Статьи

Выль Татышлы гуртын ог-огзэс валаса но тупаса улӥсь семьяос трос. Соос нылпиоссэс яратыса будэто но пыд йылазы султыны юртто.

Россия Федерацилэн Президентэз Владимир Путин 2012-тӥ арын Рустэм Хамитовлэн Уфаын ШОС но БРИКС саммитъёсты ортчытон сярысь малпанэзлы дурбасьтӥз.

Бурай ёросысь Мамады гурт. Со пӧртэм аръёсы «Октябрь», «Рассвет», «Дэмен» гурт хозяйствоосын лыдъяськиз. Туннэ нуналэ хозяйство, Нефтекамскысь «Агрохолдинг» ООО кивалтэм улсын, «Дэмен» ООО-лы пӧрмиз. Берло аръёсы хозяйствоын коньдон ласянь шугъяськонъёс кылдэмын вал, калык уждунтэк пукылӥз. Мамадыослэн кылъёссыя, нырысетӥ оштолэзьысен гуртын улон воштӥськем.

Шулдыр, шундыё нунал. Калтасы музъемлэн одӥгаз нюлэсэн котыртэм, узыё, сяськаё возь вылаз регионъёс куспысь «Чакара» фольклор фестиваль ортчиз. Бадӟым ужрад Башкортостанысь, Татарстанысь, Удмурт Элькунысь, Марий Элысь, Пермь шаерысь, Томск, Тюмень, Свердловск но Киров улосвылъёсысь, Санкт-Петербургысь но Москваысь удмурт коллективъёсты, кырӟасьёсты но куноосты пумитаз. Фестиваль Ижевскысь камсьӧр удмуртъёслэн огазеяськонзылэн кичӧлтэмез улсын туэ куатетӥ ползэ ортчиз. Вераны кулэ, фестиваль юнме шорысь Бадӟым Качакын ӧз радъяськы, та гуртлэсь кыдёкын ик ӧвӧл Чакара гурезь интыяськемын.

Янаул ёросысь Вуж Варяш гуртын Элен вӧсь куинетӥ ползэ ни радъяськиз. Таяз арын со 28-тӥ инвожо толэзе тупаз. Та нуналэ куазь пӧсь, ӝокыт ке но улӥз, Бадӟым вӧсе калык трос люкаськиз. Отчы республикаысьтымы удмуртъёс сяна, Свердловск, Тюмень улосвылъёсысь, Пермь шаерысь но Удмурт Элькунысь вӧсез сӥлы карисьёс вуизы.

Татышлы ёросысь Бальзюга гуртын вордӥськем но Выль Татышлыын улӥсь Лидия Шаритдинова пичиысен киужъёслы дышыса будӥз. Уго Шарифа апай, Лидия апайлэн анаез, аслэсьтыз быгатонлыкъёссэ нылызлы но пыӵатыны тыршиз. «Пинал дырысен куиськисько ни.

Республика Башкортостан – поступательно развивающийся регион Российской Федерации с диверсифицированной экономикой и стабильными социальными отношениями. Но и здесь готовятся к кризису. Особое значение для того, чтобы не допустить снижения уровня жизни людей, регресса в промышленном и сельскохозяйственном производстве, приобретает эффективность работы государственной и муниципальной службы. Именно это и стало темой интервью Главы Республики Башкортостан Рустэма Закиевича Хамитова, которое он дал журналу «Государственная служба».

Бусыос гыремын, киземын, бакча ужъёс но йылпумъямын. Гурт калык огвакытлы капчиен шокчыны быгатоз. Озьы ке но асьме калыкмы тыршыны улос котырысьтыз котьку маке шедьтоз, нош ужъёсын гинэ сюлэм тыр уг луы угось – шутэтсконэз но куре.

Гырон-кизён ужъёс йылпумъяськем бере, гурт калык тыро, шудо-буро улон курыса Инмар-Кылчинлы вазиськыны потэ. Озьы кылем арняын тросаз удмурт гуртъёсын гуртэн вӧсьёс ортчизы.

Свердловск улосвылысь удмуртъёслэн «Урал Кенеш» огазеяськонзы сизьыметӥ арзэ ужа ни. Солэн ёзчиосыз Ольга но Георгий Шамшияровъёс пӧртэм ужрадъёсы мыло-кыдо пырисько. ӵемысь соос асьсэос ик удмуртъёсты огазеясь ужрадъёсты ортчытон сярысь сюлмасько. Таяз арын Шамшияровъёслэн кичӧлтэмзыя Свердловск улосвылын удмурт дискотекаос радъяськизы. Со пумысен кӧня ке юанъёсын Ольга Шамшияровалы вазиськимы.

