Статьи

ГУРТ удысын тыршисьёсты инкуазь туэ уг шумпотты. Зоро нуналъёс пудо сиён дасянэз трослы ӝегато. Татышлы ёросысь «Агро-Танып» СПК-ын тыршисьёс озьы ке но дырзэс пайдаен ортчытыны тыршо. Туэ соос пудо сиён дасянзылэсь кӧня ке люкетсэ выль амалэн но быдэсто.

Удмурт Элькунын, бусы ужасьёсты данъяса, бадӟым шулдыръяськон ортчиз. Соослэсь шумпотонзэс люкыны Татарстанысь, Башкортостанысь, Марий Элысь, Киров улосвылысь, Пермь шаерысь делегациос вуизы. Озьы Можга ёрос одӥг нуналэ тямыс сюрслэсь трос куноосты пумитаз. Туэ «Гербер» татысь Малая Сюга гурт вӧзын ортчиз. Можгаос кунооссэс нимысьтыз дасям капка азьын пумитазы.

Татышлы ёросысь тросаз удмурт гуртъёсын инвожо толэзь кутсконын вӧсьёс ортчизы. Соос пӧлысь куд-огаз кунгож сьӧрысь но республикамылэн шоркарысьтыз куноос вуылӥзы. Вераны кулэ, туэ соос вӧсьёсын нырысьсэ ӧй вал. Тодосчиос кылем аръёсы но Балтач, Бурай, Янаул, Татышлы, Пермь шаерысь Куеда ёросысь удмуртъёслэсь Инмарлы вазиськемзэс учкизы ни. Нош туэ соос кыӵе муген вуэмын? Со пумысен Тарту университетысь научной сотрудникен, Парижысь шундыӝужан пал кылъёсъя но культураосъя институтын финно-угроведениез дышетӥсен Ева Тулузэн вераськиськом.

Татышлы ёросысь Бальзюгаысь Яков Камидуллин ужбергатон удысэ нырысетӥ вамышсэ 2002-тӥ арын лэсьтэм. Соку Яков Минказипович Выль Татышлы школаын физкультурая дышетӥсь луыса ужа вылэм.

Арлы быдэ ёросъёсын скал кыскисьёс но осеменаторъёс пӧлын ӵошатсконъёс радъясько. Отын вормисе потэмъёс республика конкурсын ёроссылэсь данзэ утё. Туэ устоос пӧлысь устооссэ скал кыскисьёсты Мелеуз ёросысь Салават нимо СПК-колхоз пумитаз. Ньыльдон кыкетӥ ползэ радъяськем республика конкурсын 53 адями кужымзэ мертаз. Соос пӧлын Татышлы ёросысь «Агро-Танып» СПК-ысь Наташа Байдиева (Петропавловка гурт), Калтасы ёросысь «Победа» ООО-ысь Надежда Минтимирова (Кургак гурт), Янаул ёросысь «Победа» ООО-ысь Ирина Идиятова (Можга гурт) но луизы.

Берло дыре гужем кырын, палаткаосын, шутэтскон паськытгес но паськытгес вӧлме. Котькин шаерысьтыз чебересь, тодмо луись интыоссэ усьтыны мылкыд каре. Республикаямы сыӵе интыос трос. Куд-огъёстӥз ӵошен «ортчоме».

Инмысь вуюись шоры учкыса ноку уд тыры. Чебересь буёлъёслэсь кылдэм выж кыӵе ке но аспӧртэм, выжыкылъёслы узыр шаере нуэ кадь, кытын быдэсмо вань малпанъёс. Вуюисен ик ӵошатыны луэ нылпиосты но. Соос шумпотто, бурдъяло, улыны кужым сёто, быгатонлыкъёсынызы паймыто. Пиналъёс шоры учкыса ӟечезлы осконмы будэ.

Чылкыт омырен шокан, чебер будосъёслы шумпотон понна, адямилы сюлмаськоно. Инкуазьлэн вуоноез – асьме киын.

Прокуратурой района по коллективному обращению работников одного из СПК района проведена проверка соблюдения трудового законодательства в части обеспечения оплаты труда.

Калтасы ёросысь Бадӟым Качак школа республикаысьтымы удмурт школаосысь пиналъёсты выльысь огинэ люказ. 21-тӥ куартолэзе татын 14-тӥ ползэ нылпиослэн гужем олимпи шудонзы ортчиз. Зэм, азьвыл аръёсын ӵошатыса, туэ отчы шӧдскымон ӧжытгес пиналъёс вуизы. Со нырысь ик герӟаськемын республикаысьтымы шор ёзо удмурт школаослэн лыдзы кулэсмемен. Но озьы ке но шӧдӥське: дышетскисьёс спортэн, тазалыко улонэн эшъясько. Черодысь олимпи шудон сое яркыт возьматӥз. Отчы кузёос сяна, Балтач ёросысь Асавка школаысь, Татышлы ёросысь Выль Татышлыысь но Улысь Балтачысь, Янаул ёросысь Вуж Варяшысь школаос пыриськизы. Туэ нылпиослы бызьылонын, кузьдалае тэтчанын, тупез лэзьянын но волейболын кужымзэс эскероно луиз.

2002-тӥ арысь 19-тӥ гудырикошконын Чечен Республикаын асьмелэн МИ-26 вертолётмы пазьгиськиз. Отын бырыны шедиз Татышлы ёросысь Улысь Балтачысь Ясон Миллиятов. Со дырысен татын арлы быдэ дано улосчизэс буре вайыса, пӧртэм ужрадъёс ортчытъяло. Кылем арын Улысь Балтачын нырысьсэ военно-прикладной многоборьея ӵошатскон ортчиз. Туэ но отчы 10-лэсь трос командаос шумпотыса вуизы.

Гурт хозяйствоос бусы ужъёсты быдэстон бордын кужмысь тыршо

Бурай ёросысь Байша¬ды гуртын улӥсь Сеткай но Гильниахмет Нурисламовъ¬ёс зарни сюанзэс пусйизы. Витьтон ар ӵошен улэменызы ӟечкыласа, Тепляки гурт по¬селенилэн администрациез кузпалъёсты синпель кузьы¬мен пусйиз, республикамылэн Тӧроезлэсь Р. З. Хамитовлэсь ӟечкылан гожтэтсэ сётӥз.

ПЕРМЬ шаерысь Куеда ёросысь Бадӟым Гондыр гурт поселениын спор¬тэз азинтонлы бадӟым саклык висъяське. Ёросын но шаерын ортчись ӵошатсконъёсысь пичиосты но, бадӟымъёсты но, арлыдоосты но пумитаны луэ. Вормон Нуналлы сӥзем капчи атлетикая ёрос эстафетаысь но гондыръёс вормонъёсын берытскизы. Дас адямилэсь сылӥсь 22 командаос пӧлын ӟырдыт нюръяськон пуромиз.

Сизьымдон кык ар ортчемын Быдӟым Атыкай ожын ыбылэм, пуш¬тэм куара чалмем дырысен. Кемалась бурмизы ни музъемлэн «яраосыз», сяськаяло возьёс, ю тулкымъёсын веттасько бусыос. Сюлмысь яраос гинэ ялан уг бурмо. Вормон Нуналэ котькин со кышкыт аръёсы берытске, бам кузя васько пӧсь синвуос. Ыш¬тонъёс, куректонъёс зӥбо сюлэмез.

1. Олимпи шудонъёслэн ужпумъёсыз: нылпиос пӧлын тазалыко улонэз вӧлмытон; капчи атлетикаез но волейболэз азинтон; пӧртэм ёросъёсысь удмурт пиналъёс пӧлын эшлыко кусыпъёсты юнматон; пиналъёс пӧлысь усто спортсменъёсты шедьтон но кужмоесь командаосты шараян.

Хализа Исламовна но Гарифулла Гарифанович Гарифановъёс ог-огзылы матысь гуртъёсын - Улысь Балтачын но Дубовкаын - вордӥськизы. Школаын дышетскыкузы егитъёс люконтэм эшъёс луизы. Нош быдэ вуыса, 1965-тӥ арын, кузпалъяськизы.

Кема ӧвӧл ёросамы воспитательёс пӧлын альбом тупатонъя конкурс ялэмын вал. Номинациосты бырйыны луонлык но луиз. Ачим удмурт бере, «Народные традиции удмуртов» альбом дасяны малпам.

Калтасы ёросысь Бадӟым Туганеево гуртысь «Марӟан» фольклор ансамбль 2014-тӥ арын мыло-кыдо ужаны кутскиз. Сое выльысь «улӟытон» но люкан бордын трос ужаз гуртысь клубен кивалтӥсь Лилияна Шарафутдинова. Со дырысен ни нылкышно ансамбль культура удысын ассэ рос-прос возьматэ.

Пунктом 2 статьи 10 Федерального закона от 27.05.1998 № 76-ФЗ «О статусе военнослужащих» (далее – Федеральный закон) военнослужащим гарантируется получение дополнительного профессионального образования с учетом интересов военной службы и их собственного выбора.