Общество

Янаул ёросысь Сандугач гуртысь анай-атайёс но пичи пиналъёс понна кема возьмам нунал вуиз: тулыспал толэзьлэн кутсконаз гуртазы нылпи сад усьтӥзы.

Тулыспал толэзьлэн берпуметӥ нуналъёсаз республикаысь 58 нылкышноосты «Анаймурт дан» медален пусйизы. Соосты ӟечкылаз Башкортостанысь Правительстволэн Премьер-министрезлэн воштӥсез Лилия Гумерова. Со дано анаймуртъёслы БР-лэн Президентэзлэсь Р. З. Хамитовлэсь ӟечкылан кылъёссэ но вуттӥз. Та нуналэ Калтасы ёросысь вить анаймуртъёслы медаль бырттӥзы. Соос пӧлын луиз Туганеевоысь вить нылпиослэн анайзы Венера Галимьяновна Зайнетдинова.

2013-тӥарын, кызьы тодмо, ЕГЭ-лэсь куронъёссэ тӥянъёс трос шараяськизы. Экзаменлэсь азьвыл ик заданиос интернет вотэсъёсын печатласькылӥзы. - Кылем арын ЕГЭ-ын кылдэм югдур туэ луыны кулэ ӧвӧл, - пусйиз Рособ-рнадзорен кивалтӥсь Сергей Кравцов. – Экзаменационной кампанилэн йылпумъянъёсызъя, 1500 адями кыл кутоно луиз, вить учырын законэз тӥясьёслы пумит уголовной приговор поттэмын. 2014-тӥарын ЕГЭ-ын кыӵе воштӥськонъёс пумиськозы?

Екатерина Шайсламова Улысь Балтач школаын 7-тӥ классысен дышетске. Катялэн верамезъя, та юрт солы туж дуно потэ. «Татын дышетскемъя дышетскем потэ. Дышетӥсьёс но устоесь, котькудзы нылпиослы ӟеч тодон-валан сётон сярысь сюлмасько. Дышетсконме йылпумъяса палэнэ кошки ке но, мон татчы ӵем вуыло. Мӧзмо дышетӥсьёсылэсь, тодмо борддоръёслэсь но классъёслэсь. Кык ар куспын мон татын трос выльзэ тодӥ, школа дуннеын ортчись пӧртэм ужрадъёсы пыриськыса, пыдлон «улӥсь-кӧлӥсь» быгатонлыкъёсме сайкатӥ», - шуэ нылаш.

Вӧй келян – дауръёс ӵоже возиськем йылол. Сое Выль ар бере 7 - 8 арня ортчыса пусъё, тулыспаллэн пумаз – южтолэзьлэн кутсконаз. Азьло та йылоллы бадӟым саклык висъяло вылэм. Шулдыръяськонъёс покчиарня нуналэ кутскылӥллям. Ӵукна ик нянь, табань, мильым пыжылӥллям. Юмшанлэн тужгес шулдыр нуналэз тупа вылэм арнянуналэ. Толэз келяса, пичиос, егитъёс кырӟаса валъёсын ворттылӥллям. Валъёссэс пужыятэм ӵушконъёсын, гырлыосын чеберъяллям. Шулдыръяськонэз арлыдоос тулыс вуонэн герӟало вылэм. Туэ вӧй келян 2-тӥ южтолэзе тупаз.Cое пӧртэм интыосын, кылсярысь, Бурай ёросысь Алтауын, Екатеринбургын улӥсь удмуртъёс но пусйизы.

Янаул ёрос библиотекаын Ижевскысь «Кизили» журналлэн редактореныз, УР-ысь культура удысысь дано ужасен Ульфат Бадретдиновен но журналлэн кыл кутӥсь секретареныз, кылбурчиен Люза Бадретдиноваен пумиськонъёс радъяськизы. Сое библиотекалэн удмурт секторез но ёросысь удмурт огазеяськон радъязы.

Янаул ёросысь Сандугач гуртын улӥсьёс асьсэлэн йӧл поттон цехенызы ушъяськыны быгато шуыса трос пол кылэммы вань вал. Йӧл поттон цехлэн уженыз тодматскон вылысь, одӥгаз нуналэ ми «АгроМ» хозяйствое вуылӥмы.

Шаермес утисьёс калык пӧлын котьку данын. Соин арлы быдэ 23-тӥ тулыспалэ Улысь Балтач культура юртэ трос куноос лыкто. Жаляса верано, арысь аре Быдӟым Атыкай ожысь ветеранъёслэн лыдзы кулэсме. Табере соосты вошто Афганистан но Чечен ожъёс пыр потэм ветеранъёс, Абхазиын, Таджикистанын, Владикавказын службазэс нуэм солдатъёс. Милям гурт поселениямы но соослэн лыдзы ӧжыт ӧвӧл.

Шаугетӥсь но ӵашетӥсь нюлэсъёс, жильырась но пӧзись ошмесъёс, муресь но пыдэстэм нюкъёс, ӵошкытэсь но вӧлмытэсь возьёс, лудъёс, син сузёнтэм паськыт бусыос, пичиесь но бадӟымесь шуръёс – котьмаин узыр башкир музъеммы. Тыршись, гажамон, дано адямиос но шаерамы лыдтэм-чоттэм. Соос пӧлысь одӥгез – Ренат Биктимирович Галямшин. 28-тӥ тулыспалэ удмуртъёслэн данъяськымон адямизы 65 арес тырмон юбилейзэ пусъёз.