Башкортостан Республикаын йӧскалык культураосъя «Бердэмлек - Содружество» калыккуспо фестиваль усьтӥськиз. Туэ со ШОС но БРИКС саммитъёслы сӥземын. Фестиваль тямысэтӥ инвожоозь кыстӥськоз но республикамылэсь пӧртэм сэрегъёссэ котыртоз. Нош нырысь со Белебей ёросэ вуиз. Туннэ отын «Распахнись, душа!» ӟуч калык шулдыръяськонъёс ортчизы. Нош собере Культурая дворец азьын быдэс дуннеысь калыкъёслэн лулчеберетсылэн, сям-йылолъёссылэн шӧмзы шӧдӥськиз.

ЛУЛ-сюлэмлэн ӟечлыкез – адямилэн тужгес бадӟым узырлыкез. Ог-огедлы ӟеч лэсьтыса, улон шулдыргес, нош сюлэм югытгес луэ. Оген улӥсь песянай-песятайёслы улоназы тужгес шунтӥсез луо соослэн утисьёссы – социальной ужасьёс.

Таяз дышетскон арын Уразгильды школа пӧртэм проектной но исследовательской ужъёс быдэстонэ азинлыко пыриськеменыз висъяськиз. Ёрос конкурсъёсын сяна, школаын дышетскисьёс республика ужрадъёсын но вормонъёс утӥзы.

Ӝужыт Чакара гурезь йылэ тубыса учкид ке, Чиндэр (Покчи Качак) гурт кырымпыдсын выллем адӟиське. Чебер но мусо со. Татын мон вордӥськи, будӥ, кыдай, ужай но улӥсько.Толалтэлы шуныт палъёсы кошкем шырчикъёс но тулысэн мӧзмыса вордскем палъёсазы берытско. Озьы ик мон но: котькытчы мед мыном, сюлмы Чиндэре куриське, мӧзмисько вордӥськем палъёсылэсь. Чиндэр Чакаралэн шундыӝужан палаз пуксемын. Гурезьлэн лымшор палаз син сузёнтэм нюлэсъёс. Соос пӧлын – бадӟымесь кыръёс. Гурт вӧзын ик ты. «Бадӟым ву» нимало сое калыкын.

Дунне вылын ноку ӧй вал нимысьтыз Нылпи шаер. Озьы ке но асьмеос, бадӟымъёс, котькудмы со пыр потэмын. Нылпи дырлэсь шунытсэ туннэ ке но сюлмамы утиськом, анай-атайлэсь небытэсь киосынызы вешамзэс тодамы возиськом.

Ивановкаысь Меншари Петрокова 70 ареслэсь ортчыса но шутэтсконэз уг вала. Быдӟым Атыкай ож вакытэ вордскыса будэм песянай дышемын ӧвӧл уга киоссэ ал вылаз поныса пукыны. Солэн киосыз, сюлэмыз ужаны курисько. Меншари апай тол куазен нылпиосызлы, внукъёсызлы трос нырос-пӧзьыос керттылэ. Соосты чебересь пужыосын но узырмытыны тырше на.

Гуртын улӥсьёслэн улонзы гурт хозяйствоен юн герӟаськемын луэ. Янаул ёросысь Будья Варяшын улӥсь Павел Ушияров но улон сюрессэ вордскем музъеменыз герӟам. Кема аръёс ӵоже ни со «Колхоз «Восток» СПК-ын тракторист луыса тырше. Хозяйствоен кивалтӥсь В. К. Камиуллин но Павел Ра¬химовичлэн ужезлы вылӥдунъет сётэ. Тулысэн-сӥзьылэн тракторист котьку бусыын гыре, кизе, пе, нош гужем пудоослы сиён пыртан сярысь сюлмаське. Кивалтӥсьлэн кылъёсызъя, тракторист котьку, котькуд ужзэ валаса быдэсъя, йылаз-пумаз вуттэ.

Дас кык ар талэсь азьвыл физкультурая дышетӥсьёслэн Григорий Юлкубаевич Тимирбаевлэн но Александр Иванович Сабанчинлэн малпанзы кылдэм: удмурт школаос пӧлын спортъя ужрад ортчытыны. Соослы мукетъёс но дурбасьтӥллям. Озьы Башкортостаныысь удмурт школаос пӧлын радъяськись спортъя фестиваль кылдэм.

Республикаын пудо утёнлы бадӟым саклык висъяське. Сӥль-вӧй дасян гурт калыклэн валтӥсь ужез луэ. Та удысысь ик асьсэды шедьтӥзы Татышлы ёросысь Улысь Балтачысь Светлана Шаймиева, Елена Хабибуллина но Ильмира Гарайшина. Соос «Рассвет» хозяйстволэн фермаяз тыршо.

Статей 3 Федерального закона от 19.06.2004 N 54-ФЗ "О собраниях, митингах, демонстрациях, шествиях и пикетированиях" (далее Федерального закона) принципы проведения публичного мероприятия основываются на законности - соблюдении положений Конституции Российской Федерации, Федерального закона, иных законодательных актов Российской Федерации, добровольности участия в публичном мероприятии.