Удмурт огазеяськон эшъёссэ люказ
2016-12-22
Кызь ар талэсь азьло башкир музъемын удмуртъёслэн национально-культурной центрзы кылдӥз. Соин 19 арлэсь ятыр кивалтӥз РФ-ысь гурт удысысь сӥё-дано ужась, Кузёбай Герд нимо премилэн лауреатэз, Калыкъёслэн эшъяськон ордензылэн кавалерез, СССР-ысь куасэн бызьылонъя спортъя мастер Ренат Галямшин. Туннэ нуналэ НКЦ-ен Салимьян Гарифуллин кивалтэ.
«Шундыберган» дыр ортчемъя уз куасьмы
2016-12-15
Шаерамы пӧртэм выжы калыкъёс уло: котькудӥз соос асьсэлэсь кылзэс, выжызэс, сям-йылолъёссэс утьыны тыршо, соосты пиналъёслы, егитъёслы пыӵатон сярысь сюлмасько. Кылем арняын Татышлы ёросысь Выль Татышлыын, БР-ысь удмуртъёслэн ИКЦ-зылэн кичӧлтэмезъя, удмурт калыклэн культураезлы, йылолъёсызлы сӥзем ужрад ортчиз. Со «Шундыберган» нимаськиз.
Пӧртэм сэрегъёсысь удмуртъёсты огазея
2016-12-15
Ижевскын «Удмурт Кенеш» огазеяськонлэн 25 ар тырмонэзлы сӥзем сӥё-дано ужрад ортчиз. Отчы Удмуртиысь, Татарстанысь, Марий Элысь, Свердловск но Киров улосвылъёсысь, Москваысь, Санкт-Петербургысь делегациос вуизы. Ужрадэ Башкортостанысь 16 адями пыриськиз.
Эшъёс пӧлын шулдыръяськон
2016-12-15
КУИНЕТӤ толсуре Татышлы ёросысь Вязовкаысь «Уӵы ныл» ансамбльысь кырӟасьёс вазь ӵукна ик кузь сюрес вылэ потӥзы. Та нуналэ соосты Свердловск уловылысь эшъёссы «В кругу друзей» удмурт культурая фестивале куное витизы.
Тон ке вӧзын, улонмы но чебер
2016-12-08
Анай ке вӧзын, улон но чебер. Со вылын быдэс юртмы, семьямы возиське. Та нуналъёсы Анайлэн нуналэзлы сӥзьыса Калмиярысь культура юртын шулдыр ӝыт ортчиз. Отчы ньыль анайёс, ньыль песяйёс но ӵужайёс, ньыль нылъёс пыриськизы. Соос понна пӧртэм конкурсъёс дасямын вал, кылсярысь, удмурт сям-йылолъёсты, пыжиськемъёсты возьматон, мода адӟытон. Со сяна, анайёслы но мусо нылъёслы доре сётэм ужзэс быдэстоно вал.
Анайёсты данъяса но вордӥськем нуналэз пусйыса
2016-12-08
Кылем арняын Купченейын Анайёслэн нуналзылы сӥзем ужрад ортчиз. Празднике Суккулово гурт поселенилэн администрациеныз кивалтӥсь Фаниль Галимов но пыриськиз.
Калыкез кызь вить ар шумпоттэ, кырӟан-эктонэн шулдыртэ
2016-12-01
Кызь куатетӥ шуркынмонэ Выль Татышлы культура юртын шуныт пумиськонъёс ортчизы. Та нуналэ калыкъёсты огазеясь, эшъяськытӥсь «Шулдыр ӝыт» удмурт калык ансамбль 25 ар тырмон юбилейзэ пусйиз.
Шулдыр но задор кырӟанъёс, сюлэме пыӵась гуръёс
2016-11-24
Татышлы ёросын кырӟанэз, крезьгурез яратӥсь калык улэ. Солэсь сыӵе быгатонлыкъёссэ лыдэ басьтыса ик, дыр, ёрос кивалтэт кырӟасьёс пӧлын «Родные напевы» смотр-конкурс ортчытыны малпаз. Кык арлы одӥг пол ортчись ужрад туэ ньылетӥ ползэ Татышлы ёросысь Улысь Балтач культура юртын радъяськиз.
Пӧртэм кылын вераськиськом, эшъяськыса улӥськом
2016-11-24
Башкортостан Республикаын пӧртэм финн-угор калыкъёс уло. Та нуналъёсы Краснокама, Мишкино но Янаул ёросъёсын соослэн культуразыя фестиваль ортчиз. Янаулын «Карусель дружбы» гала-концерт радъяськиз.
«Ӧрӟилэн» зарни крезьгур пырыосыз - «Элькуновиденилэн» шыкысаз
2016-10-27
22-тӥ коньывуонэ Ижевскысь «Аксион» дворецын «Элькуновидение» конкурслэн кыкетӥ этапез ортчиз. Витетӥ ползэ радъяськись ужрадэ Удмуртиысь ёросъёсысь но городъёсысь кырӟасьёс но коллективъёс пыриськем сяна, туэ ӵошатсконэ Башкортостанысь но Татарстанысь ансамбльёс вуизы. Кызьы гожтэмын ни вал газетмылэн азьвыл номераз, «Элькуновидениын» Башкортостанысь удмуртъёсты возьматӥз Татышлы ёросысь Улысь Балтач гуртысь «Ӧрӟи» калык вокал ансамбль. Пиос Ирина Самигуловаен но Алик Кайрановен гожтэм «Мусо эше» кырӟанэз быгатыса, усто быдэстӥзы. «Ӧрӟи» - финалын! Та нуналэ соос понна чабыны вуизы Башкортостанысь эшъёссы. Камсьӧр удмуртъёслэн дӥськутъёсынызы кышномуртъёсты нокин палэнтӥ ӧз ортчы, шуыны луоз, тросэзлы тунсыко вал милям кытысь, кыӵе ёросысь вуэммы.
Удмуртлыксэс кырӟан гуръёсын утё
2016-10-27
Башкортостанысь удмуртъёслэн национально-культурной центрзы трос саклык висъя нылпиосты анай кылзылы дышетонлы. Озьы 2000-тӥ аръёсы солэн кивалтэтэз Илиш ёросысь Ташкичи гуртысь школаын удмурт кылъя урокъёс усьтон сярысь сюлмаськиз. Но малпанэз пӧртэм мугъёсын быдэстыны ӧз пӧрмы. Озьы ке но шумпотоно: гуртын анай кыл ӧз ышы, ёросын удмурт лулчеберет но возиське.
«Шулдыръёс»
«Школае пиналъёслэсь мӧзмыса вуисько»
2016-09-29
Дышетӥсьлэн нуналэз – аспӧртэм праздник. Сое уг луы вунэтыны, малы ке шуоно котькин тон мед луод – президент, журналист, эмчи, шофёр, агроном, моряк, эктӥсь, кырӟась – нырысь ик тон кинлэн ке но дышетскисез вал. Та нуналэ тодэ лыкто школа, классъёс, тодон-валан сётэм адямиос.
Быдэс арлы кужым басьтӥм
2016-09-08
Куарусёнэз котькуд пинал пӧртэм сямен пумита. Кин ке, кылсярысь, выль дышетскон арлы шумпотэ, нош кин ке гужем каникулъёслэн ортчемзы пумысен жаля. Калтасы ёросысь Бадӟым Качакысь Валерий Галиахметовлэн но Фёдор Мениевлэн, Татышлы ёросысь Выль Татышлыысь Алёна Самигуловалэн но Линда Гильмановалэн, Калмиярысь Валерия Мардамшиналэн, Улысь Балтачысь Линда Зидымаковалэн, Янаул ёросысь Каймашабашысь Альбина Башировалэн гужем каникулъёссы кемалы вунонтэм кылизы. Туэ соос «Шундыкар» лагерьын шутэтскизы. Пиналъёс отын ортчем нуналъёссы сярысь шумпотыса верало.
Историенымы, калыкенымы данъяськыны дышетэ
2016-09-08
Быдӟым Атыкай ож аръёсы улон, собере трос секытэз адӟон – ваньмыз со ортчеме кылемын. Егитъёс со сярысь песяй-песятайёссылэсь, книгаосысь гинэ тодо на. Нош музейёс котькуд нунал соин шокало. Отын улэ асьмелэн историмы.
