Ӟеч ужез понна - диплом но энциклопедия

Ужрад улсын «Лучший урок письма - 2015» Быдэсросси конкурслэн региональной этапаз вормисьёсты но призёръёсты данъязы. Тодады вайытӥськом, конкурс «Почта России» ФГУП-лэн филиалэзлэн – Федерал почтовой связьлэн БР-ысь управлениезлэн но БР-ысь Дышетонъя министерстволэн кичӧлтэмзыя дас куинетӥ ползэ радъяськиз. Арлы быдэ конкурсэ сюлэсь ятыр школаосын, вузъёсын но ссузъёсын дышетскисьёс пырисько. Туэ конкурсэ 400-лэсь ятыр эпистолярной жанрен ужъёс ыстэмын вал, соос пӧлысь 19-эз – дышетӥсьёслэн методической разработкаоссы. Республикаысь 36 адями вормисьёс пӧлын лыдъясько.

Татышлы ёрос но конкурслэсь палэнэ ӧз кыльы. Дышетӥсьёс пӧлын «Лучшая методическая разработка проведения Урока письма» номинациын кыкетӥ инты сётэмын Кызыл-Яр школаысь ӟуч кылъя но литературая дышетӥсьлы Эльвира Гильманшиналы. Вормонэныз ӟечкыласа, Борис Сабирзянов дышетӥсьлы диплом но энциклопедия сётӥз, азьланяз выль вормонъёс сӥзиз.

     Эльмира ГАРЕЙШИНА.