Татышлы ёросысь Утар-Елга гуртысь Зинаида но Вадим Ивановъёс бадӟым пизылэсь, Сергейлэсь, азьланяз кин луонзэ пичи дырысеныз ик тодыса улӥзы. Со котьку военной луон сярысь малпаське вылэм. Школаын дышетскыкуз уж быръён сярысь сочинениоссэ эскероно ке, Сергейлэн соос огвыллемесь: котькудаз военной луон мылкыдыз шараяське.

Башкортостанын, берпуметӥ лыдъян-чотанлэн лыдпусъёсызъя, 4072,2 сюрс адями улэ. Соос пӧлысь тросэз ог-огзылэсь лулчеберетсыя, сям-йылолъёссыя, вордскем кылзыя висъясько. Уго республикамы калыкез ласянь Россиысь тужгес узыр регионэн лыдъяське. Татын, кылсярысь, 121 пӧртэм кылъёсты пумитаны луэ. Зэм, калыкез лыдъян-чотанын 97,6 сюрс адями анай кылзэ пусйыны пумит луиз. Соин та лыдпусъёс ласянь республикамы, оло, узыргес но луыны быгатысал.

Янаул ёросысь Вуж Варяш школаысь 10-тӥ классын дышетскись Валерия Милитдинова пӧртэм ласянь усто луэ.

Нефтекамск городын улӥсь Венера Сайфутдиновна Михайлова сярысь тросэз ӟеч кылъёсын гинэ верало. Чильпаськыны, керттӥськыны, вуриськыны яратӥсь кышномуртлэн киосыз котьку пӧртэм ужъёсын выро. Сергей кузпалыз но ачиз кадь ик усто. Со сярысь Венера Сайфутдиновна ушъяса гинэ вера:

Калтасы ёросысь Покчи Качак гуртысь Людмила Меншатова улонзэ эмъюрттэт возьматон удысэн герӟам. Бирскысь медколледжез йылпумъям дырысеныз со Качкин-Турайысь фельдшер пунктын тырше. - Гуртын 268 адями улэ, со пӧлысь ньылез – нуныос. Висьыны усё ке, соос нырысь мыным вазисько. Тазалыксылы тросгес арлыдоос ӝожтӥсько. Нуныосын семьяос доры ачим ӵемысь вуылӥсько, - вера Людмила Шарипзяновна.

Тол каникул нуналъёсы пиналъёс понна тужгес шулдыр вакыт вуэ. Выль арез матысьёсынызы ӵошен пумитаны дыртыса, дор палъёсазы студентъёс но берто. Татышлы ёросысь Вылысь Татышлыын улӥсь Айвар Сафин но вордскем палъёсаз шумпотыса бертӥз. Дораз нуись сюрес сярысь Айварлы ӝыны арлы матэ малпаськоно луиз. Оло, нош солэн мӧзмыны дырыз но ӧз луы, дыр, малы ке шуоно Айвар туэ Санкт-Петербургысь военно-морской академие дышетскыны пыриз. Вуонояз со офицер луыны малпа. Мон Айварлы кӧня ке юанъёсын вазиськи.

Янаул ёросысь Вуж Варяш гуртын улӥсь Владимир Галиханович Галиманов ужан сюрессэ пиналъёслы тодон-валан сётонэн герӟам. Владимир Галихановичен пумиськыку, школаын дышетскон аръёсы тодам лыктӥзы. Визьмо учкись синъёсаз, ӝот-ӝот вамышъёсаз дышетоно пиналъёсыз азе чурыт куронъёс пуктыны быгатэмез шӧдӥське. Со кадь дышетӥсьёсты пӧяны уд дӥсьты, куронъёссэ одно ик быдэстыны тыршод, азяз янгышаны возьыт луоз, нош ушъяса верам кылъёсыз котьмалэсь дуно потозы. Владимир Галиханович физкультурая, трудъя но НВП-я урокъёсты дышетэм. Быдэсак тусбуяз, выросъёсаз военной адямиослэн «шӧмзы» пыӵамын.

Ой, акыльтӥзы ук шутэтскон нуналъёс. Вож кыз, Выль ар пумитан ӝыт, пумтэм-йылтэм шулдыръяськонъёс. Кожалод, вань дунне кыӵе ке выжыкылэ йыромем. Шутэтскон но шутэтскон. Изь, кӧня иземед потэ, кунояськы - кӧня мылкыдыд куре.

Россия Федерацилэн Президентэз Владимир Путин Федерал Собрание азе Вазиськонэн потӥз. Шаермылэн азьмуртэз отын пӧртэм удысъёсын герӟаськем ужпумъёсты ӝутӥз.

Туала вошъяськись уло¬намы гурт удысын тыршисьёслэн ужзы туж кулэ но данъямон луэ. Гурт хозяйствоын ужасьёслэн тыршеменызы ӝӧк вылэ пӧртэм сиён-юонъёс вуо. Бадӟым городъёсын но гуртъёсын улӥсьёс понна нянь тужгес дуно сиён луэ.

7-тӥ толсуре Башкорто¬стан Республикалэн Президентэз Рустэм Хамитов Татышлы но Балтач ёросъёсы вуылӥз. Со татысь вуз поттонлэн но социальной удыслэн азинскеменызы тод¬матскиз.