Кытын ке но забор кырыжам, кытын ке но нылпиослы шудон площадкаез тупатоно, сюрес лэсьтоно, шур вамен выжез выльдоно, нош кытын ке но – законэз тӥяса аракы вӧлмытӥсьёсын, наркоманиен но мукет шуг-секытъёсын нюръяськоно. Та выллем ужпумъёсын нырысь ик пумиськоно луо гурт поселениослэн кенешъёсазы быръемъёс. Гурт поселениосысь кенешъёс кивалтэтлэн нырысетӥ, валтӥсь люкетэныз лыдъясько. Депутатъёс – калыкен власть кусыпъёсты юнматӥсьёс. Матэктӥсь быръёнъёслэн кулэлыксы сярысь вераськиз Башкортостанлэн Тӧроез Рустэм Хамитов.
- Рустэм Закиевич, Тӥ котьку пусйиськоды, Тӥляд ужады валтӥсез – со шаерамы улӥсьёслэн малпанъёссы, сюлмаськонъёссы. Шӧдӥськоды-а Тӥ адямиослэсь улон интызы, городзы яке гуртсы, сярысь сюлмаськонъёссэс, секыт ныпьетэз асьсэ пельпумъёсазы басьтыны дасьлыксэс?
- Республикаен кивалтытозям мон ӟеч валай: кивалтэт котькыӵе уж быдэстӥз ке но, со калык понна лэсьтэмын луыны кулэ. Та уже борды кутскон нырысетӥ нуналын ик аслым ужпум пуктӥ: республикаын улӥсьёс понна ӟеч луонлыкъёс кылдытоно. Мукет ужпумъёсмы милям ӧвӧл. Котьма борды ке но басьтӥськи, валтӥсь ужпумме быдэстон сярысь тыршисько. Та туж секыт уж, малы ке шуоно выльдӥськонлэн, кызьы тодмо, пумыз ӧвӧл. Таиз арлэн бадӟым ужрадэз – Уфаын радъяськем - ШОС но БРИКС саммитъёс - дуннеын Уфалэсь но Башкортостанлэсь данзэ ӝутӥз. Республикамы Россилэн азинлыко регионъёсыз пӧлы пыртэмын. Со сяна, бадӟым ужрад асьме быгатонлыкъёсмес возьматыны юрттӥз. Саммитъёслэсь емышъёссэ туннэ нуналэ но шӧдӥськом ни, инвесторъёс шаерамы кыстӥсько. Озьыен, азьпалан калыклэн улонэз ӟеч пала воштӥськыны кулэ. Кивалтэт адямиос понна ужа. Сое калык но шӧдэ, ӟеч вала. Соослэсь осконзэс милемлы ыштыны уг яра.
- Шаерын кылдэм секыт социально-экономической югдур выль куронъёс пуктэ. Республика соосты кызьы вормыны быгатоз?
- Экономической кризис асьме регионэз палэнтӥ ортчиз шуыны уг луы. Адямиос юрттэмен, республика «Башнефтьлэсь» акциоссэ берен басьтыны быгатӥз. Вераны быгатӥсько, таӵе вормон одӥгысь огпол гинэ луэ. Трос адямиос мыным та юанэн вазиськылӥзы. Соин ик мон та пумысен странамылэн Президентэныз кенеши, аслэсьтым малпанъёсме верай.Со милемыз кылӥз, юрттӥз. Ми азьпалан но республикаын улӥсьёс понна ӟеч луонлыкъёс кылдытон сярысь сюлмаськыса уломы.
- Матэкто интыысь аскивалтэтэ быръёнъёс. Ӟеч депутат луонэз капчи ӧвӧл. Адямиос со доры пӧртэм юанъёсын, секытэсь ужпумъёсын вуыло, кудъёсызлы вакчи дыр куспын, капчиен гинэ валэктон но уд шедьты.
- Туннэ асьмелэн «власть но общество» веран паськыт вӧлмемын. Со бордын янгыш валан ватскемын кадь, шуом, общество – со одӥг маке, власть – чылкак мукет, со кытын ке но кыдёкын кадь, со доры вуыны луонтэм. Тросэз малпало, та кылъёс ог-огзылы матын уг луо шуыса. Но со озьы ӧвӧл. Мар со кивалтэт? Со сыӵе ужан тӥрлык, кудӥз котькинлы юрттэ, огазеяськыса сэрттӥсько-пертчисько ужпумъёс, быдэстӥсько бадӟымесь ужъёс. Мон малпасько, кивалтэтлэн нырысетӥ уровенез – интыысь кенешъёс – тужгес валтӥсен лыдъясько. Интыысь депутатъёс пыр ми доры вуо гуртын улӥсьёслэн сюлмаськонъёссы.
Шонер, кивалтэт – со быгатонлык гинэ ӧвӧл, со - кыл кутыны быгатонлык но. Кивалтэтын ужасьёс калык понна зэмос ужъёс быдэстыны кулэ. Кызьы шуо калыкын, «мукетъёслы пиштыса, ачим ӝуасько»: секытлыкъёсты ас вылад басьтыны быгатоно, мукетъёслы юрттоно. Мон ачим та принцыпъя ужасько, ужасьёсы азе но сыӵе ик куронъёс пуктӥсько.
- Куара сётон нуналэ 7300 депутатъёсты быръёзы. Избирательной процесслы кыӵе дунъет сётысалды?
- Жаляса верано, тросэз политической партиос та быръёнъёсы азинлыко уг пырисько. Лыдъяло, та быръёнъёсын вормонэз Кун Думае яке БР-ысь Кун Собрание быръёнъёсын вормонэн уд ӵошаты. Со озьы ӧвӧл. Интыысь аскивалтэт бордысен государствоен кивалтон азинске угось. Кивалтэт республикаысь котькуд инициативной адями бордысен кутске. Асьмеос ваньмы котыр улосэз ӟечомытон, утялтон сярысь ӧм ке сюлмаське, со сярысь кин малпаськоз? Соин ик асьмелы общественной улонэ котьку азинлыко пыриськоно, депутатъёслы ӵектонъёсын, куронъёсын вазиськоно. Нош соос юрттэт возьматыны кулэ, куронъёстэс мед быдэстозы. Быръёнъёс – со кивалтэт но общество шоры учконмес воштон амал. Асьмелэсь – трос нациен шаерын улӥсьёслэсь гинэ – уте, быгатомы-а избирательной процесслэн луонлыкъёсыныз пайдаяськыса, гурт поселениын но огъя республикаын улонмес воштыны, ӟечомытыны.
Дасямын «Башинформысь» материалъя.
Оставить сообщение: