icon_gotop
18+
autorisation
Войти | Регистрация
Время в Татышле
05:55
Пятница, 29 Марта
Рекламный баннер 990x90px top

«Эрмитаж» сад удмурт шаерлы пӧрмылӥз

09:14 13.07.2017

Берло дыре Удмуртиын калык пӧръёсты, сиён-юонъёсты утёнлы бадӟым саклык висъяське. Кылсярысь, «Попробуй Удмуртию» площадкаын Гербере вуэм куноос удмурт калык сиёнъёсын тодматскизы – пельняньёсты, пӧртэм перепечъёсты веръязы. Со сяна, Герберын егит дизайнеръёслэн ужъёсынызы – удмурт дӥськутъёсын - мода но адӟытӥзы. Удмурт Тол бабаен Лӧпшо Педунез но татысь пумитаны луиз…

Гербере Москвалэн мэрез Сергей Собянин но вуылӥз. Со шуиз: «Гербер удмурт культуралэсь узырлыксэ, тунсыко сям-йылолъёссэ яркыт возьматэ. Нош презентациос пыр удмуртъёслэн туала ужъёсынызы, вормонъёсынызы тодматскыны, шаерлэсь экономика ласянь азинскемзэ эскерыны луэ».

Бадӟым празднике Башкортостанысь удмурт калык фольклор ансамбльёс но вуылӥзы: Бурай ёросысь Алтау гуртысь «Инвожо» (кивалтӥсез И. Шарафутдинова), Татышлы ёросысь Вязовкаысь «Уӵы ныл» (кивалтӥсез Ф. Нуриахметов) но Кызыл-Ярысь «Марӟан» (кивалтӥсез Н. Гайниярова). Ужрадэ вуылэмъёс малпанъёсынызы люкисько.

Ирина Шарафутдинова:

- Москва туж кельшиз. Ваньмы умой ветлыса бертӥм, одӥг семья кадь. Герберын ми празднике лыктэм куноосты кырӟанъёсынымы пумитамы. Сцена вылын но кык кырӟан быдэстӥм. Красной Площадьын луим. Москва – туж шулдыр город. Бадӟым тау Ижевскысь камсьӧр удмуртъёслэн огазеяськонэнызы кивалтӥсьлы Флюра Чибышевалы. Флюра Ахметовналэн кичӧлтэмезъя, ми Гербере пыриським. Озьы ик «Инвожолэн» нимыныз тау кылъёсме верасько Бурай ёрос администрацилы, ёросысьтымы культура ёзэтын ужасьёслы. Соос автобусэн юрттӥзы, келязы но пумитазы. Нимысьтыз бадӟым тау Москваысь эшъёсмылы.

Раиля Нуриахметова («Уӵы ныл» ансамбле пыриськись):

- Ми, уӵы нылъёс, Москвае нырысьсэ вуылӥм. Шоркармы но, Гербер праздник но туж кельшизы. Ансамблен куноосты пумитамы, сцена вылын но эктӥмы-кырӟамы. Вашкала удмурт гуръёс учкисьёслы кельшизы, лэся, сцена вӧзы калык тросгес но тросгес люкаськиз. Тау кылъёсме вераме потэ ансамбле пыриськисьёслы: кузь сюрес шуыса ӧз улэ, Гербере мыныны мылкыд каризы. Бадӟым тау Флюра Чибышевалы. Со милемыз ужрадэ вазиз.

       Миляуша БУЛАТОВА.

6190

Оставить сообщение: