icon_gotop
18+
autorisation
Войти | Регистрация
Время в Татышле
05:58
Четверг, 5 Августа
Рекламный баннер 990x90px top

Эшлыко кусыпъёс мед луозы

2013-10-24

 - Кенешлэн нырысетӥ заседанияз асьмеос ӵошен ужаны нимысьтыз план кутӥмы. Та ужкагаз вылэ пыкъяськыса 2012-тӥарысь толсуре кун йӧскалык политикаез 2025-тӥ арозь азинтонъя стратегия кутэмын вал, - ужрадэз усьтыса вераз президент. – Озьы ке но шаерамы йӧскалык политикалэн каллен азинскемез шӧдӥське.

Владимир Путинлэн кылъёсызъя, федерал стратегиез быдэстон ласянь укмыс регионъёсын гинэ нимысьтыз план кутэмын. Быдэстэм ужъёсъя но лыд­пусъёс туж улӥын возисько. Соин президент йӧскалык по­литикалы азьланяз бадӟым саклык висъяны куре.

- Трос дыръя интыосысь кивалтӥсьёс кабинетын ужанэн гинэ буйгатско, нош солэн пайдаез – шӧдсконтэм. Со выллем кивалтӥсьёс адя­миослэсь сюлмаськонъёссэс но уг валало. Кылсярысь, Бирюлёвоын улӥсьёс трос ӧсъёсы йыгаськылӥзы, полицие, интыысь кивалтэтэ вазиськылӥзы. Нош соосты нокытын кылӥсь ӧз луы. Чылкак озьы кылдо оскон ласянь тросэз ченгешонъёс,- пусйиз президент.

Котькуд инты, юрт понна кивалтӥсь, предприятилэн кузёез кыл кутыны быгатыны кулэ. Владимир Путинлэн верамезъя, Федерал Собранилэн палатаосыныз регионъёсын но муниципал огазеяськонъёсын кивалтӥсьёслэн калыклэсь эшлыко кусыпъёссэс утёнзы сярысь нимысьтыз закон кутэмын. Отын пусъемын: интыосысь кивалтӥсьёс ӟечлыкез утьыны ӧз быгатэ ке, ужзылэсь мозмытэмын луозы.

- Интыысь кивалтэт калыклэсь куронъёссэ кылзыны но соосты быдэстыны ке быгатысал, троссэ ченге­шонъёсты палэнтыны луысал, - вераз президент. – Нош асьмеос со сярысь «тылпу» потэм бере гинэ тодэ вайиськомы. Та ужпумез быдэстон понна стратегиын пусъем выль амалъёсты уже кутыны тыршоно. Нош со тросаз регионъёсын кулэен лыдъямын ӧвӧл на. Регионъёслэн йӧскалык политикая стратегиез быдэстонъя планзы пуштросо луыны, котькуд регионлэсь аспӧртэмлыксэ возьматыны кулэ. Туннэ Россилэн лымшор палаз но Приволжск федерал округысь регионъёсын калыкъёслэн кусыпъёссыя научной центръёс кылдытэмын. Та выллем интыосты котькуд регионын кылдытыны тыр­шоно, калыкен огкыл шедьтоно.

Федерал округъёсысь адямиослы вазиськыса, Владимир Путин пусйиз: «Регионъёсысь кивалтӥсьёслы йӧскалык политикаез азинтон ласянь юрттэт возьматоно, кылдэм ужпумъёсты ӵошен палэнтыны тыршоно». Тужгес бадӟым саклык висъяно, Владимир Путинлэн малпамезъя, та удысэз ӟеч ӧнерчиосын тырмытонлы. Соос калыкен но пӧртэм огазеяськонъёсын юн кусып возьыны мед быгатозы. Берло вакытэ шаерамы улӥсьёс мигрантъёс шоры кырыж синмын учко. Федерал миграционной служба та бордын ужа ке но, бадӟымесь воштӥськонъёс ӧвӧл на.

- Интыосын со ласянь юнгес ужано. Соин регионъёслэсь ужась киослы кулэяськемзэс возьматӥсь уж картаос кылдытон сярысь сюлмаськоно. Мигрантъёслы асьмелэн шаерамы улыны дышетӥсь центръёс кылдытоно. Туннэ нуналэ соос Тамбовын но Оренбургын ужало.

Вераськонзэ йылпумъяса, Владимир Путин «За вклад в укрепление единства нации» премия кылдытон сярысь ивортӥз. Россиысь калыкъёслэсь кусыпъёссэс юнматон бордын тыршисьёслы ужзылэсь ӟечлыксэ ӝутон понна со ӟеч юрттэт луоз.

Розалия ВАЛЕЕВА.

«Башинформ».

1301

Оставить сообщение:

НАШИ ПАРТНЕРЫ