского персонала знакомы с таким понятием как служебная командировка. В период службы военнослужащие и лица гражданского персонала нередко направляются в командировки. Однако, не каждый из них знает порядок возмещения командировочных расходов.
Неделя сбережений
2015-10-22
С 23 по 31 октября текущего года Министерством финансов
Российской Федерации запланировано проведение мероприятия
«Всероссийская неделя сбережений» в рамках Проекта «Содействие
повышению уровня финансовой грамотности населения и развитию
финансового образования в Российской Федерации» (далее – Неделя,
Мероприятие), приуроченного к Международному дню сбережений –
31 октября.
Внимание, розыск!
2015-10-22
Следственное управление по Магаданской области просит оказать содействие в поиске малолетнего Сергея Шмагина, уроженца поселка Хасын Магаданской области.
Опрос по качеству телекоммуникационных услуг
2015-10-22
На портале «Голос РБ» опубликован опрос, целью которого является определение уровня удовлетворённости жителей республики качеством и стоимостью телекоммуникационных услуг.
«Бадӟым книгалэн бамъёсыз тросгес но яркытгес мед луозы»
2015-09-17
Республикаын литературной марафон азьланьтӥське. Дас одигетӥ куарусён толэзе эстафетаез Татышлы ёрос басьтӥз. Нош татышлыос доры сое Аскын ёрос вуттӥз. Ужрадэ БР-ысь писательёслэн кенешсылэн ёзчиосыз пыриськизы. Соос пӧлын вал: нылпи кылбурчи Фарзана Губайдуллина, кылбурчи Хисмат Юлдашев, «Кызылтан» газетын ужась, кылбурчи Ляйсан Кашфи, прозаик, «Башкортостан» газетын ужась Айгиз Баймухаметов, кылбурчи но журналист Любовь Колоколова, Республикаысь синтэм адямиослэн библиотекаенызы кивалтӥсьлэн воштӥсез Вера Пантелеева.
Сюлмысь тыршод – ваньбуро луод
2015-09-17
КУАРУСЁН толэзь. Гужембыт шундыё нуналъёсты витем адямиослы со шулдыр нуналъёссэ кузьмаз. Куазьлэн шулдыр улэмезлы тужгес шумпото гурт удысын ужасьёс. Али хозяйствоосын ӟырдыт вакыт: ю тысь дасян дыр азинске.
«Кивалтэт – республикаын улӥсь котькуд адямилэн быгатонлыкез»
2015-09-10
Огъя куара сётон нуналэ, 13-тӥ куарусёнэ, Башкортостанын интыысь аскивалтэтэ быръёнъёс радъяськозы. Депутатъёс, кудъёссэ асьмеос быръёмы гурт поселениослэн кенешъёсазы, котькуд муниципал огазеяськонын тужгес сюлмаськытӥсь ужпумъёсты сэрттыны-пертчыны юрттозы.
Зарни сӥзьыллэн зарни пиез
2015-09-10
Та нуналъёсы аслэсьтыз 60 арессэ пусъе Янаул ёросысь Сандугач гуртын улӥсь Юрий Уракович Ахматханов. Юрий Уракович РФ-ысь дышетон удысысь отличник, РФ-ысь огъя дышетон удысысь дано ужась нимъёсын данъямын. Ньыльдон ар стажен дышетӥсь нылпиослы тодон-валан сётон сяна, кызь вить арзэ Барабановка школаен кивалтӥз. Али дыре со Сандугач гуртын улэ, татысь школаын ужа. Юбилярлы вазиськон вылысь, мон доразы куное вуылӥ.
Ӵошен ортчем кузь сюрес
2015-09-10
Витьтон арлэсь ятыр ӵошен улэм кузпалъёслэн – Гыльнифа но Минсабир Тимирхановъёслэн – улон сюрессы быдэсак герӟаськемын вордӥськем Бадӟым Качак гуртэнызы: соос кыкназы ик та гуртын вордскыса будӥллям, татын ик ужаллям, татчы ик выжы лэзиллям. Юбиляръёслэсь ортчем сюрессэс капчи уд шуы. Соослэн пичи дырзы война бере аръёсын тупамын. Гыльнифа апаен Минсабир агай курытсэ но, шӧксэ но улоназы веръяллям. Пӧртэм секытлыкъёс ке но луиллям, соос чигиськиллямтэ. Пичиысен бадӟымъёс радын ужаса ветлӥллям.
Киосыз небытэсь но устоесь
2015-09-10
«Эстель» парикмахерской пала вуыкум, шумпотыса тэтчаса лыктӥсь пичи нылашез но солэсь анайзэ синйылтӥ. Тодмоосы луизы. Нылашлэн мылкыдыз ӝутскемын, ох, бӧтьыртэ ук! «Анай, тон чеберлэсь но чебер луид. Будӥ ке, мон но Ильмира апай кадь йырси вандӥсь луо», - шуэ со анаезлэн синъёсаз учкыса. Мон ачим но парикмахерское дыртӥсько. Кызьы шуиз пичи нылаш, Ильмира апай доры. Отысь мон ӝутскем мылкыдэн пото, асме зэмос нылкышноен лыдъяса, азьпала вамышто. Кин бен со Ильмира апай?
