архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Гурезьын

      2014.01.16 1030 0
      Гурезьын

      Ой, акыльтӥзы ук шутэтскон нуналъёс. Вож кыз, Выль ар пумитан ӝыт, пумтэм-йылтэм шулдыръяськонъёс. Кожалод, вань дунне кыӵе ке выжыкылэ йыромем. Шутэтскон но шутэтскон. Изь, кӧня иземед потэ, кунояськы - кӧня мылкыдыд куре.

      Учкисько ураме. Отын чалмыт, ветлӥсез ик ӧвӧл. Кытчы адямиос пыриллям меда? Выльысь учкисько, малпаськисько. Ма, кызьы, пе, уд малпаськы, уд паймы, урамын чус-чус бере. Выль арез пумитаса шулдыръяськем калык быдэс арлы умме усем, оло? Нош пиналъёс? Кытын соос? Малы нылпиослэн шулдыр куараоссы уг кылисько?
      Соос компьютер сьӧрын, контактын. Интернет дунне ваньзэс «ньылӥз», ас вотэсаз биниз уга. Малпаськыса ветлонъям, ӧсамы йыгаськись луиз:
      - Тук...тук...тук...
      - Кин меда со?- ӧс шоры паймыса учкисько. Тани ӧс вӧлак усьтӥськиз но… нырулӥсь коркамы сайказ!
      - Выль арен! Выль шудэн! - чузъяськизы эшъёсмылэн жингрес куараоссы. - Ойдолэ гурезе нискыланы!
      - Кыӵе гурезь, пе, луоз на 21-тӥ даурын? - шоразы паймыса учкисько.
      - Табере гурезьёс, салазкиос, куасэн нискыланъёс вунэмын, со азьвыл даурлэн пытьыез. Туннэ контакт, одноклассники, интернет ваньзэ воштэ, - вераны дыртӥсько вал но, ӧй ик шӧды, азбарысь лымы вылэ бух! лоби. Лымыысь потыса сузяськытозям, эшъёсы гурезь бамалэ тубись сюрес кузя бызё вал ини. Ми но сьӧразы дыртӥмы.
      - Ух! Ах! Чир! – куараосмы котыре чузъясько. Ыркыт пельтӥсь тӧл бамъёсмес гордэктытэ. Тани гурезь уллань «лобиськом». Выльысь выллане бызьыса тубиськом.
      - Ух! Умой! Пичи дыръя кадь! – кылӥсько эшъёсылэн куараоссы. Гурезь вылын кема нискыламы. Нош бертыку, нылпиосмылэн шудо синъёссы шуизы кадь:
      - Кыӵе умой анаен-атаен ӵошен шулдыръяськыны!
      Зэм, бадӟымъёслы но сокем трос кулэ ӧвӧл, пичи дыре вуылыса, нылпи кадь шудо луон понна, гурезь но тырме вылэм.
      Ирина САМИГУЛОВА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить