Статьи

25-тӥ южтолэзь Янаул ёросысь Сандугач школаын ужасьёс но дышетскисьёс понна аспӧртэм нуналлы пӧрмиз. Татын республикаысь удмурт школаосын дышетскись пиналъёслэн нылпи творчествоя фестивальзы ортче. Сандугачъёс ужрадэ вань удмурт школаосысь усточи пиналъёсты витё. Но… Туннэ фестивальын дас командаос кужымзэс мерталозы: Балтач ёросысь Асавкаысь, Бурай ёросысь Выль Тазларысь, Калтасы ёросысь Бадӟым Качакысь, Татышлы ёросысь Выль Татышлыысь, Улысь Балтачысь но Уразгильдыысь, Янаул ёросысь Вуж Варяшысь, Каймашабашысь, Максимысь но Сандугачысь школаос.

Кызыл-Ярын ӟеч сямлы пӧрмиз ни дышетскисьёс пӧлын куасэн ӵошатсконъёс радъян. Со Чечен ожын бырем егит солдатэз, Ивановка гуртлэсь одӥгзэ шаплы пизэ Сергей Самиевез буре ваён вылысь радъяське. Зэм, берло аръёсы ӵошатсконын кӧня ке воштӥськонъёс луизы. Дышетскисьёс отын азьвыл куасэн шаплы бызьылыны быгатэмзэс гинэ ке возьматӥзы, табере биатлонын кужымзэс эскеро.

У печально известной финансовой пирамиды «Древпром» появился «преемник».

Вениамин Набиокович Набиоков – Татышлы ёросысь Вязовка гуртлэн дано адямиез. Ёросын со усто куасчи, быгатӥсь тренер луэменыз тодмо, «Отличник народного просвещения РСФСР» нимен пусъемын. Куамын арлэсь кема физрук луыса ужам дышетӥсьлэн (соос пӧлысь кызьзэ Бигинее ветлыса ужам) пиналъёсыз ёросын чемпион нимлы кузё луылӥллям, командаез котькуд ёрос ӵошатсконысь вормонэн берытскем. Тросэз, дышетӥсьсылэсь адӟем карыса, физкультурая дышетӥсьлэсь ужзэ бырйиллям. Кылсярысь, Александр Сабанчин, Яков Бадамшин, Руслан Нуриахметов, Александр Фаршатов но мукетъёс.

Шаермы котькыӵе вакытэ культура удысын ужасьёсыныз дано вал: крезьгурчиосыныз, кырӟасьёсыныз. Вераны кулэ, лулчеберет – со дуннеын тодмо луись нимъёс гинэ ӧвӧл, калык культураез утёнэ но сое азинтонэ трос кужымзэс сёто музейёсын но библиотекаосын ужасьёс, крезьгуръя школаосысь дышетӥсьёс, культура юртъёсысь ӧнерчиос но гурт клубъёсын ужасьёс.

2005-тӥ арын Бурай ёросысь Байшады гуртын, Ида Фаюршиналэн кичӧлтэмезъя, «Туганэ» удмурт фольклор ансамбль кылдӥз. Отчы пыриськисьёс удмурт кырӟан-эктонъёсын концертъёс возьматъязы, мукет удмурт гуртъёсы но вуылӥзы. Со сяна, удмурт калыклэсь, асьсэ гуртсылэсь сям-йылолъёссэс улӟытон сярысь сюлмаськизы. Али Ида Рахимовналэсь ужзэ Зухра Багаутдинова азьланьтэ. Гуртысь клубен кивалтӥсь кышномурт калыкез, гуртэз сярысь сюлмаськонъёсын улэ.

Прокуратурой Татышлинского района РБ проведена проверка соблюдения трудового законодательства в части обеспечения поведения специальной оценки условий труда.

Прокуратурой Татышлинского района РБ по коллективному обращению работников одного из СПК района проведена проверка соблюдения трудового законодательства в части обеспечения оплаты труда в сельскохозяйственном производственном кооперативе (далее – СПК).

Республикамылэн шоркараз Россиысь Финн-угор калыкъёслэн ассоциацизылэн Советэзлэн Президиумезлэн кенешонэз ортчиз. Сое нуиз Президиумлэн тӧроез, Россиысь калыкъёслэсь кылзэс, культуразэс утёнъя но азинтонъя комиссиен, Россия Федерацилэн Президентэз бордысь межнациональной ужпумъёсъя кенешен кивалтӥсь Пётр Тултаев.

Туннэ республикаын поттэм гурт продукцилэн одӥг куиньмосэз - нимысьтыз хозяйствоосын дасям вузъёс. Соослы азьпалан но ужаны ӟеч луонлыкъёс кылдытоно: будэтэм продукцизэс вузаны, утялтыны, переработать карыны мед быгатозы, «от грядки – до прилавка» ужан амал кылдытэмын мед луоз, вузъёссэс дунтэмен медаз вузалэ. Пудо вордон бордын тыршисьёслы ужан тӥрлыкъёс но пудо басьтыны юрттэт возьматоно. Республикалэн Тӧроезлэн Р. Хамитовлэн вазиськонысьтыз.

