архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Выль амалэн ужан пайдаё луоз-а?

      2017.07.06 781 0
      Выль амалэн ужан пайдаё луоз-а?

      ГУРТ удысын тыршисьёсты инкуазь туэ уг шумпотты. Зоро нуналъёс пудо сиён дасянэз трослы ӝегато. Татышлы ёросысь «Агро-Танып» СПК-ын тыршисьёс озьы ке но дырзэс пайдаен ортчытыны тыршо. Туэ соос пудо сиён дасянзылэсь кӧня ке люкетсэ выль амалэн но быдэсто.

      Ми вуылон нуналэ, кылсярысь, хозяйствоын выль пресс-подборщиксэс эскеро вал. Со турынэз шпагатэн но сеткаен биньыны чакламын. Отчы сенажез, кылсярысь,  45-50 процент мускытэн пыртыны луэ. Вераны кулэ, «Агро-Танып» СПК-е кык таӵе пресс-подборщик басьтэмын. Солэн одӥгеныз хозяйствоын кыкетӥ арзэ пайдаясько. Зэм, азьвыл соин рулонъёсты шпагатэн гинэ дасязы. Туэ пресс-подборщиклэсь вань луонлыкъёссэ эскерыны малпазы.

      - Толон 30 тонна пудо сиён дасямы, туннэ та лыдпус сюлы ӵошаны кулэ. Ужмес быдэстыны зоръёс гинэ медаз люкетэ, - вера хозяйствоысь валтӥсь агроном Денис Мардамшин.

      Та нуналъёсы таныпъёс тысё культураосты прессовать каро. Куинетӥ пӧсьтолэзе сётэм лыдпусъёсъя, «Агро-Танып» СПК-ын 260 тонна сенаж дасямын. Матысь нуналъёсы таныпъёс клевер дасян борды басьтӥськозы. Соос туэ сенажзылэсь сюрс тонназэ рулонэн пыртозы, сюрс тонназэ гуосы тырозы.

      Бусыосысь рулонъёсты кык КамАЗ-эн ферма доры вутто. Татын пудо сиёнэз нимысьтыз пленкаосын бинялто. Тазэ ужез рулонэз дасям бере 2-3 час куспын быдэстыны тыршоно. Озьы гинэ сенажлэн ӟечлыкез утиськоз.  Таӵе амалэн дасям сенажез липет улэ пыртытэк но луоз. «Асьмелы выль технологиосты эскерыны кышкано ӧвӧл, - малпанъёсыныз люкиське валтӥсь агроном.- Со сяна, соосты  ужын кутыны дышетсконо».

      Эльмира ГАРЕЙШИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить