БР-ысь Егитъёслэн политиказыя кун комитетэн, БР-ысь культурая но йӧскалык политикая министерствоен ӵош Башкортостанысь удмуртъёслэн национально-культурной центрзы 1-10-тӥ гудырикошконэ усточи удмурт пиналъёслы творческой лагерь радъя.
Лагерьлэн ужпумъёсыз: удмуртъёслэн культурно-этнической узырлыкъёсынызы тодматон; нылпиослэсь быгатонлыкъёссэс шараян но волятон; ужез но вордскем шаердэ гажаны дышетон; ог-огдэ валан, гажан мылкыд пыӵатон но мукет.
Лагере лыктыны быгато 6-10-тӥ классъёсын дышетскись, удмурт кылэз тодӥсь пиналъёс. Соослэн сьӧразы таӵе документъёссы луыны кулэ: вордӥськемзы сярысь свидетельствозы яке паспортсылэн (пропискаен) копиез, ИНН, пенсионной страховой свидетельство, дерматологлэн но педиатрлэн йылпумъянъёсынызы ф.079-У медицинской справка, СЭС анализъёслэн результатъёссы, инфекционной висисьёсын кусып возьымтэзы сярысь справка (ф. №291), «Ошмес» газетлы 2017-тӥ арысь кыкетӥ паларлы гожтӥськемзы сярысь квитанция.
Пиналъёсты лагерь таӵе адресъя вите: Башкортостан, Татышлы ёрос, Вязовка гурт, Комаров нимо ужан но шутэтскон нылпи лагерь.
Творческой лагерьлэн программаез: анай кыллы но культуралы дышетон, творческой мастерскойёсын ужан, спортивно-оздоровительной но культурно-массовой ужрадъёс радъян.
Нуналлэн радлыкез:
9.30-13.00 - творческой мастерскойёсын ужан;
14.00-16.00 – спортивно-массовой ужрадъёс;
17.00-19.00 – ӝыт ортчись ужрадэ дасяськон;
19.30-21.00 - конкурсъёс, викторинаос, КВН но мукет ужрадъёс;
21.00-22.30 – дискотека.
Творческой мастерскойёс: «Кызьпу туй», «Дӥськут дизайн», «Эстрада», «Фольклор», «Театр», «Журналистика» но «Художественная фотография».
Коньдон юрттэт: БР-ысь Егитъёслэн политиказыя кун комитет, БР-ысь Калыкъёслэн эшъяськон юртсы, БР-ысь Балтач, Бурай, Калтасы, Татышлы но Янаул ёросъёсысь администрациос. Родительской взнос – 2000 манет.
Кылдэм юанъёсын БР-ысь историяя но культурая центре (34778) 3-21-91 номеро телефонъя вазиськоно, e-mail: udmikz@bk.ru
2020.04.09
Художественный музей имени Михаила Нестерова вошёл в топ-5 музеев России2019.12.24
В Уфе состоялась традиционная Столичная ёлка для одарённых детей2019.09.03
В Башкирии стартует конкурс вокального творчества среди сельских поселений «Поющая деревня!»2019.06.21
"Ӟечбур, вордскем гуртэ!" ужрадын - Ирина Шайхлисламова "Берто али гуртам" кырӟанэн2019.05.07
Символ Всероссийского театрального марафона привезут в Уфу
Комментарии