архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Пинал куасчиос азинто сюрессэ

      2017.03.30 269 0
      Пинал куасчиос азинто сюрессэ

      Кызыл-Ярын ӟеч сямлы пӧрмиз ни дышетскисьёс пӧлын куасэн ӵошатсконъёс радъян. Со Чечен ожын бырем егит солдатэз, Ивановка гуртлэсь одӥгзэ шаплы пизэ Сергей Самиевез буре ваён вылысь радъяське. Зэм, берло аръёсы ӵошатсконын кӧня ке воштӥськонъёс луизы. Дышетскисьёс отын азьвыл куасэн шаплы бызьылыны быгатэмзэс гинэ ке возьматӥзы, табере биатлонын кужымзэс эскеро.

      Ӵошатсконэ туэ Татышлы ёросысь Улысь Балтач, Выль Татышлы, Кальтяево, Бадряш школаосысь пиналъёс вуизы. Со сяна, биатлонэ кузёос но зол дасяськизы. Ужрадэз усьтыса Кызыл-Яр школалэн кивалтӥсез З. А. Шаймарданова, Улысь Балтач гурт поселенилэн администрациеныз кивалтӥсь Э. Б. Рахимзянов, ёрос Кенешлэн секретарез, БР-ысь удмуртъёслэн НКЦ-зылэн Кенешезлэн ёзчиез Р. Г. Рахимов, егитъёслэн политиказыя но спортъя ёзэтэн кивалтӥсь Э. Д. Валиева, ДОСААФ-лэн ёросысь ёзэтэныз кивалтӥсь М. С. Самигулов вераськизы. 

      Вераны кулэ, та нуналэ соос пиналъёслы сяна, Сергей Самиевлэн анаезлы но солэн матысь ӵыжы-выжыосызлы вазиськизы. Соос дырызлэсь вазь улонэн люкиськем егит пи сярысь трос шуныт кылъёссэс веразы, солэсь спортэн эшъяськемзэ пусйизы. Сергей дышетскыны тол куазен котьку куасэн вуоз вылэм. Туннэ, жаляса верано, дышетскисьёс пӧлын куасэн тунсыкъяськисьёс сокем трос ӧвӧл ни. Озьы ке но ӵошатскон арлы быдэ котыраз пиналъёсты люка на. Биатлонэз ортчытонын, азьвыл аръёсы сямен ик, туэ но «Алисс» вузкарон юрт юрттэт возьматӥз.

      Тани пиналъёс куас сюрес вылэ султӥзы. Нырысь основной школаосын дышетскисьёс кужымзэс эскерозы. Куас сюрес вылын – вить команда. Эстафетаын нырысь нылъёс бызё. Тани соос тӧл сямен ӝог ширтыса ыбылӥськыны вуизы. Шӧдӥське, нылъёслы куас сюрес капчиенгес сётӥське, нош ыбылӥськонын секытгес на. Тросэз командаос штрафной круге пыроно луизы. Эстафеталэн нырысетӥ этапаз кужмогес луизы кальтяевоос. Нош кыкетӥяз улысь балтачъёслы удалтӥз. Куинетӥяз выльысь кальтяевоос шумпотӥзы. Вераны кулэ, тазэ этапсэс соос штрафной кругтэк йылпумъязы. Кальтяевоос эстафетаын финише нырысетӥ вуизы. Кыкетӥ но куинетӥ интыосын – Выль Татышлыысь но Улысь Балтачысь командаос.

      Шор ёзо школаос пӧлын эстафетае ньыль командаос пыриськизы. Татын нырысетӥ этапын ик улысь балтачъёс зол кужымзэс возьматӥзы: соос ыбылӥськонын но, куас сюрес вылын но кужмогес адӟисько. Соослэсь ӧжытлы бере кылё Выль Татышлыысь но Кальтяевоысь командаос. Эстафетаын котькудӥз этап огвыллемгес радъяськиз. Озьыен, татын нырысетӥ интыез басьтӥз Улысь Балтачысь команда. Нош кыкетӥ но куинетӥ интыосты люкизы Выль Татышлыысь но Кальтяевоысь командаос. Ӵошатсконын вормисьёс тужгес ӟеч ыбылӥськонэн шумпоттӥзы.

      Сергей Самиевез буре вайыса радъям ӵошатскон ёросысь биатлонъя кужмооссэ командаосты шараяны юрттӥз. Со сяна, со котькуд куасчилэн сюлэмаз спортэз но вордскем шаерзэ гажан мылкыд пыӵатӥз. 

      Ольга НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп