Пельпумъёсаз кизилиос пишто
2013-11-28
Дознаватель. Полициын ужасьёслэн малпамзыя, та уж секыт но тунсыко. Йыружъёсты сэрттон-пертчонын дознаватель котьку бадӟым юрттэт возьматэ.
Дырзэс юнме ӧз ортчытэ
2013-11-21
Янаул ёросысь Шудек школаысь пиослэн гужем шутэтскон нуналъёссы юнме ортчымтэ. 8-тӥклассын дышетскисьёс Константин Шайдуллин но Андрей Зайдуллин, 9-тӥклассысь Никита Габтиевен Сергей Васильев, 11-тӥ классын дышетскись Дмитрий Шайдуллин гурт хозяйствоын тыршыса табыш поттӥллям. «Победа» ООО-е пинал ужасьёсты шумпотыса кутӥллям. Соос комбайнын ужасьёслы юрттӥськиллям, кырын пудо возьмаллям.
Быгатонлыкъёссы данъяськымон
2013-11-21
Кирга школаен кивалтӥсь Светлана Алексеевна Ментимирова: «Дышетӥсьёсмылэн шаер конкурсын вормонзы – ми понна пумтэм шумпотон. Ужрадэ пыриськыса, Татьяна Денисовнаен Маргарита Катыпзяновна быръем ужзэс гажамзэс, лулысь-сюлмысь ужамзэс возьматӥзы. Азьланяз но соосты уж дуразы бадӟымесь вормонъёс мед витёзы».
Йӧн-йӧн вамышъяса – армие
2013-11-14
ТА нуналъёсы Россиын сӥзьыл призыв азинтӥське. Обороная министерстволэн ивортэмезъя, 31-тӥ толсурозь 150 сюрслэсь трос пиосты армие басьтозы. Соос пӧлысь 6500 солдатэз республикамы келялоз. Озьыен, таяз арын Башкортостанысь огъя 12 сюрслы матэ пиос солдат дӥськутэз дӥсялозы.
Гурт удысэз азинтон – одӥгез валтӥсь ужпум
2013-11-14
Башкортостанлэн Прези¬дентэз Рустэм Хамитов гурт удысысь устооссэ ужасьёсты данъяз. Отын Татышлы ёросысь «Агрофирма «Дэмен» СПК-ысь скал кыскисьлы Зоя Рияновалы «За самоотверженный труд в Республике Башкортостан» висъяськон пус (знак отличия), Янаул ёросысь «Восток» СПК-ысь скал кыскисьлы Альфия Гарифьяновалы Башкортостан Республикалэн Данъян грамотаез сётэмын. Нош Балтач но Татышлы ёросъёс гурт удысын бадӟымесь вормонъёс басьтэмзы понна республикалэн Правительствоезлэн дипломеныз данъямъёс пӧлын луизы.
Нырысетӥ вамыш берпуметӥез медаз луы
2013-11-07
Кылем арняын Башкортостанысь «Ошмес» газетлэн пинал гожъясьёсыз семинаре люкаськизы.
Дырдыостӥ чылкыт ву бызе
2013-11-07
Берло аръёсы республикаысьтымы тросэз ошмесъёс куасьмизы. Нош кытын ке соослэн синъёссы жуг-жаг улын ӵоктаськизы.
Эшлыко кусыпъёс мед луозы
2013-10-24
22-тӥ коньывуонэ Привожск федерал округе Россия Федерацилэн Президентэз Владимир Путин вуылӥз. Та нуналэ ик со Уфаын Калыкъёслэн кусыпъёссыя кенешлэсь заседанизэ ортчытӥз. Со Россиысь субъектъёсын кун йӧскалык политикаез быдэстонлы сӥземын луиз.
Пичиысен быръем удыс
2013-10-24
Котькуд адями улон сюрессэ аслыз кельшись ӧръя азинтэ. Кин ке но дышетӥсь луэ, мукетыз эмчилэсь яке сварщиклэсь ужзэ быръе. Вань удысъёсты вераса ик уд быдты. Пӧламы водительёс но трос пумисько. Балтач ёросысь Асавка гуртын вордскыса будэм, али дыре Татышлы ёрос аптекаын водитель луыса ужась Эдуард Валиахметовлэн но улонэзлэн бадӟым люкетэз руль сьӧрын, сюрес вылын ортчемын.
«Шуныт коркан» шуныт пумиськон
2013-10-24
Ӵем дыръя, арлыдоос шоры учкыса, тросэз лулӟылыса малпало: «Куке ми но сыӵе луомы. Пенсие потӥм ке, кинлы ми кулэ луомы на?» Арлыдзы луэм адямиос трос дыръя улонлэн палэназ кылё, лэсьтэм ужъёссы но вуно. Сыӵе дыръя азвесь нюжаосын пужъятэм йырсиоссы шоры учкылыса секыт малпанзы кекатэ: эх шу, улон ортчиз! Пересьмон нуналъёс, кисыриосын гожмам ымныр - азьланяз котькуд адямиез но пересьмон вите. Куеда ёросысь Бадӟым Гондыр гуртысь арлыдоослэн улэм-вылэмзы сярысь мади ке, та выллем малпанъёсты шуак тӧлӟозы. Кема ӧвӧл отчы вуылыса, мон тунсыко «Шуныт корка» пырай.
