архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Сюлэмлы дуно гуръёс

      2014.11.27 1007 0
       Сюлэмлы дуно гуръёс

      Та нуналъёсы соос пӧлысь одӥгез Татышлы ёросысь Улысь Балтач гуртын радъяськиз. «Родные напевы» смотр-конкурс ёросысь 16 коллективъёсты огазеяз. Озьы сцена вылэ огъя 130-лэсь ятыр кырӟасьёс потӥзы. Смотр-конкурс трос выль нимъёсты но ансамбльёсты усьтӥз.

      «Родные напевы» Улысь Балтач культура юртын кык арлы одӥг пол ортчытӥське. Туэ со куинетӥ ползэ ку­ноосты пумитаз. Гала-кон­цертэз усьтӥз Кызыл-Ярысь «Марӟан» ансамбль. Та нуналэ Улысь Балтач культура юр­тын ёросысь котькуд калы­клэн лулчеберетэзлэн люке­тэзлэсь быдэс тугоко кылдӥз. Сцена вылысен удмурт, бигер, ӟуч кырӟанъёс чузъяськизы. Со сяна, учкисьёслы пор но кавказ калык эктонъёсты возьматӥзы. Учкисьёс шу­ныт пумитазы Уразгильды­ысь «Тюрагай» ансамблез. Нылкышноослы крезьгурен юрттӥз Выль Татышлыысь арганчи Александр Галиев.Калыклы соос шулдыр удмурт кырӟан кузьмазы.

      Тани сцена вылысен ӟуч кырӟан гур чузъяськиз. «Все подружки по парам, в тиши­не разбрелися…» - кырӟало Улысь Балтач культура юр­тысь «Рябинушка» ансамб­льысь нылкышноос. 2012-тӥ арын соос татын кыкетӥ сте­пенё дипломлэн кузёосыз луизы.

      Нош туэ куараоссы шӧдскымон юнмамын ни. Сцена вылын но асьсэды сэзь, задор возё. Соин ик, вылды, учкисьёслэн но со­ослэн вормонзылы оскон тылгизьызы ӝуатскиз. Но тунаны вазь на вылэм, лэся, сцена вылын котькудӥз ансамбль зол куараеныз паймытӥз. Кальтяевоысь «Гузель» ансамбль но, кыл­сярысь, смотр-конкурсэ вормонлы осконэн вуэм. Учкисьёс устооссэ ансамб­льёсты зол кичабонъёсын данъязы, нош жюри – ди­пломъёсын, грамотаосын но кузьымъёсын.

      - Улысь Балтач музъем котьку усто кырӟасьёсыныз но шаплы эктӥсьёсыныз данъяськиз, - вераз Татыш­лы ёросысь культура ёзэтэн кивалтӥсь Салим Гарифул­лин. – Смотр-конкурсэз ортчытыны юрттэмзы понна «Рассвет» СПК-ен, Улысь Балтачысь культура юртэн но школаен кивалтӥсьёслы А. М. Минлебаевлы, И. А. Шайхлисламовалы но Л. Л. Зидымаковлы тау карисько. Та выллем конкурсъёс ёро­сысь пӧртэм калыкъёслы эшъяськыны юртто, кусыпъ­ёсты юнмато.

      Салим Гарифуллович смотр-конкурсэ мыло-кыдо пыриськем коллективъёсты дипломъёсын данъяз. Соос пӧлын луизы Улысь Балта­чысь «Ӧрӟи», Кызыл-Ярысь «Марӟан» но «Купанча» ан­самбльёс. Нош Калмиярысь «Колокольчики» ансамблез «За артистизм» номинаци­ысь дипломен данъязы, «За оригинальное исполнение» номинациысь дипломен – Уразгильдыысь «Тюрагай» ансамблез, «Приз зритель­ских симпатий» номина­циысь диплом Арибашысь «Кардон» ансамбльлы сё­тэмын.

      Смотр-конкурсын вор­мисьёсты Татышлы ёрос ад­министрациысь Кенешлэн секретарез Радик Галимзя­нович Рахимов данъяз. Со та выллем конкурсъёслэн кулэлыксы сярысь вераз но соосты радъясьёслы тау кариз. Куинетӥ степенё ди­пломен данъям ансамбльёс пӧлын луиз Бальзюгаысь «Ошмес» ансамбль, кыкетӥ интыос пӧлын - Вязовкаысь «Радуга». Нырысетӥ инты Улысь Балтачысь «Ошмес» ансамбльлы сётэмын. Нош Гран-приез «Рябинушка» ансамбль (кивалтӥсез И. Шайхлисламова) утӥз. Озьы­ен, та нуналэ соос сцена вылын зэмос кузёос луизы.

      Ольга НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить