Статьи

Туэ Янаул ёросысь Конигово гуртын нылпиослы шудон площадка тупатӥзы. Уж «Программа поддержки местных инициатив» проектъя быдэстэмын. Выль площадка азьвыл школалэн интыяз ӝужаз. Сое тазатонэ быдэс гурт пыриськем. Шудек гурт поселенилэн администрациеныз кивалтӥсьлэн Инзиля Минликаевалэн кылъёсызъя, Кониговоын ужез гажась, тыршись калык улэ. Гуртсы понна соос котьма ужез быдэстыны дась.

«Ошмес» газет Нефтекамскысь удмуртъёслэн национально-культурной огазеяськонэнызы юн кусыпъёс возе. 1997-тӥ арын кылдэм огазеяськонэн нырысь Россия Федерациысь сӥё-дано дышетӥсь Галимьян Шайдуллин кивалтэм. 2009-тӥ арын секыт ныпъетэз ас вылаз басьтэм педколледжын ужась дышетӥсь Татьяна Глимзянова. Удмуртлыкез азинтонэ со трос кужымзэ понэм. Городысь удмуртъёсты утчаса-огазеяса, «Выжы-кум» фольклор ансамбль кылдытэм («выжы-кум» - «род, родня, родство» кылъёсты валэктӥсь удмурт сложной кыл), удмурт культураез азинтон, анай кылэз утён вылысь трос ужрадъёс дасям. Ансамбле пыриськисьёс но удмурт огазеяськонлэн Кенешезлэн ёзчиосыз шаерамы но солэн палэназ радъяськись финн-угор ужрадъёсы пыриськылӥллям.

Куинетӥ гудырикошконысен 2016-тӥ арын ужам республикаысь арлыдоослэн пенсизы будоз. Пенсионной фондлэн Башкортостанысь ёзэтэз ужась пенсионеръёслэсь пенсизылэсь страховой люкетсэ лыдъян ужъёсты дыраз быдэстэм.

БР-ысь Егитъёслэн политиказыя кун комитетэн, БР-ысь культурая но йӧскалык политикая министерствоен ӵош Башкортостанысь удмуртъёслэн национально-культурной центрзы 1-10-тӥ гудырикошконэ усточи удмурт пиналъёслы творческой лагерь радъя.

Быдӟым Атыкай ож аръёс фронтовикъёс, ож мышкын тыршемъёс понна пумтэм кыстӥськись тём-тём пеймыт уй выллем луо. Ожысь улэп бертэм ветеранъёс али ке но малпанъёсынызы со кышкыт нуналъёсы берытскыло.

Башкортостанысь Дышетонъя министерство 5-11-тӥ классъёсын дышетскисьёс но дышетӥсьёс пӧлын «Сто поэтов Башкортостана» литературной марафон ялэ. Со республикамылэн сю ар тырмонэзлы сӥземын.

2009-тӥ арын Ижкарын нырысьсэ бадӟым «Чакара» фестиваль ортчиз. Отчы шаермылэн пӧртэм сэрегъёсысьтыз – Удмуртилэн ёросъёсысьтыз, Башкортостанысь, Татарстанысь, Марий Элысь, Свердловск но Киров улосвылъёсысь, Пермь шаерысь - удмурт коллективъёс пыриськизы. Фестивальлэн валтӥсь ужпумез луиз вашкала кырӟанъёсты, эктонъёсты, сям-йылолъёсты утён но азинтон. «Чакара» вить ар ӵоже Удмурт Элькунын радъяськиз. Бӧрысь со республикаысьтымы Калтасы ёросысь Бадӟым Качакын, Пермь шаерысь Куеда ёросысь Бадӟым Гондырын ортчиз. Нош туэ «Чакара» Татарстанысь Кукморе вуиз.

ПӧСЬТОЛЭЗЬЛЭН нырысетӥ нуналаз Москваысь «Эрмитаж» садын удмурт праздник – «Гербер-2017» - ортчиз. Шоркарамы куинетӥ ползэ радъяськем Удмуртилэн праздникез туэ мукет форматэн радъямын вал. Ужрадын 10 пӧртэм площадкаос ужазы – «Попробуй Удмуртию», «Познакомься с Удмуртией», «Послушай Удмуртию», «Гордость Удмуртии», «Сделано в Удмуртии», «Открой Удмуртию», «Прикоснись к Удмуртии», «Запомни Удмуртию», «Сыграй с Удмуртией», «Привет из Удмуртии».

Кылем арын Пермь шаерысь Бадӟым Гондыр культура юртэ егит ӧнерчи вуиз. Со татысь тодмо арганчиез Фёдор Мухаяровез воштӥз. «Арганчиосын милемлы удалтэ. Соос кыксы ик Башкортостанысь Татышлы ёросысь удмурт гуртъёсын будэмын. Егит ӧнерчимы но ми дорын ассэ шедьтоз шуыса малпаськомы», - вераз татысь удмурт огазеяськонэн кивалтӥсь Станислав Гадиятов. Шаплы арганчиез бускельёсмылы Калмияр гурт будэтэм. Туэ со вордскем гуртаз Бадӟым Гондырысь «Тюрагай» ансамблен концертэн но вуылӥз ни. Татысь сцена ӧз жаля меда соку егит арганчиез палэнэ келямез пумысен?

Приговором суда осужден уроженец д. Аук-Буляк Татышлинского района А., 1977 года рождения. Он признан виновным в совершении преступления, предусмотренного ч. 1 ст. 157 УК РФ.

Приговором суда осужден житель д. Старокайпаново Татышлинского района А., 1989 года рождения. Он признан виновным в совершении преступления предусмотренного ч. 1 ст. 119 УК РФ.

Туала улонын, вашкалаеныз ӵошатоно ке, тросэз воштӥськемын шуимы ке но, калык Инмарлы осконзэ уг ышты. Шудбуро улон, тазалык но вань ӟечсэ курыса адями Кылчинлы вазиське.

Берло дыре тросэз пичи удмурт гуртъёс бырон югдуре вуэмын. Егитъёслы уж луымтэен, школаос ворсаськемен, умой сюресъёс ӧвӧлэн, отын улӥсьёслэн лыдзы кулэсме. Со выллем югдур вал Бурай ёросысь Касиярово гуртын но. Гурт калык умме усемын кадь вал: нокыӵе ужрадъёс соосты иземысь ӧз сайкатъялэ. Колхоз ферма но основной школа пытсаськемен, та суред начармиз гинэ. Гурт калык каллен удмурт сям-нергеосызлэсь но куштӥськыны кутскиз. Ог 25 арлы чалмизы вӧсяськон интыос: гуртоос отчы люкаськемысь кемалась дугдӥзы.

ГУРТ удысын тыршисьёсты инкуазь туэ уг шумпотты. Зоро нуналъёс пудо сиён дасянэз трослы ӝегато. Татышлы ёросысь «Агро-Танып» СПК-ын тыршисьёс озьы ке но дырзэс пайдаен ортчытыны тыршо. Туэ соос пудо сиён дасянзылэсь кӧня ке люкетсэ выль амалэн но быдэсто.

Удмурт Элькунын, бусы ужасьёсты данъяса, бадӟым шулдыръяськон ортчиз. Соослэсь шумпотонзэс люкыны Татарстанысь, Башкортостанысь, Марий Элысь, Киров улосвылысь, Пермь шаерысь делегациос вуизы. Озьы Можга ёрос одӥг нуналэ тямыс сюрслэсь трос куноосты пумитаз. Туэ «Гербер» татысь Малая Сюга гурт вӧзын ортчиз. Можгаос кунооссэс нимысьтыз дасям капка азьын пумитазы.

Татышлы ёросысь тросаз удмурт гуртъёсын инвожо толэзь кутсконын вӧсьёс ортчизы. Соос пӧлысь куд-огаз кунгож сьӧрысь но республикамылэн шоркарысьтыз куноос вуылӥзы. Вераны кулэ, туэ соос вӧсьёсын нырысьсэ ӧй вал. Тодосчиос кылем аръёсы но Балтач, Бурай, Янаул, Татышлы, Пермь шаерысь Куеда ёросысь удмуртъёслэсь Инмарлы вазиськемзэс учкизы ни. Нош туэ соос кыӵе муген вуэмын? Со пумысен Тарту университетысь научной сотрудникен, Парижысь шундыӝужан пал кылъёсъя но культураосъя институтын финно-угроведениез дышетӥсен Ева Тулузэн вераськиськом.

Татышлы ёросысь Бальзюгаысь Яков Камидуллин ужбергатон удысэ нырысетӥ вамышсэ 2002-тӥ арын лэсьтэм. Соку Яков Минказипович Выль Татышлы школаын физкультурая дышетӥсь луыса ужа вылэм.

Арлы быдэ ёросъёсын скал кыскисьёс но осеменаторъёс пӧлын ӵошатсконъёс радъясько. Отын вормисе потэмъёс республика конкурсын ёроссылэсь данзэ утё. Туэ устоос пӧлысь устооссэ скал кыскисьёсты Мелеуз ёросысь Салават нимо СПК-колхоз пумитаз. Ньыльдон кыкетӥ ползэ радъяськем республика конкурсын 53 адями кужымзэ мертаз. Соос пӧлын Татышлы ёросысь «Агро-Танып» СПК-ысь Наташа Байдиева (Петропавловка гурт), Калтасы ёросысь «Победа» ООО-ысь Надежда Минтимирова (Кургак гурт), Янаул ёросысь «Победа» ООО-ысь Ирина Идиятова (Можга гурт) но луизы.

Берло дыре гужем кырын, палаткаосын, шутэтскон паськытгес но паськытгес вӧлме. Котькин шаерысьтыз чебересь, тодмо луись интыоссэ усьтыны мылкыд каре. Республикаямы сыӵе интыос трос. Куд-огъёстӥз ӵошен «ортчоме».

Инмысь вуюись шоры учкыса ноку уд тыры. Чебересь буёлъёслэсь кылдэм выж кыӵе ке но аспӧртэм, выжыкылъёслы узыр шаере нуэ кадь, кытын быдэсмо вань малпанъёс. Вуюисен ик ӵошатыны луэ нылпиосты но. Соос шумпотто, бурдъяло, улыны кужым сёто, быгатонлыкъёсынызы паймыто. Пиналъёс шоры учкыса ӟечезлы осконмы будэ.