Культура

ТАТЫШЛЫ ёросысь Выль Татышлыысь культура юртын пӧртэм смотръёс, фестивальёс ортчыло. Зифина Ильдусовна Фархутдиноватэк та юртэз син азе пуктыны уг луы. Котькытын солэн ужез шӧдӥське. Ваньмыз понна сюлмыныз висись ӧнерчи котькытчы вутске. Ӟуч, удмурт, бигер кылъёсын умой вераськись кышномурт ушъяны но, тырмымтэез сярысь но дыраз вераны быгатэ. Татысь юртын кема аръёс ӵоже «Шулдыр ӝыт» калык ансамбль ужа. Пӧртэм аръёсы Р. Мусакаев, Д. Марданов, А. Рахимьянова, В. Даутова, Линда но Алина Гильмановаос кадь яркыт кизилиос ӝуатскизы. Татын ӝуатскем котькуд кырӟась-эктӥсьлэн яркыт пиштэмаз Зифина Ильдусовналэн тыршемез шӧдӥське. Со угось пичиеныз но, егитэныз но, мӧйыеныз но огкыл шедьтыны быгатэ. Соин, вылды, ужазы басьтэм вормонъёссы но трос. 2013-тӥ арын Зифина Ильдусовнаен дасям но ортчытэм «Клуб’ок» проект Гран-прилы кузё луиз. Ас удысаз быгатыса тыршись ӧнерчи сярысь веранэн ик йылпумъяммы потэ Лулчеберетлэсь арзэ.

ТАИЗ ар Татышлы ёросысь Кызыл-Ярысь Румяна Шайдуллина понна кемалы тодаз кылёз. Нырысь со «Вот задачка» быдэсросси конкурсын кыкетӥ степенё диплом утӥз. Нош кема ӧвӧл Румяна «Созвездие талантов» республика конкурсын «Художественное слово» номинациын вормисе потӥз.

Удмурт калык пӧртэм интыосын улэ, куд-ог адямиосты улон сюресэз кыдёкысь шаеръёсы, гуртъёсы но городъёсы вуттэ. Свердловск улосвылын огъя дас тямыс сюрслы матэ удмуртъёс уло. Дор палъёсысьтызы пӧртэм мугъёсын кошкыса, соос ас улонзэс азьланьто, пӧртэм удысъёсын ужало. Мукет калыкъёс пӧлын улыса ас кылзэс яратон но гажан мылкыдзы уг быры, лул-сюлэмзэс шунтыны юрттэ. 13-14-тӥ толсур толэзе Свердловск улосвылысь «Урал кенеш» огазеяськонлэн кичӧлтэмезъя, Каменск ёросысь Мартюш посёлокын но Дегтярск городысь библиотекаосын удмурт калыклэн культураезлы сӥзем сэрегъёс усьтӥськизы. Та ужрадъёсы газетмылэн редакциез но ӧтемын вал. Удмурт сэрегъёсты усьтонын «Ошмес» газетмылы гожтӥськон радъяськиз. Газетмы та сэрегъёсын бадӟым куно луиз.

Башкиръёс но удмуртъёс дауръёс ӵоже уло артэ но ӵош. Соосты герӟало Урал гурезьёс, Кама но Агидель шуръёс, кыдёке кыстӥськись нюлэсъёс но кыр интыос. Та калыкъёсты культураоссы но матэ каро.

Кылем арняын республикамылэн уйпал-шундыпуксён пал ёросъёсыз удмурт, пор, мордва но мукет калык кырӟан-эктон гуръёсын лэйказы. 26-28-тӥ шуркынмонэ Башкортостанын финн-угор калыкъёслэн лулчеберетсыя но искусствозыя укмысэтӥез йӧскалык фестиваль ортчиз. Со Нефтекамск городын усьтӥськиз.

Шуркынмон толэзьлэн берпуметӥ нуналаз Пермь шаерысь Куеда ёросысь Бадӟым Гондыр гуртын «Тол вӧсь» ортчиз. Та праздник христианстволэсь азьвыл возиськем сямен лыдъяське. Удмуртъёслэн йылолзыя, та нуналэ вӧсясьёс Инмарлы сётэм ю тысез, узыр бакча сиёнэз понна тау каро, кезьыт толэз капчиен вормыны кужым куро, ужрадэ вуэмъёсты ческыт ӝукен кунояло. «Пермь шаерысь удмуртъёс туннэ нуналэ уникальной этнической обществоен лыдъясько. Соос быгатыса утиллям, али но тыршыса утё асьсэлэсь сям-йылолъёссэс», - гожтэ этнограф, истори наукаосъя доктор Александр Черных.

Башкортостанысь школаосын дышетскисьёс пӧлын «Урал-батыр» башкир калык эпосэз лыдӟисьёслэн республика конкурссы ортчиз.

Та нуналъёсы соос пӧлысь одӥгез Татышлы ёросысь Улысь Балтач гуртын радъяськиз. «Родные напевы» смотр-конкурс ёросысь 16 коллективъёсты огазеяз. Озьы сцена вылэ огъя 130-лэсь ятыр кырӟасьёс потӥзы. Смотр-конкурс трос выль нимъёсты но ансамбльёсты усьтӥз.

Кылем арняын Татышлы ёросысь Выль Татышлы культура юртын «Ошмес» газетлы 15 ар тырмонлы сӥзем ӝыт радъяськиз.