Гожанысь нылпи сад – ёросысь усто нылпи садъёс пӧлысь одӥгез. Со 1992-тӥ арын 24-тӥ тулыспалэ усьтӥськем. 2014-тӥ арын зданиын бадӟымесь тупатъян ужъёс быдэстӥллям. Макем татын шулдыр, югыт! Висъетъёс огзылэсь огзы чылкыт утялтэмын. Пӧзьтӥськон инты кык блокъёслэсь сылэ: сӥльлы блок но бакча сиёнъёслы блок. Радэн сыло дӥськут куасьтон шкафъёс. Эмъюрттэт возьматон инты но нылпиослы тунсыко мед луоз шуыса тупатэмын. Борддоръёс пичильтыкъёслэн лэсьтэм ужъёсынызы чеберъямын. Огкылын вераса, татын нылпиослы но, ужасьёслы но каньыл - вань луонлыкъёс кылдытэмын.

25 марта в школе села Сандугач прошли ежегодные соревнования по лыжам, посвященные учителю физкультуры Какимову М.Ш.

Шаермес утисьёслэн нуналазы республикаысьтымы но Пермь шаерысь Куеда ёросысь удмурт школаосын дышетскисьёс арлы быдэ волейбол площадкаын пумиськыло. Та нуналэ соос «Ошмес» газетлэн кубокез понна нюръясько. Туэ отын огъя тямыс командаос кужымзэс эскеризы. Соос пӧлысь ньылез нылъёслэн, ньылез – пиослэн. Жаляса верано, ӵошатсконэ пӧртэм мугъёсын Калтасы ёросысь Бадӟым Качакысь но Янаул ёросысь командаос пыриськыны ӧз быгатэ.

Одӥгез тол нунал милемыз Альгае вуттӥз. Одӥг урамлэсь гинэ сылӥсь гуртын чал-чал шыпыт. Альгаез утьыса сылэм выллем котыр нюлэс адӟиське. Та шулдыр но пичи гуртэ Инга но Алексей Андреевъёс выжы лэзизы. Интыяськон пумысен кузпалъёслэн пӧртэм малпанъёссы ке но луизы, вордӥськем палъёс бордазы золгес кыскизы кадь. Гуртын быдэ вуэм егитъёс гурт улонэз ик бырйизы. Выль юрт пуктыса, 2006-тӥ арын отчы улыны выжизы.

Капчи-а гуртын улонэз, ужанэз? Та юанлы одӥг гинэ веран куриське кадь: секыт. Но пӧламы вань сыӵе адямиос, кинъёс городын улонэз син азязы но пуктыны уг быгато. Соосты музъем бордаз кыске. Сыӵеос пӧлы ик пыртыны луэ Башкортостан Республикаысь гурт удысысь сӥё-дано ужасез, Янаул ёросысь «Дружба» СПК-ен кивалтӥсез Ралиф Шайдуллинэз. Куке но Ралиф Пайритдинович «синъёс кышкало, киос ужало» веранэз палэнтыса, улонзэ но ужзэ гурт хозяйствоен герӟам.

Татышлы ёросысь Альга (документъёсын Алга пусъемын) гуртын улӥсь Шамсикаят но Семён Гильманшинъёс 58 ар ӵоже улон сюрес кузя артэ вамышто ни. Мышказы учконо ке, улонлэн секыт ныпъетэз, кузь сюрес, кытын трос луиллям, дыр, шумпотонъёс но, сюлмаськонъёс но. Соослэсь пичи, егит дыръёссэс но чечыен-сакырен уд ӵошаты.

Пиослы озьы гожтэмын: быдэ вуыса, соос шаермес утисьёслэн радазы султо. Солдатъёс ӟеч валало, вордӥськем музъемез утьытэк каньыл улыны, уйёсы шып кӧлыны уг луы. Шаерез утён – данлык, сӥлы уж. Армиын луэм адями, азяз котькыӵе секыт куронъёс мед сылозы, соосты быдэстыны быгатоз. Ассэ жалятэк, со матысьёссэ утялтон сярысь сюлмаськоз.

Туэ куамын витетӥ ползэ ни шаерамы «Лыжня России» куасэн ӵошатскон ялэмын вал. Ужрадэ Россилэн котькуд субъектъёсаз улӥсьёс азинлыко пыриськизы. Ӟырт кезьытъёс но ӧз кышкатэ куасчиосты: бадӟымез но, пичиез но куас сюресэ потӥзы. Соосты данъяса выллем, инмын шунды мыняса пиштӥз.

Бальзюга гуртын 277 адями улэ. Со пӧлысь 203-ез собрание пыриськыны быгатэ. ППМИ-лы сӥзем собраниын 62 адями лыдъяськиз (огъя калыклэн 30,5%-эз). Ӧтемын вал «ППМИ» проектъя консультант Р. Р. Бахтиев, Татышлы ёрос кенешлэн секретарез Р. Г. Рахимов, ёросысь гурт послениослэн централизованной бухгалтеризылэн директорез Л. Ф. Гараева.

Прокуратурой Татышлинского района РБ по коллективному обращению работников одного из СПК района проведена проверка соблюдения трудового законодательства в части обеспечения оплаты труда в СПК.