icon_gotop
18+
autorisation
Войти | Регистрация
Время в Татышле
14:55
Sunday, 17 Октября
Рекламный баннер 990x90px top

«Тазалыкез тодӥсь, усто эмчиослы гинэ осконо»

2016-10-06

- Малы ке шуоно эмчи – одӥгез тужгес гуманной профессия. Адямиослы йӧнатскыны юрттон, висисьёслэсь улонзэс кӧнялы ке но кузятон – со туж умой. Пичи дыръя трос пол адӟылӥ, кызьы мынам матысьёсы секыт висьылӥзы.

Берпуметӥ гырлы жингыртэм бере, 1999-тӥ арын, Рудольф Уфае сюрес быръе, БГМУ-э дышетскыны пыре. Солэн одӥг малпанэз луэ на – армие мыныны. Медициная башкир кун университетын куинь курс дышетскемез бере, 2004-тӥ арын, студент Самараысь военной мединститутэ выже, ньылетӥ курсэ. Дышетсконзэ йылпумъямез бере, егит эмчиез Москва улосвылысь Чехове ысто. Озьы со военной госпитальын ужаны кутске, хирургияя ёзэтэн кивалтэ.

- Мон Новая Земляе мыныны мылкыд карисько вал: со инты сярысь трос тунсыкозэ кылылэме вань вал. Но ӧз кылды, со дыре отын уж инты ӧвӧл шуизы. Озьы мон столицае вуи, - вера Рудольф Шайхинурович.

«Лечебное дело» ӧнеръя басьтэм тодон-валанэныз гинэ Рудольф Шайхинурович буйгатскымтэ, со тросгес выльзэ тодон сярысь сюлмаськем. Озьы, Н. В. Склифосовский нимо НИИ-ын хирурглы дышетскем, бӧрысь Москваысь НИИ-ын травматологлы тодон-валан басьтэм. Али со Москваысь МЕДСИ эмъюрттэт возьматонъя центрын травматолог-ортопед луыса ужа, госпитализацияя ёзэтэн кивалтэ. Со сяна, шутэтскон нуналъёсаз Чеховысь военной госпитальын но тырше, хоккее, рукопашной нюръяськонэ но пыриське – ӵошатсконъёсын валтӥсь эмчилэсь ужзэ быдэсъя, спортлы но дыр шедьтэ.

- Ваньмон дыры луыку, боксёрской клубе вуылыны тыршисько. Туж яратӥсько валъёсты. Атай кема аръёс ӵоже вал вордӥз. Песятаелэн атаез но трос валъёсты уте вылэм, сое раскулачивать кариллям. Пичи дыръя гуртэ мыныкум, котьку валэн кыре пудо возьманы потӥсько вал, - шуэ Р. Шайхутдинов.

Рудольф Шайхинурович жадёнэз валасьтэм эмчи но, шудо кузпал но, яратоно атай но. Сое уждурысьтыз котьку шумпотыса пумитало Виктория кузпалыз но пичи пиез - Эмиль. Янаулэ Рудольф Шайхинурович араз одӥг пол вуылэ. Вордӥськем юртаз сое чидатэк витё анаез но атаез. Шайхинур агай гумыраз нефтяникын ужам, нош Таися апай нылпи садын визьнодасьлэн юрттӥсез вылэм. Дораз шутэтскыны бертыкуз но эмчи ужезлэсь уг палэнскы. Со доры висьыны усем тодмоосыз, матысьёсыз лыкто. Эмчи соослы кенешъёсыныз юрттэ.

- Рудольф Шайхинурович, мар верасалды газетэз лыдӟисьёслы? – юасько травматолог-ортопедлэсь.

- Тазалыкез тодӥсь, усто эмчиослы гинэ осконо. Кылсярысь, Янаулын травматолог ӧвӧл, хирург гинэ вань. Но хирург травматологлэсь ужзэ ноку но умой быдэстыны уз быгаты, солы со дышетскемын ӧвӧл. Уг валаськы одӥгзэ – нимысьтыз специалистъёс луымтэ бере, малы висисез Уфае ыстоно ӧвӧл меда? Малы тодымтэ, быгатымтэ уж борды басьтӥськоно? Кылсярысь, Склифосовский нимо НИИ. Отын макес лыэд чигемын ке, одӥг специалист учке, пыд пыдэсыд ке – мукет специалист. Вераме потэ на – МЕДСИ-е мед вазиськозы. Со частной клиника ке но, госпитализация понна отын дун тыроно ӧвӧл, малы ке шуоно кун эмъюртъёсын валче ужанъя ужкагаз кутэмын, эмъюмъёс понна гинэ коньдон тыроно луэ. Мукет частной клиникаосты басьтоно ке, соослэн котькуд койко-деньзы понна коньдон тыроно. МЕДСИ-ын туж ӟеч операционной группа ужа, - вера Р. Ш. Шайхутдинов.

        Миляуша БУЛАТОВА.

2830

Оставить сообщение:

НАШИ ПАРТНЕРЫ