icon_gotop
18+
autorisation
Войти | Регистрация
Время в Татышле
14:35
Пятница, 29 Марта
Рекламный баннер 990x90px top

Ужпумъёс трос. Быръёно одӥгзэ – тужгес валтӥсьсэ

13:16 16.02.2017

Урамъёсты но лэсьтоно, клубез но тупатоно. Кудзэ ужпумез быръёно? Выль Татышлы гурт поселение пырись Бальзюга гуртын улӥсьёс та юанэз «Программа поддержки местных инициатив (ППМИ)» проектлы сӥзем собраниосын ӝутӥзы. Гуртысь ужбергатӥсь В. А. Сабанчин Заречная но Менсадык Гарипов нимо урамъёсты тупатыны кулэ шуыса пусйиз. Та гуртын ик улӥсь М. Х Садретдинова солы дурбасьтыса вераз: «Сӥзьыл ульчаосы пырыны уг луы, машинаосты гурт пуме кельтоно луиськом».Та ужпумлы 48 адями куара сётӥз, пумит луисьёс ӧз луэ, 14 адями малпанзэ ӧз шарая.

Нош Е. И. Садретдинова клублэсь липетсэ выльдоно шуыса вазиськиз: «Со муген клубмы 2016-тӥ арын 1-тӥ толшоре ворсаськиз. Тани собранимы но ульчаын ортче. Мукет ужрадъёс уг ортчыло. Нылпиослы но клуб кулэ». Та ужпум понна 14 адями куара сётӥз, нош 48-ез пумит луизы, соос угось ульчаосты тупатон сярысь сюлмасько. Озьыен, калыклэсь мылкыдзэ лыдэ басьтыса, туэ бальзюгаос, ППМИ-ен пайдаяськыса, гурт урамъёссэс тупатозы. Собраниын кенешизы: та ужез быдэстон понна, юртлы быдэ 2500 манет коньдон люкалозы. Со сярысь сюлмаськоз но ужлэсь быдэстӥськемзэ эскероз калыкен быръем инициативной группа:Ф. М. Ахметшин, И. С. Гильфанова, Ф. В. Кабипянов, Я. М. Камидуллин, А. Х. Николаев, В. А. Сабанчин, С. Т. Ханов.

    Миляуша НИГАМАТУЛЛИНА. 

6146

Оставить сообщение: