Синъёсады мед пиштоз яркыт тылгизьы

Татышлы ёросысь Бигиней гуртысь школа олокӧня сюрс пиналъёслы тодон-валан сётӥз ни. Татысь потӥллям трос тодмо адямиос. Та дыре школа дано суредасьлэсь Менсадык Гариповлэсь нимзэ нуллэ. Туннэ начальной школаын дас вить пиналъёс дышетско. Соослы ӟеч тодон-валан сётон сярысь сюлмаськыса ужало дышетӥсьёс Елена Сабировна Ханова но Оксана Александровна Минигараева. Нош школаез утялтон но пӧзьтӥськон бордын Гульнара Манапова тырше.

Школаын пиналъёслэн котькуд нуналзы тунсыко ортче. Кыӵе гинэ ужрадъёс соос понна дышетӥсьёссы уг дасяло! Нош нылпиос дышетӥсьёссэс вормонъёсынызы шумпотто.

Миляуша БУЛАТОВА.