Школаын дышетскисьёс анай сярысь кылбуръёс лыдӟизы, кырӟанъёс быдэстӥзы. Озьы ик анайёс сярысь сценкаос но возьматӥзы. Шулдыресь удмурт кырӟанъёс котькинлэн сюлмаз сюрес шедьтӥзы: Юлия Пургина но Валерия Нестерова тодмо кырӟасьлэсь Алёна Тимерхановалэсь «Мемие» кырӟанзэ кырӟазы.
Пиналъёс бере сцена вылэ «Зангари» удмурт калык ансамбль потӥз. Зангариос удмурт но ӟуч кырӟанъёссэс быдэстӥзы. Та нуналэ ик тупаз «Тодэ ваён» калык фольклор ансамбльысь кырӟасьлэн Александра Андреевалэн вордӥськем нуналэз. Александра Ильиничнаез 80 арес тырмонэныз ӟечкыласа, эшъёсыз трос шуныт кылъёс веразы, кырӟанъёссэс кузьмазы, синпель кузьымен шумпоттӥзы.
Нина ПУРГИНА,
гуртысь библиотекаен кивалтӥсь.
Ермекей ёрос.
Перепечатка материалов – с разрешения редакции. Мнения авторов и редакции могут не совпадать.
Все рекламируемые товары и услуги подлежат сертификации и лицензированию.За достоверность рекламы ответственность несёт рекламодатель.
E-mail: info@gazeta-oshmes.ru
Оставить сообщение: