icon_gotop
18+
autorisation
Войти | Регистрация
Время в Татышле
14:40
Sunday, 17 Октября
Рекламный баннер 990x90px top

Пиналъёслэн жингрес куараенызы тырмем юрт

2016-09-22

- Егитъёсмы гуртысь уг кошко, татчы ик выль юртъёс ӝуто. Тросэз парсь вордон «Мичуринский» ООО-ын ужало. Соин ик пичильтыкъёсмы но трос. Группаын 20 нылпи лыдъяське, 3-7 аресъемъёс. Туэ вить пичиос нылпи садэ лыктӥзы, - вера кызь сизьым ар ӵоже пичиосын ужам кивалтӥсь.

Насима Заритдиновна нылпи садын ужась ӧнерчиослэсь – визьнодасьёслэсь Людмила Фёдоровна Даутовалэсь но Анжела Андреевна Гадиятовалэсь (али дыре со нуныен пуке), соослэн юрттӥсьсылэсь Таисья Гиниятовна Гадиятовалэсь, пӧзьтӥськисьлэсь Оля Аухатовна Максимовалэсь – ужзэс вылӥ дунъя, тыршись, нылпиосты яратӥсь луэмзэс пусъе. Ӧнерчиос нылпиослы ӟеч тодон-валан сёто, школа улонэ нырысетӥ вамышъёссы капчиен мед сётӥськозы шуыса тыршо, пе.

Милемыз - тодмотэм апайёсты но агайёсты – адӟыса куд-огез тужгес пичиесь нылпиос бӧрдыны кутскизы. Нылпи садын ужасьёс соосты киосазы басьтыса, соку ик буйгатӥзы. Пичиос анайзы борды выллем ӝиптӥсько тодмо апайёссы борды.

- Ми, нылпи садын ужасьёс, одӥг семья выллем. Шумпотонъёсмес но, куректонъёсмес но шори люкиськом. Котькыӵе уж мед луоз – ӵошен быдэсъяськом. Соин ик вормонъёслы но кузё луиськом, - шуэ. Н. З. Тимирханова.

Зэм, «Малышлэн» вормонъёсыз трос. Уно люкаськем грамотаос, дипломъёс, тау каронъёс но со сярысь верало.

- 2016-тӥ арын утэм вормонъёс сярысь верано ке, нылпи садъёсты выль дышетскон арлы дасянъя ёрос конкурсын кыкетӥ интыын луим, 15 сюрс манет тыр сертификат сётӥзы. Со коньдонлы оргтехника басьтыны малпаськом, - данъяськыса вера Насима Заритдиновна. Со сяна, туэ «Малыш» нылпи сад «Новогодняя феерия», «Подарок маме», «Музыкальная подборка» (кивалтӥсез Л. Ф. Даутова) творчествоя конкурсъёсын вормисе потэм. Со понна нылпиос но, ужасьёс но трос кужымзэс понӥллям.

Уж луэм интыын, шумпотонъёс, вормонъёс сяна, сюлмаськонъёс но пумисько.

- Арлы быдэ тупатъян ужъёсты быдэстытэк уг луы. Татын милемлы бадӟым юрттэт возьматэ «Мичуринское» ООО: кема ӧвӧл быдэсак заборъёсты воштӥз, арлы быдэ буёлъёсын юрттэ, нылпиослы шудыны песок вае. Азьло аръёсы нылпи садамы ву уг пыры вал. Али ву гумыос кыскемын, шуныт ву но вань, нылпиослы мисьтаськон висъет тупатэмын, унитазъёс пуктэмын, пищеблокын но ремонт лэсьтэмын. Ваньмыз со «Мичуринское» ООО-лэн юрттэтэз. Бадӟым тау, - шуэ Н. З. Тимирханова.

Оптимизация улсын, «Малыш» туэ Истякысь нылпи садлэн филиалэзлы пӧрмоз. Кивалтӥсьлэн со пумысен одӥг сюлмаськонэз: азьпалан бадӟым гуртсы нылпи садтэк уз кыльы меда, выжыкыл дуннелэн ӧсаз тунгон пыраклы уз-а интыяськы?

Миляуша БУЛАТОВА.

Янаул ёрос.

1897

Оставить сообщение:

НАШИ ПАРТНЕРЫ