архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Малпанъёслэсь кылдо ужъёс, ужъёсысь – вормонъёс

      2017.02.16 261 0
      Малпанъёслэсь кылдо ужъёс,  ужъёсысь – вормонъёс

      Туэ куамын витетӥ ползэ ни шаерамы «Лыжня России» куасэн ӵошатскон ялэмын вал. Ужрадэ Россилэн котькуд субъектъёсаз улӥсьёс азинлыко пыриськизы. Ӟырт кезьытъёс но ӧз кышкатэ куасчиосты: бадӟымез но, пичиез но куас сюресэ потӥзы. Соосты данъяса выллем, инмын шунды мыняса пиштӥз.

      Куеда ёросысь Бадӟым Гондыр гуртын радъяськем ӵошатсконэ 140-лы матэ адями пыриськиз. Ёросысь гуртъёсын улӥсьёс сяна, ӵошатсконэ гондыръёслэн бускельёссы но – Чернушка ёросысь, Башкортостанысь куасэз гажасьёс - лыктыны мылкыд кариллям.

      - Куасчиослы кезьытъёс ӧз люкетэ. Ваньзы капчи мылкыдын куас сюрес вылэ потӥзы. Соослы культура юртын пӧсь чай юон радъямын вал. Ӵошатскыны потӥсьёслэсь мылкыдзэс бурдъяса, котырын шулдыр крезьгуръёс, кырӟанъёс чузъяськизы. Ӵошатскон пӧртэм возрастной категориосъя радъяськиз. Тужгес пичиосты басьтоно ке, пиос пӧлын Бадӟым Гондырысь 6 аресъем Илья Кабибзянов куас сюрес вылын кужымзэ возьматӥз, финише со куинетӥ вуиз. Нош нылъёс пӧлын – Киргаысь Анжелика Габтиева, со вормисе потӥз. Тужгес арлыдоосыз куасчиос – Бадӟым Гондырысь Тагира Аскатова (1-тӥ инты) но Леонид Нургалиев (1-тӥ инты), Краснояр гуртысь Сергей Собянин (2-тӥ инты). Соос кык иськеме бызизы, - вера культура юртэн кивалтӥсь Вячеслав Менликаев.

       Бадӟым ӵошатскон юнме шорысь та гуртын ортчымтэ. Вераны кулэ, кема ӧвӧл Бадӟым Гондырын югдытэм куас трасса усьтӥськиз. Со гуртысь культурая но шутэтсконъя парке интыяськемын. Табере гондыръёс но гуртэ лыктэм куноос нуназе гинэ ӧвӧл, ӝыт но куасэн потыны быгато ни. Кылем сӥзьыл Бадӟым Гондырысь культурая но спортъя центрысь методистлэн Раиф Нуриевлэн кивалтэмез но гурт калыклэн юрттэт возьматэмез улсын, татын 3000 метръем куас сюрес лэсьтон борды басьтӥськизы.

      - Югдытэм куас сюрес тупатон сярысь малпан азьлогес ик кылдэмын вал. Бадӟым тау Раиф Нуриевлы, малпанэз улонэ пыӵатон понна, со трос кужымзэ понӥз. Бадӟым тау спонсоръёслы: ужбергатӥсьлы Евгений Менгаязовлы, «Горд кужым» СПК-ен кивалтӥсьлы Олег Фатталовлы, сварщиклы Андрей Гадиятовлы, связистлы Виктор Маллохматовлы, Эдгар Зубаировлы, «Лукойл-Пермь» ООО-лы, - вера культурая но спортъя центрлэн директорез Станислав Гадиятов.

      Бадӟым гондыръёс,  спортлэсь котькуд видзэ басьты, усто быгатонлыкъёсынызы висъясько. Ӵошатсконъёсысь соос кузьымъёстэк уг берытско. Тупатэм куас сюрес выль спортсменъёсты шараяны, гуртоослэсь тазалыксэс кыдатыны юрттоз.

      Миляуша БУЛАТОВА.

      Пермь шаерысь Куеда ёрос.

       

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп