Общество

Удмурт калык пӧртэм интыосын улэ, куд-ог адямиосты улон сюресэз кыдёкысь шаеръёсы, гуртъёсы но городъёсы вуттэ. Свердловск улосвылын огъя дас тямыс сюрслы матэ удмуртъёс уло. Дор палъёсысьтызы пӧртэм мугъёсын кошкыса, соос ас улонзэс азьланьто, пӧртэм удысъёсын ужало. Мукет калыкъёс пӧлын улыса ас кылзэс яратон но гажан мылкыдзы уг быры, лул-сюлэмзэс шунтыны юрттэ. 13-14-тӥ толсур толэзе Свердловск улосвылысь «Урал кенеш» огазеяськонлэн кичӧлтэмезъя, Каменск ёросысь Мартюш посёлокын но Дегтярск городысь библиотекаосын удмурт калыклэн культураезлы сӥзем сэрегъёс усьтӥськизы. Та ужрадъёсы газетмылэн редакциез но ӧтемын вал. Удмурт сэрегъёсты усьтонын «Ошмес» газетмылы гожтӥськон радъяськиз. Газетмы та сэрегъёсын бадӟым куно луиз.

Куатетӥ толсуре Башкортостан Республикалэн Президентэз Рустэм Хамитов Янаул, Краснокама ёросъёсы вуылӥз. Президент лек сильтӧл ортчем бере тупатӥськон ужъёслэн быдэстӥськеменызы тодматскиз, производственной но сельскохозяйственной предприятиосы, социальной объектъёсы кожылӥз.

Калтасы ёросысь Качкин-Турай гуртын улӥсь Назия но Салимзян Шайматовъёслэн юртазы вуыку нырысь ик укно дурысь чебересь сяськаос син шоры йӧтӥзы. Арлыдзы вань ке но, Назия апаен Салимзян агай, шӧдске, доразы ужтэк пукыны уг чидало. Кузёосты юрт пушкысьтызы шедьтытэк азбаре потӥ, татысен монэ Юра внуксы пумитаз.

Шуркынмон толэзьлэн берпуметӥ нуналаз Пермь шаерысь Куеда ёросысь Бадӟым Гондыр гуртын «Тол вӧсь» ортчиз. Та праздник христианстволэсь азьвыл возиськем сямен лыдъяське. Удмуртъёслэн йылолзыя, та нуналэ вӧсясьёс Инмарлы сётэм ю тысез, узыр бакча сиёнэз понна тау каро, кезьыт толэз капчиен вормыны кужым куро, ужрадэ вуэмъёсты ческыт ӝукен кунояло. «Пермь шаерысь удмуртъёс туннэ нуналэ уникальной этнической обществоен лыдъясько. Соос быгатыса утиллям, али но тыршыса утё асьсэлэсь сям-йылолъёссэс», - гожтэ этнограф, истори наукаосъя доктор Александр Черных.

«Бадӟым семьяос шоры мон котьку вожъяськыса учкылӥ. Соос гуртысь ужъёсты ӵошен ӝог лэсьтыны быгато, дэмен улыны туж шулдыр шуыса малпалляй. Ачим пичи семьяын будӥ, кык нылпиос гинэ луимы, агае мынэсьтым трослы бадӟым вал», – вера Янаул ёросысь Выль Варяш гуртын улӥсь Галина Насибуллина. Кема ӧвӧл вить нылпиослэсь анайзэс «Анаймурт дан» медален пусйизы.

Ньыльдон куинь ар ӵоже со лул-сюлэмзэ, яратонзэ, тодон-валанзэ пиналъёслы кузьмам, куинь поколениосты дышетэм. Нылпиосын артэ ортчем дышетӥсьлэн – Бадрислам Садритдинович Садритдиновлэн – уж сюресэз. Кӧня кужым, чиданлык-са¬бырлык кулэ луиз меда солы нылпиослы ӟеч тодон-валан сётон понна?! Тазэ дышетӥсь ачиз гинэ тодэ, луоз. Бадрислам Садритдинович – гажано адями, сое гуртаз гинэ ӧвӧл, ёросын но, палэнысь бускель гуртъёсын но тодо. Зэмос дышетӥсьлэн нимыз ӵош ужам эшъёсызлэн, дышетэм пиналъёсызлэн ӟеч тодэ-ваёнъёсазы возиське.

Кылем арняын Татышлы ёросысь Выль Татышлы культура юртын «Ошмес» газетлы 15 ар тырмонлы сӥзем ӝыт радъяськиз.

Гажано удмуртъёс!

Татышлы ёросысь Улысь Балтач гуртын улӥсь Ожысь ветеран, данъяськымон улон сюресэз ортчем адями Фархулла Гильманшинович Саяфаров кема ӧвӧл 90 арес тырмон юбилейзэ пусйиз. Гажано адямиез ӟечкыланы Татышлы ёросысь ветеранъёслэн кенешенызы кивалтӥсь А. Магзумов, «Рассвет» СПК-лэн кивалтӥсез А. Минлебаев, Кайпан лесничествоысь участковой лесничий А. Давлетбаев, Улысь Балтач гурт поселениен кивалтӥсь Э. Рахимзянов но Улысь Балтач гурт поселениысь ветеранъёслэн кенешенызы кивалтӥсь Ф. Гарифанов лыктӥзы. Юбилярлы соос синпель кузьымъёс сётӥзы, шуныт ӟечкылан кылъёссэс веразы.

В Нефтекамске сотрудники наркоконтроля в ходе оперативно-розыскных мероприятий задержали местного жителя, у которого в ходе личного досмотра обнаружено и изъято порядка 20 разовых доз синтетического наркотика PVP и психоактивное вещество, имеющее формулу MDMB (N)BZ-F, не внесенное в перечень подконтрольных средств.

Гурт удысын арлэн котькыӵе вакытаз но сюлмаськонъёс трос луо. Сӥзьылэн-тулысэн гырон кизён ужъёсты радъяно, гужем пудо сиён дасяно, толалтэ луэм пудоосты утялтоно, сюдоно-вордоно. Калтасы ёросысь «Восход» СПК ӟеч возиськись хозяйствоос пӧлын лыдъяське. Хозяйстволэн азинсконъёсыз нырысь ик ужасьёслэн тыршемзы бордын луэ.

«…Нош нылпи садлэн юртэз вужмемын, выльдыны кулэ шуыса кышномуртъёслэн синъёссы гинэ верало. 1982-тӥ арын ӝутэм юртлы зэмзэ но воштӥсь кулэ…» – тазьы гожтэ Венера Тимиршина Татышлы ёросысь Выль Татышлы нылпи сад сярысь «Ошмес» газетлэн 2012-тӥ арысь 26-тӥ толшоре потэм «Пичи дырысь шудо дунне» статьяяз.

Быдӟым Атыкай ож аръёс пыр потэмъёслэн лыдзы арысь аре кулэсме. Ож кутскыку, Калтасы ёросысь Бадӟым Качакысь Дания Байтимировна Тимиршиналы дас арес но вылымтэ. Атайзэ ожмаськонэ келямзэ, секыт аръёсы улэмзэ песянай курыт тодэ ваёнъёсаз возе. Со аръёс сярысь мадьыкуз солэн синвуосыз ик быльырско.

Огъя куара сётон нуналэ Башкортостанын 22 быръён кампаниос ужазы. Соос пӧлысь валтӥсез луиз республикалы Президент быръён. Та нуналэ шаерын 3453 быръён участокъёс лыдъяськизы.

Арлы быдэ Свердловск улосвылын пӧртэм калыкъёслэн «День народов Среднего Урала» праздниксы ортче. Туэ но Екатеринбургысь Центральной парке та муген ик трос калыкъёс люкаськизы.

29-тӥ гудырикошконэ ӝытазе 9 часэ абзи жингыртӥз. Кониговоын, пе, ураган ортчиз, берты анайлы юрттыны. Уйин мон ӧй изьы. Бурдъёсы ке луысалзы, соку ик будэм гуртам вуысал. Пермь шаерысь Куеда ёросысь Гожон гуртысь (отын улӥсько) ӵукна 8 часын потӥм. Янаулэ вуыса, «Восточный» микрорайонэтӥ ортчыкумы, сюрес вылысь трос машинаослы пайми. Берлогес валай: татын но инкуазь бугыръяськем.

Башкортостанысь тросэз калык гурт интыын улэ. Соин, вылды, соос нянь будэтонлэсь, йӧл дасянлэсь дунзэ ӟеч тодо. Дышемын уга асьмеос гид тыр пудо вордыны. Со сяна, республикаысьтымы тросэз гурт хозяйствоос но йӧл-сӥль вылын возисько. Озьы Башкортостан, Россиысь мукет регионъёсын ӵошатыса, сюро пудоослэн лыдзы ласянь трослы азьпала вамыштэ. Нош йӧл дасянын республикамы кыкетӥ интыын луэ. Татын арлы быдэ 1,7 миллион тонна йӧл кыско. Чылкак соин ик, оло, шоркарамы ньылетӥползэ ни «Молочная страна» фестиваль ортче.

ТВЕРЬ улосвылысь Селигер ты вӧзын арлы быдэ егитъёс «Селигер» форуме люкасько. Туэ со 10- тӥползэ радъяськиз. Отчы Россиысь 85 регионъёсысь но дуннеысь 147 шаеръёсысь 20 сюрс егитъёс пыриськизы. Нош 2009-тӥ арын та лыдпус куинь сюрслы гинэ ӵошаз вал. Таяз арын форум 25 пӧртэм сменаослэсь сылӥз. Берпуметӥез 29-тӥгудырикошконэ йылпумъяськиз. Вылысь Татышлыысь Александр Набиоков¬лэн (туспуктэм вылын паллянысен нырысетӥез) но гужем каникулъёс сярысь тодэ ваёнъёсызлэн одӥгез люкетэз но «Селигерен» герӟаськемын луоз. Отчы со пӧсьтолэзе вуылӥз.

1909-тӥ арын Максим Прокопьев, Удмурт автономиез кылдытӥсьёс пӧлысь одӥгез тодмо адями, кыдёкысь Канлы гуртэ вуэ но отын школа усьтэ. Начальной школа бӧрысь - сизьым классъем, берлогес тямыс классъем луиз. Та вакытэ нокыӵе школазы ӧвӧл ни, со пытсаськиз.

9-19-тӥгудырикошконэ Удмурт Элькунысь «Ёлочка» лагерьын быгатӥсь нылпиос понна «Шундыкар-2014» смена радъяськиз. Сое усьтыны кыл сетӥськиз лагерьлэн тӧроезлы Ольга Алексеевна Трониналы: «Ӟечбуресь, пиналъёс, вожатойёс, ӧнерчиос но ӧтем куноос. Тани, 22-тӥарзэ ини «Шундыкар» ӧсъёссэ усьтӥз. Озьыен, тӥ, нылпиос, солэсь историзэ лэсьтӥськоды».