Борддоръёс но тунсыкозэ верало
2016-11-17
Ӵыжы-выжыосмылэсь азьвыл улэмзэс, лулчеберетсэс, сям-йылолзэс возьматыны музейёс юртто. Отын калыкмылэн быдэс историез утиське.
Сям-йылолъёсмы паймыто, дӥськутъёсмы синмаськыто
2016-11-10
Башкортостанын пӧртэм калыкъёс эшъяськыса уло. Кема ӧвӧл соосты огинэ люказ «Республика Башкортостан - территория национального согласия» этнокультурной форум. Отчы республикаысьтымы пӧртэм министерствоосын но ведомствоосын, культура но дышетон удысъёсын тыршисьёс пыриськизы. Этнофорум кык нунал кыстӥськиз.
Медаз ышы кылмы, мед азинскозы сям-йылолъёсмы
2016-11-03
Удмурт Элькунын 2013-тӥ арысен «Этносоциальное развитие и гармонизация межэтнических отношений» кун программа ужа. Со анай кылэз но культураез утён, дышетон но азинтон, калыкъёс куспын эшлыко кусыпъёсты возён вылысь кылдытэмын. Та программа улсын ик, кылем арняын Татышлы ёросысь Выль Татышлы но Улысь Балтач гуртъёсын удмурт культурая нуналъёс ортчизы. Со сяна, соос Вань удмуртъёслэн «Удмурт Кенеш» ассоциацизылэн 25 ар тырмонэзлы сӥземын вал.
Адямиез данъя уж
2016-11-03
«Колхоз Восток» СПК Янаул ёросын гинэ ӧвӧл, республикаысь ӟеч возиськись хозяйствоос пӧлын лыдъяське шуи ке но, янгыш уз луы, дыр. Котькуд уж борды востокъёс мед басьтӥськозы, котьку вылӥ лыдпусъёс возьмато. Уно Данъян грамотаос, дипломъёс но хозяйстволэн азинлыко ужъёсыз сярысь верало.
Ужез солэн – кузь сюрес
2016-11-03
Водитель. Кӧня со сярысь кылбуръёс гожтэмын, кырӟанъёс малпамын, киноос уськытэмын. Милям Володя агаймы – «Ошмес» газетлэн редакцияз водитель луыса ужась Владимир Файзылханович Нуриев – сярысь но трос тунсыкозэ вераны луэ. Руль сьӧры со нырысьсэ 18 аресэз тырмем бере,1975-тӥ арын, пуксем. Быръем удысаз со 41 ар тырше ни.
Башкортостанысь удмуртъёслэн НКЦ-зылы - 20 ар
2016-10-27
Кызь ар ӵоже ни Башкортостан Республикаысь удмуртъёслэн национально-культурной центрзы ужа. Соин 19 ар ӵоже кивалтӥз, удмурт калыкез огазеян сярысь сюлмаськиз РФ-ысь гурт удысысь сӥё-дано ужась, Кузёбай Герд нимо премилэн лауреатэз, Калыкъёслэн эшъяськон ордензылэн кавалерез, СССР-ысь куасэн бызьылонъя спортъя мастер Ренат Биктимирович Галямшин. Со тодӥз: валче ужын калыклэн кужмыз вормонтэм. Нош кылем арын солэсь ныпъетсэ ас вылаз басьтӥз Салимьян Гарифуллинович Гарифуллин.
«Аслыд ачид оскид ке, мукетъёс но тыныд оско»
2016-10-27
Башкортостанысь удмуртъёслэн НКЦ-зылэсь азьвыл кивалтӥсьсэ Ренат Биктимирович Галямшинэз тодӥсьтэмез ик ӧвӧл, дыр. Кема ӧвӧл мон солы кӧня ке юанъёсын вазиськи.
Пиналъёсты шудонэн шумпоттэ
2016-10-20
Нылпи дунне – паймымон дунне. Котькуд пиналлы со маке но ӟечсэ, шумпотымонзэ кельтэ.
Мудор но вӧсь инты: кема-а возёмы асьмеос та валанъёсты?
2016-10-20
Котькуд калыклэн вань аслыз гинэ валамон но шӧдымон пӧртэмлыкез. Огез сыӵе тодмет луэ ас улон котырысьтыд интыосты маин ке но висъян. Сыӵеос пӧлы пыро асьмелэн вӧсь но куриськон интыосмы, лудлы я кереметлы люкем музъемъёс, куала, куала корка но вуж куала бервылъёс. Кызьы сое азьвыл шуиллям но кызьы асьмеос туннэ нуналэ сое нимаськом но валаськом – котьку огкадь уг луы. Сыӵе тодмо но валантэм юанъёсты эскерон понна, Лудорвай архитектурно-этнографической музейын II Калыккуспо педлось этнографической симпозиум ортчиз. Со «МУДОР: Сакральное пространство в культуре народов Урало-Поволжья» нимамын вал.
Тодэ ваёнъёсазы – азьвыл улон, сям-йылолъёс
2016-10-20
Ермекей ёросысь Купченей гуртысь арлыдо кузпалъёсты – Алексей но Анастасия Пургинъёсты – ми дорысьтызы ӧм пумиталэ. Соос Алексей Максимовичлэн апаезлэн бакчаяз кушман окто вал.
Анае кадь мусо но дуно
2016-10-06
Котькуд адямилэн вань аслаз улон сэрегез. Со улон сэрегед - тынад вордскем шаеред. Нош кытысен, ма бордысен со кутске?
«Тазалыкез тодӥсь, усто эмчиослы гинэ осконо»
2016-10-06
Котькуд адями быдэ вуыса аслыз кельшись удыс быръе. Янаулын вордӥськыса будэм, каникулъёссэ Каймашабаш но Шудек гуртъёсын ортчытъям Рудольф Шайхутдинов эмчилэсь ужзэ быръем. Малы та ужез быръемез сярысь юанэлы со шуиз:
«Старт» но «финиш» кылъёс соослы тодмо
2016-09-29
Берло дыре спорт - тазалыко улон – адямилэн улоназ бадӟым инты басьтэ. Спортъя клубъёс усьтӥсько, ФОК-ъёс ӝутӥсько, фитнес-клубъёслэн лыдзы йылэ. Огез понна спорт хобби ке луэ, мукетъёс сое улонзылэн валтӥсь люкетэныз лыдъяло.
Быдӟым ожез 16 аресаз пумитаз
2016-09-29
Кыдёке кылё ож аръёс. Соин валче Быдӟым Вормонэз ваисьёслэн но лыдзы арысь аре кулэсме. Нош Кушнаренко ёросысь Канлы гуртын улӥсьёс Шарбинса Гибадуллинаен данъяськыны быгато на.
Пиналъёслэн жингрес куараенызы тырмем юрт
2016-09-22
Янаул ёросысь Барабановка гуртлэн одӥгаз ульча пумаз выжыкыл дунне интыяськемын. Татчы пырась-потасьёсты мультфильмъёсысь геройёс пумитало-келяло. Нимыз но со юртлэн бордаз кыске – «Малыш». Кылдэмын со 1989-тӥ арын. Нылпи сад усьтӥськем дырысен туннэ нуналозь соин Насима Заритдиновна Тимирханова кивалтэ.
Нылпиослэсь ӟечсэ адӟон – бадӟым шуд
2016-09-22
НЬЫЛЬДОН сизьым ар талэсь азьло Пермь шаерысь Куеда ёросысь Гожан гуртын выль семья вордӥськем. Сое вить ар эшъяськем егитъёс Анфиза Зиевна но Владимир Садрисламович кылдытӥллям. Туннэ нуналэ но Зидымышевъёс адӟем карымон чебер уло.
Карплэн пиез – Семён
2016-09-15
Журналист Семён Карпов «Удмуртия» ГТРК-ысь кошкиз но, солэн программаосыз быризы. Литературалы но искусстволы сћзем «Тулкым» возьматонэз но пытсаськиз. Со выллем передача нокин ќз кылдыты. Кожалод, удмурт писательёс, артистъёс, соослэн ужпумъёссы ќвќл. Таџе югдур ог дас ар кыстћське ни.
Историенымы, калыкенымы данъяськыны дышетэ
2016-09-08
Быдӟым Атыкай ож аръёсы улон, собере трос секытэз адӟон – ваньмыз со ортчеме кылемын. Егитъёс со сярысь песяй-песятайёссылэсь, книгаосысь гинэ тодо на. Нош музейёс котькуд нунал соин шокало. Отын улэ асьмелэн историмы.
1992-тӥ арын толшор толэзе Ташкичиысь дышетӥсьёс школазы борды музей кылдытыны малпаллям. Гуртазы тросгес удмуртъёс улӥллям бере, сое «Удмурт крестьянинлэн юртэз», пе, ниманы луоз. Дышетӥсьёслы малпанзэс быдэстыны гурт калык бадӟым юрттэт возьматэм. Соос огъя кужымен фольклорез эскерон, гуртэн но отын улӥсьёсын герӟаськем материалъёс, экспонатъёс люкан борды басьтӥськиллям. Школаысь музейлы чаклам висъет вакчи дыр куспын шӧдскымон узырмем. Та вакытэ ик калык люкам ваньбурзэ дышетӥсьлы Аниса Марваровналы осконзэ верам.
«Дышетскисьёс мед кузьмалозы дан»
2016-09-01
Башкортостанын туэ парта сьӧры нырысьсэ 450 сюрслэсь трос пиналъёс пуксизы. Республикаысьтымы Дышетонъя министерстволэн лыдпусъёсызъя, соосты 1362 школаосын шумпотыса возьмазы. Туннэ соос пӧлысь котькудӥз нылпиослы ӧсъёссэ усьтӥз. Отын таяз дышетскон арлэн нырысетӥ линейкаез ортче.
Камсьӧр удмуртъёслэсь гуръёссэс кисьто
2016-09-01
Туэ мыным Удмурт Элькунын радъяськись удмурт культурая фестивале вуылыны кылдӥз. Кык арлы одӥг пол ортчись фестивальын крезьгуро инструментэн шудӥсьёсты но, эстрада кырӟанъёсты усто быдэстӥсьёсты но, калык гуръёсын тунсыкъяськисьёсты но адӟыны-кылыны луиз.
