icon_gotop
18+
autorisation
Войти | Регистрация
Время в Татышле
09:55
Пятница, 29 Марта
Рекламный баннер 990x90px top

Атаезлэсь сюрессэ пиез азинтэ

14:56 25.05.2017

Вуоно солдатъёс, шаермес утисьёс азьын вераськизы Татышлы  но Балтач ёросъёслэн военкомзы А. К. Арсланов, Россиысь ДОСААФ-лэн интыысь ёзэтэныз кивалтӥсь М. С. Самигулов, Улысь Балтач гурт поселенилэн администрациеныз кивалтӥсь Э. Б. Рахимзянов, удмуртъёслэн историяя но культурая центренызы кивалтӥсь И. М. Самигулова, Ясон Миллиятовлэн Людмила кузпалыз. Та нуналэ ужрадэ Ясон Гильмановичлэн анаез но лыктэмын вал. «Ясон гуртэ котьку огшоры дӥськутэн бертылӥз, - тодаз вайыса вераз Эдуард Бурханович Рахимзянов. – Полковникозь ке вуи, формаен берытско шуиз». Но кылдымтэ вылэм, лэся, солы анаез, ӵыжы-выжыосыз  доры солдат дӥськутэн бертыны…

Табере шаермес дано утисьлэсь сюрессэ азинтэ бадӟымез пиез. Со сярысь вераз частьлэн командирезлэн  воштӥсез Д. Г. Благодатских. «Ми дорын службазэ ортче Ясон Гильмановичлэн пиез. Со – капитан. Атаезлэсь кутскем ужзэ оскымон быдэстэ».

Та нуналэ вуоно солдатъёслэсь кужымзэс, быгатонзэс эскерон вылысь, пӧртэм ӵошатсконъёс дасяллям. Кылсярысь, соослы нырысь пыӵалэз сэрттонын но люканын,  ыбылӥськонын кужымзэс возьматоно луиз. Нош собере пиосты возьмазы препятствиосын полосаез ортчон, турникын ӝуткаськон, гиря ӝуткан. Вуоно солдатъёс котькудзэ конкурсэз капчиен ортчизы. Озьы ке но та нуналэ юнгес удалтӥз кузёослы – Улысь Балтачысь командалы. Соослэн командаысьтызы Никита Ардуановлы ДОСААФ-ын 20 процентлы ӧжытгес коньдон тырыса дышетскыны сертификат сётэмын.

Черодысь ӵошатскон возьматӥз: асьмелэн шаермы оскымон киосын. Нош со понна улонзэс сётэм солдатъёс котьку сюлмамы улозы.   

Ольга НИГАМАТУЛЛИНА.

Татышлы ёрос.

7529

Оставить сообщение: