Статьи

Бадӟым тау тӥледлы быдэс ар ӵоже милемын луэмды понна. Выль арын ӧсъёсады шумпотон, шудбур мед йыгаськозы, кайгу-куректонъёс палэнтӥ мед ортчозы.

«Орлёнок» Краснодар шаерысь сьӧд зарезь дурын сылэ. Со Туапсе городлэсь 45 иськемлы палэнэ интыяськемын. «Орлёнок» ас котыраз сизьым пӧртэм лагерьёсты огазея. Соос пӧлын «Солнечный», «Звёздный», «Штормовой», «Стремительный», «Дозорный», «Комсомольский», «Олимпийский» лагерьёс луо.

ТАТЫШЛЫ ёросысь Выль Татышлыысь культура юртын пӧртэм смотръёс, фестивальёс ортчыло. Зифина Ильдусовна Фархутдиноватэк та юртэз син азе пуктыны уг луы. Котькытын солэн ужез шӧдӥське. Ваньмыз понна сюлмыныз висись ӧнерчи котькытчы вутске. Ӟуч, удмурт, бигер кылъёсын умой вераськись кышномурт ушъяны но, тырмымтэез сярысь но дыраз вераны быгатэ. Татысь юртын кема аръёс ӵоже «Шулдыр ӝыт» калык ансамбль ужа. Пӧртэм аръёсы Р. Мусакаев, Д. Марданов, А. Рахимьянова, В. Даутова, Линда но Алина Гильмановаос кадь яркыт кизилиос ӝуатскизы. Татын ӝуатскем котькуд кырӟась-эктӥсьлэн яркыт пиштэмаз Зифина Ильдусовналэн тыршемез шӧдӥське. Со угось пичиеныз но, егитэныз но, мӧйыеныз но огкыл шедьтыны быгатэ. Соин, вылды, ужазы басьтэм вормонъёссы но трос. 2013-тӥ арын Зифина Ильдусовнаен дасям но ортчытэм «Клуб’ок» проект Гран-прилы кузё луиз. Ас удысаз быгатыса тыршись ӧнерчи сярысь веранэн ик йылпумъяммы потэ Лулчеберетлэсь арзэ.

ТАИЗ ар Татышлы ёросысь Кызыл-Ярысь Румяна Шайдуллина понна кемалы тодаз кылёз. Нырысь со «Вот задачка» быдэсросси конкурсын кыкетӥ степенё диплом утӥз. Нош кема ӧвӧл Румяна «Созвездие талантов» республика конкурсын «Художественное слово» номинациын вормисе потӥз.

Прокуратурой Татышлинского района направлено в суд для рассмотрения по существу уголовное дело в отношении бывшего 26 летнего государственного инспектора по пожарному надзору М. обвиняемого по ст. ст. 290 ч.5 п. «б» , 285 ч.1 УК РФ.

Башкортостанлэн Президентэз Рустэм Хамитов республикаысь ёрос но город администрациосын, эмъюртъёсын кивалтӥсьёсын пумиськылӥз. Республикалэн тӧроез соос азьын пӧртэм ужпумъёс пумысен вераськон ӝутӥз. Тужгес бадӟым инты висъяськиз калыклэсь тазалыксэ утёнлы. Уго чылкак соин герӟаськемын уж дурысь азинсконъёс, демографи ласянь лыдпусъёс но трос мукетыз.

Удмурт калык пӧртэм интыосын улэ, куд-ог адямиосты улон сюресэз кыдёкысь шаеръёсы, гуртъёсы но городъёсы вуттэ. Свердловск улосвылын огъя дас тямыс сюрслы матэ удмуртъёс уло. Дор палъёсысьтызы пӧртэм мугъёсын кошкыса, соос ас улонзэс азьланьто, пӧртэм удысъёсын ужало. Мукет калыкъёс пӧлын улыса ас кылзэс яратон но гажан мылкыдзы уг быры, лул-сюлэмзэс шунтыны юрттэ. 13-14-тӥ толсур толэзе Свердловск улосвылысь «Урал кенеш» огазеяськонлэн кичӧлтэмезъя, Каменск ёросысь Мартюш посёлокын но Дегтярск городысь библиотекаосын удмурт калыклэн культураезлы сӥзем сэрегъёс усьтӥськизы. Та ужрадъёсы газетмылэн редакциез но ӧтемын вал. Удмурт сэрегъёсты усьтонын «Ошмес» газетмылы гожтӥськон радъяськиз. Газетмы та сэрегъёсын бадӟым куно луиз.

Башкиръёс но удмуртъёс дауръёс ӵоже уло артэ но ӵош. Соосты герӟало Урал гурезьёс, Кама но Агидель шуръёс, кыдёке кыстӥськись нюлэсъёс но кыр интыос. Та калыкъёсты культураоссы но матэ каро.

Куатетӥ толсуре Татышлы ёросысь Выль Татышлы культура юрт кырӟаны усточиосты пумитаз. Татын «Ӝужась кизилиос» регионъёс куспысь фестиваль радъяськиз. Нырысьсэ со 2002-тӥ арын ортчиз, отчы 47 конкурсантъёс пыриськизы вал. Нош тужгес трос кырӟасьёс луизы кыкетӥяз ужрадын (2004-тӥ ар): 71 адями.

Куатетӥ толсуре Башкортостан Республикалэн Президентэз Рустэм Хамитов Янаул, Краснокама ёросъёсы вуылӥз. Президент лек сильтӧл ортчем бере тупатӥськон ужъёслэн быдэстӥськеменызы тодматскиз, производственной но сельскохозяйственной предприятиосы, социальной объектъёсы кожылӥз.

