Ог-огзылы эш ӧвӧл

Уголовной ужез эскерон вакытэ йыртэмасьёс янгышсэс валазы. Соос руль сьӧры юыса пуксьыны уг яра шуыса тодо вылэм, нош со понна кыл кутытэмзы сярысь нокин верамтэ. Россия Федерациысь Уголовной кодекслэн 264.1 статьяезъя, руль сьӧры кыкетӥ ползэ юыса пуксем яке юэмзэс-юымтэзэс возьматыны пумит луэм адямиосты 200-300 сюрс манет коньдонэн кыл кутыто. Со сяна, Уголовной кодексын мукет кыл кутытон амалъёс но пусъемын. Озьы руль сьӧры кыкетӥ ползэ юыса пуксисьёсты 480 час яке кык ар ӵоже ужатыны,  кык арлы пытсэт сьӧры келяны быгатозы. Юэм йырын ворттылонэз гажасьёс куинь арлы куд-ог ужъёслэсь мозмытэмын луозы.

Туннэ руль сьӧрын ворттылыны тросэз гажало. Но соос ваньзы валало меда, курыт юон но машина ог-огзылы эш ӧвӧл шуыса?

А. А. ПРОХОРОВ, Татышлы ёросысь прокурорлэн юрттӥсез.