icon_gotop
18+
autorisation
Войти | Регистрация
Время в Татышле
04:49
Пятница, 29 Марта
Рекламный баннер 990x90px top

Тупаса уло, кенешыса ужало, ӵошен шулдыръясько

08:57 27.07.2017

Али удмурт огазеяськонэн Фируза Фаизова кивалтэ. Та ужез солы 2012-тӥ арын оскизы. Кивалтӥсьлэн ужаз ас калыкез, удмурт сям-йылолъёс сярысь сюлмаськемез шӧдӥське. «Выжы-кум» фольклор ансамблез пӧртэм-пӧртэм ужрадъёсысь пумитаны луэ. Республикамылэн ёросъёсаз, Удмурт Республикаын, Пермь шаерын ортчись фестивальёсы, праздникъёсы но соос мыло-кыдо пырисько, ужрадъёсысь дипломъёсын, тау карон гожтэтъёсын но данъян грамотаосын берытско.  Туэ, кылсярысь, Удмурт Республикаын ортчем «Гербер» празднике вуылӥзы, татышлы музъемын радъяськем «Дуно марӟанъёс» регионъёс куспысь фестивальын быгатонлыкъёссэс возьматӥзы, Бурай ёросысь Алтау гуртын ортчем «Элен вӧсе» пыриськизы.

Удмурт огазеяськон сяна, Нефтекамскын вить пӧртэм калыкъёслэн огазеяськонъёссы ужало. Соосты огазея культураосъя центр, кудӥныз Нафиса Набиева кивалтэ.

- Городысь историяя но шаертодонъя юртын милям пичи шуныт «коркамы» вань, кытын ми тупаса, кенешыса ужаськом. Кыӵе гинэ ужрадъёс уг ортчо, удмурт, бигер, башкир, пор, ӟуч но украинской центръёс котьку уж борды ӵошен басьтӥсько. Кылсярысь, «Ночь музеев», «Ночь искусств», «День родых языков», «Созвездие дружбы», «Финно-угорский транзит: семейные традиции» ужрадъёс но мукет. Вормон Нуналлы, городлэн нуналэзлы сӥзем ужрадъёсы но пыриськытэк ум кылиське. Милям, культураосъя центрлэн, нимысьтыз эшъяськон кубокмы вань. Киысь кие выжыса, со куать национально-культурной огазеяськонъёсты ортче, соку ик котькуд культуралы сӥзем нуналъёс радъясько. Удмурт культуралы сӥзем нуналъёс улсын, Удмуртиысь дано адямиосын, коллективъёсын пумиськонъёс луо. Кылсярысь, туэ Нефтекамске Ижевскысь «Инвожо» калык ансамбль вуылӥз. Крезьгуръя школалэн залаз трос калык люкаськиз, удмуртъёс гинэ ӧвӧл, отчы поръёс но, бигеръёс но, ӟучъёс но, башкиръёс но шумпотыса концерт учкыны мынӥзы. Ужрадъёсты ортчытыны спонсор юрттэт возьмато городлэн администрациез, ужбергатӥсьёс Ф. Насырова («Гранд») но А. Самедов («Аладдин»). Огкылын вераса, милям центрмы – со эшъяськон юрт, - вера Нафиса Фатиховна.

- Арлы быдэ Нефтекамскын «Дуслык моно» регионъёс куспысь фестиваль ортче. Отчы но удмурт огазеяськон азинлыко пыриське. Выжы писпулы сӥзем ужрадъёсын но удмурт семьяос асьсэлэсь выжызэс быгатыса возьмато. Нимысьтыз удмуртъёсын радъяно ужрад сярысь верано ке, пусъёно «Лыжня зовёт» ӵошатсконэз. Отчы котькуд мылкыд карись пыриськыны быгатэ. Куасэн ӵошатскон удмурт калык пӧръёсын кырын пӧсь чай юонэн йылпумъяське, - ватсаса вера Фируза Шарапгалиевна.

Россилэн культураез дауръёс ӵоже кылдэмын. Пӧртэм калыкъёслэсь сям-йылолъёссэс огазеяменыз, со кужмоя но узырме, арысь аре азинске. Нылпиосты визьноданын но культура бадӟым инты басьтэ. Нефтекамскысь удмурт огазеяськон но та ӧръя трос ужа. Кылсярысь, арлы быдэ радъяськись «Удмурт ёлка». Та ужрадэ анай-атайёсынызы, песяй-песятайёсынызы ӵош нылпиос но шумпотыса вуо, удмурт кырӟанъёсты быдэсто, удмурт кылын кылбуръёс лыдӟо, удмурт эктонъёс возьмато. Уз сылме соос мукет калыкъёс пӧлын.

        Миляуша БУЛАТОВА.

Нефтекамск город. 

6268

Оставить сообщение: