icon_gotop
18+
autorisation
Войти | Регистрация
Время в Татышле
14:10
Вторник, 19 Октября
Рекламный баннер 990x90px top

Пельпумъёсаз кизилиос пишто

2013-11-28

Калтасы ёрос ОВД-ын та ужез Леонид Нурмухаметов быдэсъя. Службазэ со 2002-тӥ арысен, Глазовысь дышетӥсьёсты дасянъя институтэз йылпумъям дырысеныз нуэ. Леонид Аркадьевич пичиысен погоно адямиос шоры синмаськыса учкылэм. Соку ик со азьпал улонзэ та удысэн герӟан сярысь малпаськем.

Леонид Нурмухаметов служба сюрессэ участковой уполномоченнойысен кутскем. Та ужзэ со 4 ар ӵоже быдэсъям. Бӧрысь сое одӥг арлы ёзэтэн кивалтӥсьлы юрттӥсе – оперативной дежурное – юнматӥллям. Собере со 5 ар ӵоже полициысь участковой уполномоченнойёслэн ёзэтэнызы кивалтэм. Берло солы дознавательлэсь ужзэ ӵектӥллям. Татын майор одӥг арлы матэ тырше ни.

Леонид Аркадьевичлэн йыружъёсты эскеронэн герӟаськем ужез туала улонысь «суредъёсын» тырмемын. Трос дыръя со семьяын луэм учыръёсты «веръяно» луэ. Со сяна, лушкаськон, йыртэман, ужкагазъёсты тупатон туннэ нуналын паськыт пумиське. Берло дыре пыӵал тӥрлыкен вузкарисьёслэн лыдзы, пе, трослы йылэмын.

Дознавательлэсь ужзэ капчи уд шуы. Кыӵе гинэ югдуръёсын, йыружъёсын со уг пумиськылы. Одно ик ваньзэ валано, пыр-поч эскероно, адямиен огкыл шедьтыны быгатоно. Уго солэн эскеронъёсызлэсь, лэсьтэм «вамышъёсызлэсь», шонер ужъёсызлэсь радъяське кинлэн ке азьпал улонэз.

Котькуд йыружез йылазпумаз вуттонлы огъя одӥг толэзь дыр сётӥське. Соин ик Леонид Аркадьевичлы ӝытъёсы ӵемысь кагазъёс сьӧрын пуконо луэ. Куддыр шутэтскон нуналъёссэ но со уж дураз ортчытэ. Уголовной законодательствое пыртэм воштӥськонъёс сярысь но, пе, вунэтоно ӧвӧл.

Службаяз пумиськись шуг-секытъёс сярысь юанэлы, майор секытлыкъёс луымтэ удыс уг луы, дыр, шуыса пусйиз. Озьы ке но ватсаз: "Телевизорын полициын ужасьёс сярысь киноос трос возьматъяны кутскизы. Отын соослы "оборотеньёслэсь" рольёссэс ӵекто. Калык сыӵе киноосты учке но, полициын ужасьёс сярысь мукет малпанэ вуэ. Туннэ нуналэ тросэз понятой луонлэсь но палэнско. Шуге-леке шедьымтэ адями мукетъёслы юрттыны уг дырты. Кудӥз адӟемзэ но вератэк улэ, тодымтэ улсы кариське".

Миляуша БУЛАТОВА.

Калтасы ёрос.

2321

Оставить сообщение:

НАШИ ПАРТНЕРЫ