icon_gotop
18+
autorisation
Войти | Регистрация
Время в Татышле
13:48
Вторник, 19 Октября
Рекламный баннер 990x90px top

Йӧн-йӧн вамышъяса – армие

2013-11-14

Соослэн тросэзлэн служ­базы РФ-ысь МВД-лэн вну­тренней войскаосаз ортчоз. Соос терроризмен но мукет со выллем кышкытлыкъёсын нюръяськозы. Сӥзьыл призы­вын спортивной ротаосы но трос пиосты басьтозы. Обо­роноя министерствоын оско, татысь пиос пӧлысь тросэз Тол олимпи шудонъёсын Рос­силэн огазеям командаезлэсь данзэ утёзы.

 

Ӝоген солдат улонэз Кал­тасы ёросысь Кургак гур­тын улӥсь Андрей Надыров но веръялоз. Ёросазы солэн нимыз тросэзлы тодмо. Уго капчи мылкыдо егит пияш котькытчы но вутске. Калы­кез шулдыртыса сцена вылын арганэн но со шудоз, пӧртэм ужрадъёсы пыриськыны но вутскоз. Сэзь пияшез эшъё­сыз но гажало, малы ке шуоно Андрей юн эшъяськыны но котькинлы юрттыны дась. Школаын дышетскыкуз со котьку азьмынӥсьёслэн ра­дазы луиз. Бӧрысь, укмысэтӥ классэз йылпумъяса, Нефте­камскысь машиностроитель­ной колледже дышетскыны пыриз. Туэ Андрей дышетскон­зэ йылпумъяз, со «Сварочное производство» ӧръя диплом басьтӥз.

- Табере дыр вуиз армие мыныны, – пальпотыса вера Андрей.

- Нош потэ-а мынэмед, али тросэз армилэсь «пеганы» дышемын ук?

Андрей пумитам валамон но вакчи вераз:

- Пичиысен ик армия ся­рысь малпаськи, ветлоно, одно ик!

Ӟеч сюрес тыныд, Андрей! Атыкай музъеммес утисьёс­лэн радазы йӧн-йӧн мед сы­лод. Вордӥськем палъёсад бертон нуналэд но ӝог мед вуоз.

Ирина САМИГУЛОВА.

Калтасы ёрос.

2178

Оставить сообщение:

НАШИ ПАРТНЕРЫ