1992-тӥ арын толшор толэзе Ташкичиысь дышетӥсьёс школазы борды музей кылдытыны малпаллям. Гуртазы тросгес удмуртъёс улӥллям бере, сое «Удмурт крестьянинлэн юртэз», пе, ниманы луоз. Дышетӥсьёслы малпанзэс быдэстыны гурт калык бадӟым юрттэт возьматэм. Соос огъя кужымен фольклорез эскерон, гуртэн но отын улӥсьёсын герӟаськем материалъёс, экспонатъёс люкан борды басьтӥськиллям. Школаысь музейлы чаклам висъет вакчи дыр куспын шӧдскымон узырмем. Та вакытэ ик калык люкам ваньбурзэ дышетӥсьлы Аниса Марваровналы осконзэ верам.
Москваын удмурт праздник ортчиз
2016-07-21
Шаермылэн шоркарысьтыз «Эрмитаж» сад одӥг нуналэ удмурт дуннелы пӧрмиз. Татын удмурт калык праздник - Гербер – радъяськиз. Ужрадэ Удмурт Элькунлэн Тӧроез Александр Соловьёв, удмурт культурая огазеяськонъёслэн кивалтӥсьёссы, фольклор ансамбльёс но Москваын улӥсьёс пыриськизы. Кузь сюресэз вакчи карыса, празднике Татышлы ёросысь Кызыл-Ярысь «Марӟан», Янаул ёросысь Вуж Варяшысь «Югдон» но Пермь шаерысь Куеда ёросысь Бадӟым Гондыр гуртысь «Тюрагай» удмурт калык ансамбльёс но вуылӥзы.
Ӟечбур, гуртэ – нуныяса будэтэм кӧкые
2016-07-14
Кемалась-кемалась, 1627-тӥ арын, шаермылэн одӥгаз шулдыр сэрегаз, шур дуре, удмуртъёс улыны интыяськиллям. Гуртсэс соос пӧлазы Шыр нималлям. Нош гожтӥськемын со Каймашабаш.1748-тӥ арын гуртын 47 адями лыдъяськем, 1920-тӥ арын ортчем лыдъян-чотанъя – 931. Али дыре гуртын 184 юртъеръёсын 600-лэсь трос калык улэ.
Оскон пыӵаз сюлэме, крезьгур вӧлмиз котыре
2016-06-30
26-тӥ инвожое Пермь шаерысь Куеда ёросысь кирга но бадӟым гондыр музъемын бадӟым ужрадъёс – Элен вӧсь но «Древние напевы удмуртов «Чакара» регионъёс куспысь фестиваль – радъяськизы.
Ручкаез но компьютерез шутэтсконэн воштӥзы
2016-06-23
Кылем арняын Татышлы ёросысь «Косая степь» шутэтскон базаын республикаысьтымы журналистъёслэн фестивальзы ортчиз. Отчы валтӥсь редакторъёс, журналистъёс, республика но ёрос газет-журналъёсын, радиоын но телевидениын, интернет-изданиосын ужасьёс пыриськизы.
Андреевкаысь зангариос
2016-06-23
Андреевка – Янаул ёросысь удмурт гурт. Куке но татын юн гурт хозяйство вылэм, школа тыр чалмытскисьтэм пинал куараос жингыраллям. Нош туннэ нуналэ гуртлэн «кизилиез» луэ клуб. Огдырлы ужъёссэ вунэтыса, калык татчы шутэтскыны дыртэ. Клубен кивалтӥсьлэн Гузалия Губаевалэн верамезъя, клубын ужрадъёс ӵем ортчыло, кылсярысь, арняяз куинь пол нылпиослы ужрадъёс но радъясько.
Калыклы мӧзмыны дыр ӧз луы, крезьгур ӧтиз шулдыръяськыны
2016-06-16
11-тӥ инвожое Выль Татышлыын гырон-быдтонлы сӥзем шулдыръяськон ортчиз. Со кӧня ке люкетъёслэсь сылӥз. Отын ужын азьмынӥсьёсты данъязы, Бальзюгаысь вӧсясьлы Назип Садриевлы «Древо мира» премия сётӥзы, «Ошмес» газетэз лыдӟисьёс пӧлын «Счастливое авто» акция радъяськиз, трос кырӟанъёс чузъяськизы, спорт шудонъёс луизы. Ваньмыз сярысь радызъя мадёмы.