Адямилэн мылкыдыз котькуд вакытэ лулчеберет дуннее кыстӥське. Со кырӟан-эктон пыр шумпотэ, тодэ ваёнъёссэ но нёжмыт гуръёсын кисьтэ. Нош одӥгаз нуналэ Татышлы ёросысь Калмиярысь культура юртын соос огазе пӧлэстӥськизы. 13-тӥшуркынмонэ отысь сцена пӧртэм аръёсысь ужасьёссэ «Музыкальный калейдоскоп» шулдыръяськонэ люказ. Шӧдӥське, сцена вылын соос али ке но асьсэды зэмос кузёосын шӧдо. Быгатонлыкъёссы но аръёс ӵоже ыштэмын ӧвӧл на уга. Соин, вылды, учкисьёс, азьвыл сямен ик, котькудзэс шуныт кичабонъёсын пумитазы.

Кызь ар талэсь азьвыл Башкортостанын Калыкъёслэн эшъяськон юртсы кылдӥз. Со шаерамы улӥсь пӧртэм калыкъёсты огазея, герӟа, йӧскалык огазеяськонъёслы азинлыко ужъёс быдэсъяны юрттэ. Та дыре Калыкъёслэн эшъяськон юртазы 16 историко-культурной центръёс лыдъясько, 40-лэсь ятыр национально-культурной центръёс соин юн кусыпъёс возё. Арлы быдэ Башкортостанын, НКЦ-ослэн но ИКЦ-ослэн кичӧлтэмзы улсын, калык сям-йылолъёсты улӟытонлы, утёнлы, культураез азинтонлы сӥзем республика но калыккуспо ужрадъёс ортчыло. БР-ысь Калыкъёслэн эшъяськон юртазы кенешонъёс, конференциос, йӧскалык диаспораослэн представительёсынызы пумиськонъёс, творческой ӝытъёс радъясько.

Гажано удмуртъёс!

Дырын-дырын пӧртэм интернет сайтъёсысь Шамшияров фамилиез синйылтыны луэ. Удмуртъёслы сӥзем видеоматериалъёсты, туспуктэмъёсты сайтъёсаз котькинлэсь вазь Шамшияров интыя. Мон та фамилия борды туж ӵем «донгиськылӥсько». Кияз арганэн, удмурт дэремен дӥсяськем воргоронлэн тусбуез туж тунсыко. Георгий нимыз вӧзы «укморт» шуыса ватсам кыл но синэз бордаз кыске. Палэнэ улыны кошкыса удмурт луэмзэс ватӥсь, ӟучомем удмуртъёсмы пӧламы трос. Соин ик интернет дуннее ассэ «укморт» шуыса гожтэм воргорон сярысь тросгес тодэме потӥз. Георгиен сайтысен гожъяськыса «вераським». Озьыен, тодматоно герое Екатеринбургын улӥсь, Янаул ёросысь Вуж Варяш гуртын будэм, удмурт лул-сюлэмо воргорон Георгий Шамшияров луэ.

АЛИГЕС «Лучший лагерь Башкортостана» республика смотр-конкурслэн йылпумъянъёсыз тодмо луизы. Сое БР-ысь Егитъёслэн ужъёссыя но спортъя министерство радъяз но ортчытӥз. Конкурслэн йылпумъянъёсыз возьматӥзы: удмурт пиналъёслэн «Усточикар» профильной лагерьзы – кыкетӥ интыын!

Кызьы кылдэ крезьгур? Куке но со сярысь малпаськемды вань-а? Кызьы пӧрмо нотаос, выль кырӟан? Котькин быгатэ меда крезьгурез валаны? Нош эктыны но крезьгуръёслы фонограммаос тупатъяны одӥг адями ик пӧрмытоз-а?

Сӥзьыллэн одӥг шулдыр, шундыё нуналаз, гырон быдтон праздник ортчоно инты ӵаш вазиз. Татчы Татышлы ёросысь культура удысын ужасьёс люкаськизы. Лулчеберетлэн арез улсын, соос кроссын, пневматической винтовкаен ыбылӥськонын, бассейнын уянын кужымзэс мертазы, спортын кужмо луэмзэс возьматӥзы.

Арлы быдэ Свердловск улосвылын пӧртэм калыкъёслэн «День народов Среднего Урала» праздниксы ортче. Туэ но Екатеринбургысь Центральной парке та муген ик трос калыкъёс люкаськизы.

ТВЕРЬ улосвылысь Селигер ты вӧзын арлы быдэ егитъёс «Селигер» форуме люкасько. Туэ со 10- тӥползэ радъяськиз. Отчы Россиысь 85 регионъёсысь но дуннеысь 147 шаеръёсысь 20 сюрс егитъёс пыриськизы. Нош 2009-тӥ арын та лыдпус куинь сюрслы гинэ ӵошаз вал. Таяз арын форум 25 пӧртэм сменаослэсь сылӥз. Берпуметӥез 29-тӥгудырикошконэ йылпумъяськиз. Вылысь Татышлыысь Александр Набиоков¬лэн (туспуктэм вылын паллянысен нырысетӥез) но гужем каникулъёс сярысь тодэ ваёнъёсызлэн одӥгез люкетэз но «Селигерен» герӟаськемын луоз. Отчы со пӧсьтолэзе вуылӥз.

Вордӥськем шаер котькинлы дуно чебер инкуазеныз, чылкыт омыреныз но шуныт сюлэмо калыкеныз. Вордэм нылпиоссэ со аръёс ӵоже вормонтэм кужыменыз бордаз кыске. Татышлы ёросысь Вязовка гурт но кылем шутэтскон нуналъёсы трос калыксэ огинэ люказ. Татын «Люблю тебя, мой край родной» шулдыръяськон ортчиз.

1909-тӥ арын Максим Прокопьев, Удмурт автономиез кылдытӥсьёс пӧлысь одӥгез тодмо адями, кыдёкысь Канлы гуртэ вуэ но отын школа усьтэ. Начальной школа бӧрысь - сизьым классъем, берлогес тямыс классъем луиз. Та вакытэ нокыӵе школазы ӧвӧл ни, со пытсаськиз.