архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Ужзы котьку «пӧзе»

      2014.10.02 1001 0
      Ужзы котьку «пӧзе»

      Гурт удысын арлэн котькыӵе вакытаз но сюлмаськонъёс трос луо. Сӥзьылэн-тулысэн гырон кизён ужъёсты радъяно, гужем пудо сиён дасяно, толалтэ луэм пудоосты утялтоно, сюдоно-вордоно. Калтасы ёросысь «Восход» СПК ӟеч возиськись хозяйствоос пӧлын лыдъяське. Хозяйстволэн азинсконъёсыз нырысь ик ужасьёслэн тыршемзы бордын луэ.

      Скал кыскисьёс Ирина Абсаликова, Раиса Менлику­зина, Рита Иванова, Расима Камалитдинова (туспуктэм вылын паллянысен буре) та хозяйствоын куинь арлэсь кема ужало ни. Бадӟым Кача­кын, Качкин-Турайын улӥсь кышномуртъёс Вуж Турай фермае ветлыса ужало. Азьло аръёсы но кышномуртъёс до­яркаын ужаллям.

      - Азьвыл ми Бадӟым Ка­чак фермаын ужаськом вал. Огдыре хозяйствоямы уж­дун ласянь секыт югдур кылдӥз. Коньдонтэк улыны луэ шат? Озьыен ми «Вос­ходэ» шедимы. Татын уждун тырон ласянь секытлыкъёс уг пумисько. Туннэ нуналэ Бадӟым Качак фермаын ужа­сьёс но уждунэз дыраз басьто ни. Уждурамы ми пыдын ум ветлӥське, милемыз машина­ен нулло, соин уж интымес во­штон сярысь малпаськеммы ӧвӧл. Ми одӥг сюлмаськонэн улӥськом: тросгес йӧл кы­скыса, табыш поттоно, - пусъё скал кыскисьёс. Али дыре соос суткаяз 500 килограмм­лэсь ятыр йӧл кыско.

      Котькуд ужлэн аслаз се­кытлыкъёсыз. Скал кыски­сьёс, кылсярысь, уждура­зы дыраз вуон понна, ӵукна ньыль часын султоно луо. Соослэн ужзы ӵукна куатьы­сен кутске. Ӝытазе соос вить часысен дасозь скалъёссы котырын бергало. Уго коть­куд уж но тыршемез кулэ каре, сотэк ужлэсь ӟечлыксэ уд возьматы, вормонъёс но уд басьты.

      Миляуша БУЛАТОВА.

      Калтасы ёрос.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить