Одӥг арын - кык вормон

Конкурслэн гала-кон­цертэз толсур толэзе шор­карысьтымы Мажит Гафури нимо драмая башкир кун академической театрын орт­чиз. Отчы быдэс республи­каысьтымы сӧсыр нылпиос но быдэ вуымтэ пиналъёс пыриськизы. Таяз арын со­ослэн лыдзы трослы йылӥз – туэ отчы 500-лэсь трос пиналъёс вуизы. Нош гала-концертэ сюзэ бырйизы. Соос пӧлын луизы кырӟасьёс но эктӥсьёс, кылбур лыдӟисьёс. Румяна Шайдуллина но та нуналэ ассэ котыр ласянь усьтыны быгатӥз, со Сала­ват Юлаевлэсь «Мой Урал» кылбурзэ лыдӟиз. Румяналы курай гурен юрттӥз Вылысь Татышлыысь поселениос куспысь шутэтскон цен­трысь кураистъёслэн-кубы­зистъёслэн ансамбленызы кивалтӥсь Айнур Киямов. Румянаез дипломен но план­шетэн данъязы, кивалтӥсьсэ но юрттӥсьсэ – тау карон гожтэтъёсын.

«Созвездие талантов» конкурс туэ витетӥ ползэ ортчиз. Со трос выль нимъё­сты усьтӥз но сӧсыр нылпи­ослы быгатонлыксэс пӧртэм ласянь возьматыны юрттӥз. Конкурсэз арлы быдэ радъ­яло Уфаысь Сӧсыр нылпи­ослэн но быдэ вуымтэослэн реабилитационной центрзы но «Материнское сердце» огазеяськон.

Айгюль АХМЕТЗЯНОВА,

дышетӥсь-логопед.