icon_gotop
18+
autorisation
Войти | Регистрация
Время в Татышле
05:47
Четверг, 5 Августа
Рекламный баннер 990x90px top

Киосыз небытэсь но устоесь

2015-09-10

Ильмира Салимьяновна Шакирова вить арлэсь ятыр «Эстель» парикмахерскойын ужа. Вордӥськемын со Татышлы ёросысь Выль Татышлыын. Гуртаз ик дышетскиз, уж сюрессэ но отын ик азьланьтӥз. Трос аръёс ӵоже вуз карон юртын ужаз. Но сюлмыз ялан кытчы ке но куриськиз кадь, аслыз со выль ӧр утчаз. Озьы со Янаулын парикмахерлы дышетскиз, Уфаын маникюр лэсьтон амалъёслы тодон-валан басьтӥз. Ма, туала улонлэн куронъёсыз сыӵе угось.

Чупрес кышномурт котькытчы но вутске. Улэ со Вылысь Татышлыын, Анатолий кузпалэныз Идель пизэс будэто. Уждураз Ильмира ноку урод мылкыдзэ уз адӟыты. Пальпотыса, шуныт кылъёсын пумита со лыктӥсь-пырисьёсты. Нош киосыз? Устоесь, небытэсь! Ужзэ со туж яратэ. Быръем удысаз нырысь вамышъёс лэсьтыны юрттӥллям ужысь эшъёсыз Фанзия Фанавиевна но Зифина Даниловна. Кема аръёс ӵоже та ӧрын тыршем, трос опыто коллегаосызлы, юрттэмзы понна, Ильмира пумтэм тау кылъёссэ вера. Парикмахеръёслэн праздниксы улсын, Ильмиралы сӥземе потэ: «Ужед ӟеч мед азинскоз. Мылкыдыд котьку ӝутскемын мед луоз».

Лилия ГАРАЕВА.

Татышлы ёросысь Арибаш гурт.

1338

Оставить сообщение:

НАШИ ПАРТНЕРЫ