icon_gotop
18+
autorisation
Войти | Регистрация
Время в Татышле
00:01
Суббота, 24 Июля
Рекламный баннер 990x90px top

Шаермылэн шоркарез улосчиосмес огазеяз

2013-10-17

Ужрадэз усьтыса регионъёслэн валче ужанзыя, йӧскалык политикая, Москваысь вӧсьлыкъя огазеясь­конъёсын кусып возёнъя де­партаментэн кивалтӥсьлэн воштӥсез Вадим Корниенко, РФ-лэн Президентэз бордысь Башкортостан Республикалэн Полномочной представителез, Башкортостанысь Правительстволэн премьер-министрезлэн воштӥсез Артур Шайнуров вераськизы.

Республикалэсь нуналзэ «Башкортостан» киностуди­ен башкир кылын дасям мультфильмъёсын но киноосын кутскизы. Быдэс Россиысь Адӟытон Центре лыктэмъёс озьы ик республикалы но солэн шоркарезлы сӥзем видеопрезентациез шумпотыса учкизы. Нош собере люкаськем калыкез тодмо кырӟасьёс но эктӥсьёс шулдыртӥзы, кылсярысь, «Караван-сарай» фольклор группа но тодмо крезьгурчи Рим Хасанов, Москваысь «Алтын Ай» эктон коллектив. Та нуналэ Москваын республикалэн пӧртэм ласянь азинсконъёсыз возьматӥськизы. Центрын сиён-юонъёсын, книгаосын, чечыен, туспуктэмъёсын адӟытонъёс дасяськизы.

Ужрадын тодэ ваёнъёслы но дыр шедиз. Тямыстон ар талэсь азьвыл Москвае метрополитен ӝутыны Баш­кортостанысь вить сюрс адями вуэм. Республикалэн нуналаз улосчиосызлы со сярысь вераз шаерчи Маргарита Халилова. Татын соослэсь тыршемзэс дунъян вылысь метрополитенлэн одӥгезлы станциезлы «Башкирская» ним сётон яке мемориал доска усьтон сярысь но кылпум ӝутӥзы.

Башкортостанлэн нуналэз Москваысь пӧртэм калыкъёсты огазеяз. Уго республикаысь башкиръёс сяна, мукетъёс но пӧртэм аръёсы отысь ас дорзэс шедьтӥзы.

Интернетысь материалъёсъя дасяз Ольга НИГАМАТУЛЛИНА.

1413

Оставить сообщение:

НАШИ ПАРТНЕРЫ