Шаермылэн шоркарез улосчиосмес огазеяз
2013-10-17
Кылем шутэтскон нуналъёсы шаермылэн шоркарез башкир омырен шоказ кадь. 12-тӥ коньывуонэ татын «Москва - наш общий дом» регионъёс куспысь фестиваль улсын Башкортостан Республикалэн нуналэз ортчиз.
Кузь сюрес, ваё сюрес
2013-10-17
Кематэк Башкортостанын бадӟым ӝутӥськон ужъёс радъяськозы. Шаерамы поездъёслы ветлон сюрес тупатыны чакламын. Со сюрес республикамес «Москва-Казань-Екатеринбург» ӝог ветлон (высокоскоростной) магистрален (ВСМ-2) герӟалоз. Шаермылэн шоркарысеныз Пермь шаерысь Чернушка городозь кыстӥськись сюреслэн кузьдалаез 200 иськемлы ӵошалоз. ВСМ-лэн рокадной «вайёсыз» кузя поездъёс часаз 200-450 иськем ортчозы. Выль проект улонэ пыӵаз ке, Уфаысен Казане 3 час куспын вуыны луоз, Москвае – 6 часкын, Челябинске – 2,5-3 часкын, Екатеринбурге – 3-3,5 часкын.
«Милямъёс котьку азьпалан»
2013-10-17
Котькуд арня, вакчиесь иворъёс люкаса, пӧртэм интыосы жингыртоно луиськомы. Нош Янаул ёросысь Шудек школаысь физкультурая дышетӥсь Александр Сергеевич Зайдуллин ӵемысь ачиз милемлы жингыртэ, школаысьтызы спортэн герӟаськем выль иворъёсын тодматэ. Нош одӥгаз нуналэ командировкаен Шудек школае куное вуылӥмы. Ёросазы спортъя тужгес кужмо луись спортсменъёсын тодматскон вылысь, спортзалазы вамыштӥмы.
Вуонозэ вордскем гуртэныз герӟа
2013-10-10
Бурай ёросысь Байшады гуртысь Алексей Шагиев гуртысьтызы Геннадий Гиль-маутдиновлэн фермер хозяйствояз ужа.
«Временной уже 28 ар кыстӥське ни»
2013-10-10
Гуртын улӥсь арлыдоослэн тросэзлэн улон сюрессы гурт удысэн герӟаськемын. Соос дырзэс, кужымзэс жалятэк бусыосын, фермаосын тыршиллям. Шудекысь Геннадий Мухаметзяновлэн но улонэз гурт удысэн герӟаськемын. Вордӥськем шаерез сярысь сюлмаськись воргорон солэсь пӧртэм ӧръёссэ ас вылаз веръям. Со учётчик но луэм, диспетчерлэсь но ужзэ быдэсъям. Бӧрысь сое бригадире юнматӥллям.
Гуртъёсмылэсь данзэ ӝуто
2013-10-10
РОССИЫН 1999-тӥ арысен коньывуон толэзьлэн кыкетӥ арнянуналаз гурт удысын тыршисьёсты данъяло. Та нуналэ ю-нянь будэтӥсьёсты, пудо вордӥсьёсты ӟечкылало. Уго соослэн шутэтсконэз валатэк тыршеменызы ӝӧк вылмы котьку нянен, йӧл-вӧйен но мукет сиён-юонъёсын узыр. Таяз арын гурт удысын поттэм ваньбурез та нуналъёсы ортчем «Золотая осень-2013» адӟытон но яркыт возьматӥз. Отчы дуннеысь 25 шаеръёсысь предприятиос но организациос пыриськизы. Башкортостан Республика адӟытонын сӥльлэсь дасям вузъёссэ, минерал вузэ, вино-водочной вузъёссэ, няньзэ, чечызэ но мукет вузъёссэ возьматӥз.
Финн-угор калыкъёс люкаськизы
2013-10-03
КЕМА ӧвӧл Мордовиын Россия Федерациысь финн-угор калыкъёслэн V съездзы ортчиз. Ужрадэ БР-ысь удмуртъёслэн историко-культурной центре¬нызы кивалтӥсь Татьяна Шайбакова но пыриськиз. Солы ми ужрад сярысь кӧня ке юанъёсынымы вазиськимы.
Янгышан пыраклы улонэн люке
2013-09-26
Улон интыяз уг сылы. Арлы быдэ сямен котькуд удысын воштӥськонъёс, выльдӥськонъёс пумисько. Тодӥсько на, мон пичи дыръя гурт калыклэн тросэзлэн корт «эшез» ӧй вал. Ульчаысь нуналаз кӧня ке мотикез, одӥг яке кык машинаез адӟыны луэ вал. Соин, вылды, сюрес вылын луэм авариос сярысь кышкыт иворез но туж шер кылӥськом вал.
