«Урал-батыр» эпос пӧртэм кылъёсын чузъяськиз

Отын сизьым пӧртэм секциос ужазы но соос огъя 180-лэсь ятыр пиналъёсты огазеязы. Республика конкурсэ Та­тышлы ёросысь Кызыл-Яр школаысь Виктория Зари­пова (дышетӥсез И. С. Гильфанова) но Балтач ёросысь Асавка школа­ысь Марина Низамова (дышетӥсез Л. Г. Пу­крокова) пыриськизы. Нылъёс «Языки наро­дов РБ» секциын ужа­зы. Отын «Урал-батыр» эпослэсь люкетъёссэ 14 пӧртэм кылъёсын лыдӟизы. Конкурсын Виктория Зарипова но ассэ ӟеч возьматыны быгатӥз. Жюри пиналъ­ёслэсь быгатонлыкъёс­сэс пӧртэм ласянь дунъ­яз, кылсярысь, соос нылпиослэсь анай кылзэс тодэмзэс, учкисьёсын ужаны быгатэмзэс, дӥськутъёссэс эскеризы. Озьы Кызыл-Яр школаысь дышетскись кон­курсысь шумпотымон вормо­нэн бертӥз - кыкетӥ интыен.

Ольга ГИЛЬМУРАНОВА.