icon_gotop
18+
autorisation
Войти | Регистрация
Время в Татышле
11:51
Sunday, 17 Октября
Рекламный баннер 990x90px top

Адямиез данъя уж

2016-11-03

Хозяйствоен кызь вить арлы матэ Владимир Камиуллин кивалтэ. Башкортостанысь гурт удысысь сӥё-дано ужасьлэн быдэс улонэз гурт удысэн герӟаськемын, шуыны луоз. Кезьыт тол-а, пӧсь гужем-а, кысык кизён дыр-а, зоро сӥзьыл-а – кивалтӥсь хозяйство сярысь сюлмаськонъёсын улэ. Владимир Касимовичлэн гурт удысын ужам огъя стажез – 36 ар. Кивалтӥсь ас азяз но, ужасьёсыз азе но юн куронъёс пуктэ, ужасьёсыныз капчиен огкыл шедьтыны быгатэ, кылдэм шуг-секытъёсты вакчи дыр куспын палэнтыны тырше.

Коньывуон толэзе Владимир Касимович Башкортостанысь делегациен Москваын радъяськем «Золотая осень-2016» агропромышленной адӟытонэ вуылӥз, отын радъяськем секционной занятиосы пыриськиз. Ужрадысь бадӟым вормонэн берытскиз: кивалтӥсьлы «РФ-ысь гурт удысысь сӥё-дано ужась» ним сётэмын. «Золотая осень» адӟытонэ В. К. Камиуллин нырысьсэ ӧз пыриськы. 2012-тӥ арын но хозяйстволэн кивалтэтэз Москваысь вормонэн  - бронза медален - берытскиз вал.

«Колхоз Восток» СПК-ын арлы быдэ сямен бадӟымесь ужъёс быдэстӥсько. Кылсярысь, «500 ферм» программа улсын, востокъёс одӥгаз фермаязы тупатъян ужъёс лэсьтӥллям. Татын вань уж туала улонлэн куронъёсызъя быдэстӥське.

Туэ востокъёс 25685 ц ю тысь дасяллям. Солэн удалтонлыкез гектарысьтыз шорлыдын 14,3 ц ӵоша. Хозяйствоын пудо сиён ласянь шуг-секытъёс но уз пумиське: 18350 ц силос тыремын, 23162 ц сенаж, 7250 ц турын дасямын. Кын улэ гырон ужъёс но хозяйствоын быдэстэмын, 1889 гектарез гыронын жадёнэз валатэк тыршиллям Борис Гарифьянов но Артём Насибуллин. Толйись культураослэн кидысъёссы 348 гектаре пыртэмын. Та бордын ужазы Альфит Шарафисламов но Валерий Менгараев.

Ар кутсконысен «Колхоз Восток» СПК-ын 1726 тонна йӧл кыскемын, со пӧлысь 1640 тоннаез вузамын. Нуналаз валовой надой 6 тонналы ӵоша.  Хозяйствоын ар кутсконысен 459 йыр кунян вордскемын.

Азьпалан хозяйствоын гужем пудоосты вордон инты, силослы гу лэсьтыны чакламын. Мукетъёслы адӟем карымон востокъёс та ужъёссэс но усто быдэстозы.

Миляуша БУЛАТОВА.

Янаул ёрос. 

1903

Оставить сообщение:

НАШИ ПАРТНЕРЫ