icon_gotop
18+
autorisation
Войти | Регистрация
Время в Татышле
13:57
Sunday, 17 Октября
Рекламный баннер 990x90px top

«Бадӟым книгалэн бамъёсыз тросгес но яркытгес мед луозы»

2015-09-17

Татышлы ёросын эстафетаез ёрос библиотекае люкаськем калык пумитаз. Та нуналэ библиотекае удмурт, бигер, башкир, ӟуч кылын гожъяськисьёс люкаськемын вал. Пумиськон котырес жӧк сьӧрын вераськонэн кутскиз. Тросэз тодо, Татышлы ёрос кылбурчи-просветительлэн Гали Сокоройлэн, калык кылбурчилэн Ангам Атнабаевлэн нимъёсынызы данъяське. Арлы быдэ татышлы музъем вылын литературалы сӥзем конкурсъёс, смотръёс но пӧртэм ужрадъёс ортчыло. Ёросын бигер, ӟуч кылын газетъёс пото, «Ошмес» газетлэн редакциез но татчы интыяськемын.

Котырес жӧк сьӧрын вераськон литературалы, творчестволы но гожъяськон удысын тыршисьёслэн ужъёссылы сӥземын луиз. Писательёслэн Кенешысьтызы вуэм куноос пумиськонэ лыктэм котькуд гожъясьлэсь рукописьсэ учкизы, ужъёссылы дунъет сётӥзы. Со сяна, котькуд гожъясь аслэсьтыз гожтэм чуръёссэ лыдӟиз. Шумпотымон соиз: вуэм куноос удмурт литературалы, удмурт поэзилы бадӟым саклык висъязы. «Ошмес»  газетлэн бамъёсаз потэм гожъясьёслэн  ужъёсынызы пыр-поч тодматскыны ӝутскем мылкыдзы сярысь веразы. Делегацилэн кивалтӥсез нылпи кылбурчи Фарзана Губайдуллина шуиз:

- Татышлы музъем кырӟаны-вераны, кылбураны усто калыкеныз тодмо. Тӥ доры куное вуыса, ми синмаськимы инкуазьлы, ужаны, чебересь чуръёс кылдытыны быгатӥсь калыктылы. Ангам Атнабаевлэн вордскем палъёсаз выль яркыт нимъёс, кылбуръёс но кырӟанъёс трос вордӥськозы на. Удмурт, бигер, ӟуч, башкир кылын гожтэм выль чуръёс трос луозы. Ёростэс, калыктэс, ас шаердэс данъян мылкыдды ноку медаз кысы. Гажано гожъясьёс, лэчыт перо тӥледлы, азьланяз но выль ужъёсты трос мед луозы на.

Котырес жӧк сьӧрын пумиськонэз «Открывая новые страницы» литературно-музыкальной программа азьланьтӥз. Сое усьтыса, Аскын ёросысь делегация республика марафонлэсь символзэ - бадӟым книгаез - татышлыослы сётӥз. БР-ысь Культурая министрлэсь Амина Шафиковалэсь ӟечкыланзэ лыдзыса, Вера Пантелеева шуиз:

- Бадӟым книгалэн бамъёсыз нуналысь нуналэ тросгес но яркытгес мед луозы. Выль дано нимъёсын тырмыса книгамы азьлань мед мыноз. Егитъёс, пиналъёс арлыдо гожъясьёсын артэ султыса соослэсь сюрессэс мед азьланьтозы. Пӧртэм кылъёсын вераськись калыкъёсмылэн ужъёссы жингрес чуръёсын тырмыса, шаермес данъяны мед быгатозы. Ӟеч сюрес тыныд, литература, ӟеч сюрес тыныд, книга!

Литературалэн ареныз ӟечкыласа, ужрадын Аскын ёрос администрациен кивалтӥсьлэн воштӥсез Фоат Фатхуллин но Татышлы ёрос администрациен кивалтӥсьлэн воштӥсез Ралиф Рахимов вераськизы. Литературно-музыкальной программа бӧрсьы куноос кылбурчи-просветительлэн Гали Сокоройлэн вордскем палъёсаз, Вуж Чукур гуртэ вуылӥзы. Курдым гуртысь Ангам Атнабаевлы сӥзем музее пыразы. Башкир литератураысь  классиклэн Ангам Атнабаевлэн бюстэз вӧзы куноос но гожъясьёс сяськаос понӥзы.

Ирина САМИГУЛОВА.

2591

Оставить сообщение:

НАШИ ПАРТНЕРЫ