Калтасы ёросысь Качкин-Турай гуртын улӥсь Назия но Салимзян Шайматовъёслэн юртазы вуыку нырысь ик укно дурысь чебересь сяськаос син шоры йӧтӥзы. Арлыдзы вань ке но, Назия апаен Салимзян агай, шӧдске, доразы ужтэк пукыны уг чидало. Кузёосты юрт пушкысьтызы шедьтытэк азбаре потӥ, татысен монэ Юра внуксы пумитаз.

Кылем арняын республикамылэн уйпал-шундыпуксён пал ёросъёсыз удмурт, пор, мордва но мукет калык кырӟан-эктон гуръёсын лэйказы. 26-28-тӥ шуркынмонэ Башкортостанын финн-угор калыкъёслэн лулчеберетсыя но искусствозыя укмысэтӥез йӧскалык фестиваль ортчиз. Со Нефтекамск городын усьтӥськиз.

Шуркынмон толэзьлэн берпуметӥ нуналаз Пермь шаерысь Куеда ёросысь Бадӟым Гондыр гуртын «Тол вӧсь» ортчиз. Та праздник христианстволэсь азьвыл возиськем сямен лыдъяське. Удмуртъёслэн йылолзыя, та нуналэ вӧсясьёс Инмарлы сётэм ю тысез, узыр бакча сиёнэз понна тау каро, кезьыт толэз капчиен вормыны кужым куро, ужрадэ вуэмъёсты ческыт ӝукен кунояло. «Пермь шаерысь удмуртъёс туннэ нуналэ уникальной этнической обществоен лыдъясько. Соос быгатыса утиллям, али но тыршыса утё асьсэлэсь сям-йылолъёссэс», - гожтэ этнограф, истори наукаосъя доктор Александр Черных.

Башкортостанысь школаосын дышетскисьёс пӧлын «Урал-батыр» башкир калык эпосэз лыдӟисьёслэн республика конкурссы ортчиз.

Та нуналъёсы соос пӧлысь одӥгез Татышлы ёросысь Улысь Балтач гуртын радъяськиз. «Родные напевы» смотр-конкурс ёросысь 16 коллективъёсты огазеяз. Озьы сцена вылэ огъя 130-лэсь ятыр кырӟасьёс потӥзы. Смотр-конкурс трос выль нимъёсты но ансамбльёсты усьтӥз.

«Бадӟым семьяос шоры мон котьку вожъяськыса учкылӥ. Соос гуртысь ужъёсты ӵошен ӝог лэсьтыны быгато, дэмен улыны туж шулдыр шуыса малпалляй. Ачим пичи семьяын будӥ, кык нылпиос гинэ луимы, агае мынэсьтым трослы бадӟым вал», – вера Янаул ёросысь Выль Варяш гуртын улӥсь Галина Насибуллина. Кема ӧвӧл вить нылпиослэсь анайзэс «Анаймурт дан» медален пусйизы.

Ньыльдон куинь ар ӵоже со лул-сюлэмзэ, яратонзэ, тодон-валанзэ пиналъёслы кузьмам, куинь поколениосты дышетэм. Нылпиосын артэ ортчем дышетӥсьлэн – Бадрислам Садритдинович Садритдиновлэн – уж сюресэз. Кӧня кужым, чиданлык-са¬бырлык кулэ луиз меда солы нылпиослы ӟеч тодон-валан сётон понна?! Тазэ дышетӥсь ачиз гинэ тодэ, луоз. Бадрислам Садритдинович – гажано адями, сое гуртаз гинэ ӧвӧл, ёросын но, палэнысь бускель гуртъёсын но тодо. Зэмос дышетӥсьлэн нимыз ӵош ужам эшъёсызлэн, дышетэм пиналъёсызлэн ӟеч тодэ-ваёнъёсазы возиське.

Кылем арняын Татышлы ёросысь Выль Татышлы культура юртын «Ошмес» газетлы 15 ар тырмонлы сӥзем ӝыт радъяськиз.

Адямилэн мылкыдыз котькуд вакытэ лулчеберет дуннее кыстӥське. Со кырӟан-эктон пыр шумпотэ, тодэ ваёнъёссэ но нёжмыт гуръёсын кисьтэ. Нош одӥгаз нуналэ Татышлы ёросысь Калмиярысь культура юртын соос огазе пӧлэстӥськизы. 13-тӥшуркынмонэ отысь сцена пӧртэм аръёсысь ужасьёссэ «Музыкальный калейдоскоп» шулдыръяськонэ люказ. Шӧдӥське, сцена вылын соос али ке но асьсэды зэмос кузёосын шӧдо. Быгатонлыкъёссы но аръёс ӵоже ыштэмын ӧвӧл на уга. Соин, вылды, учкисьёс, азьвыл сямен ик, котькудзэс шуныт кичабонъёсын пумитазы.

Кызь ар талэсь азьвыл Башкортостанын Калыкъёслэн эшъяськон юртсы кылдӥз. Со шаерамы улӥсь пӧртэм калыкъёсты огазея, герӟа, йӧскалык огазеяськонъёслы азинлыко ужъёс быдэсъяны юрттэ. Та дыре Калыкъёслэн эшъяськон юртазы 16 историко-культурной центръёс лыдъясько, 40-лэсь ятыр национально-культурной центръёс соин юн кусыпъёс возё. Арлы быдэ Башкортостанын, НКЦ-ослэн но ИКЦ-ослэн кичӧлтэмзы улсын, калык сям-йылолъёсты улӟытонлы, утёнлы, культураез азинтонлы сӥзем республика но калыккуспо ужрадъёс ортчыло. БР-ысь Калыкъёслэн эшъяськон юртазы кенешонъёс, конференциос, йӧскалык диаспораослэн представительёсынызы пумиськонъёс, творческой ӝытъёс радъясько.