icon_gotop
18+
autorisation
Войти | Регистрация
Время в Татышле
11:57
Пятница, 29 Марта
Рекламный баннер 990x90px top

Медаз кисьтӥськы калыклэн курыт синвуэз

10:29 18.05.2017

Быдӟым Атыкай ож трос адями­лэсь улонзэ чигиз. Нош кӧня егит пиос быризы афган, чечен ожъёсын? Милям гуртамы но вуиз сыӵе кай­гу-ыштон. Чечняын бырыны шедиз гуртомы Эдуард Минниахметов. Туэ 9-тӥкуартолэзе Асавкаын солы мемориальной пул усьтӥзы, Совето Союзлэн Героез Ульмас Шакировлэн бюстэз вӧзы. Ужрадэ трос калык люкаськиз.

Митингез усьтыса вераськизы гуртысь библиотекарь Гульфиза Садриева, Балтач ёрос админи­страциен кивалтӥсьлэн воштӥсез Фирдавис Рахимов, Тошкурово гурт поселенилэн администрациеныз кивалтӥсь Булат Аглямов. Озьы ик шуныт кылъёс вераз подполковник Владислав Шакиров. Солэн тыршеме­ныз ик Эдуардлы мемориальной пул усьтӥськиз. Со сяна, кыл сётӥзы Аф­ганистанын луэм Лев Зиянгировлы но Эдуардлэн матысьёсызлы.

Митинг шулдыр концертэн йыл­пумъяськиз, школаын дышетскисьёс но нылпи садэ ветлӥсь пиналъёс кырӟанъёс, эктонъёс но кылбуръёс дасяллям. Асавкаос ноку уз вунэтэ дано гуртооссэс. Азьпалан медаз луэ ни сыӵе ыштонъёс, куректонъёс, медаз кисьтӥськы калыклэн курыт синкылиез. Котьку мед чирдозы ча­гыр инмын тюрагайёс!

Луиза МИНИАХМЕТОВА.

Балтач ёросысь Асавка гурт.

5326

Оставить сообщение: