архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Бадӟым уж – бадӟым вормон

      2015.06.04 1005 0
      Бадӟым уж – бадӟым вормон

      Таяз дышетскон арын Уразгильды школа пӧртэм проектной но исследовательской ужъёс быдэстонэ азинлыко пыриськеменыз висъяськиз. Ёрос конкурсъёсын сяна, школаын дышетскисьёс республика ужрадъёсын но вормонъёс утӥзы.

      Школаысь дышетӥсен Нина Демьяновна Шайхат­тароваен кивалтоно покчи классъёсын дышетскисьёс­лэн «Малютки» огазеяськон­зы туэ «Память и гордость в сердцах поколений» Федерал проект бордын ужаз. Со сяна, та ужез быдэстон вылысь, бадӟым классъёсын дышет­скисьёслэн «Поиск» группазы кылдытэмын вал. Федерал проект вить ӧръёслэсь – ни­мысьтыз республика проек­тъёслэсь - сылэ: «Герои и со­бытия», «Имена Победы», «Мы – часть одной команды», «Па­триотизм в реальных делах» но «Патриотическая карта Республики Башкортостан». Та проектъёс улсын, нылпи­ос понна пӧртэм ужрадъёс радъяськизы. Уразгильдыос котькудаз азинлыко пырись­кизы. Кылсярысь, «Страна заповедная Башкортостан» республиканской военно-исторической викторинаын призёр нимлы кузё луизы. «Сохраним историческую память о ветеранах и защит­никах нашего Отечества» интерактивной ужъёсъя ёрос конкурсын - куинетӥинтыын.

      Тужгес бадӟым уж нуись­киз нырысетӥӧръя. Нылпиос Быдӟым Атыкай ож лудын быремъёслэсь но ивортэк ышемъёслэсь «сюрессэс» шедьтон бордын пыр-поч тыр­шизы. Дышетӥсьлы но пиналъ­ёслы шаертодонъя музейёсы ӵем вуылоно луиз, компьютер сьӧрын соос кема пукылӥзы: Быдӟым ожлы сӥзем сайтъёстӥ«калгылӥзы», улосчиоссы сярысь тросгес выльзэ тодон вылысь. Нина Демьяновналэн кылъёсызъя, нылпиос та проектной уж бор­ды сюлмысь басьтӥськизы, зэмос документъёсын ужан соослы туж, пе, кельшиз. Ужзылы йылпумъянъёс лэсь­тыса, пиналъёс «Судьба род­ных, односельчан, погибших или пропавших без вести – участников Великой  От­ечественной войны 1941-1945 гг.» папка тупатӥзы. Быдӟым Вормонлы сӥзем митингын нылпиос дасям папкаоссэс шедьтэм адямиос­сылэн матысьёссы­лы сётӥзы. Школаын дышетскисьёслэн витьымтэ шорысь кузьымзылы калык туж шумпотӥз.

      Вераны кулэ, Нина Демьяновна исследовательской ужъёсын нырысь­сэ уг выры, азьвыл аръёсы но со та выллем ужъёслы сӥзем внеурочной занятиос радъя вы­лэм. Дышетӥсьлэн котькуд ужез усто быдэстэм ужъ­ёс пӧлын луэм. Озьы Нина Демьяновна кылем арын IV Воспитательной программа­осъя республика конкурсын нырысетӥинтылы кузё луиз. Дышетӥсьлэсь ужзэ БР-ысь Дышетонъя министерстволэн Данъян грамотаеныз дунъя­зы. Тыршемлэн емышез одно ик луэ угось.

      МиляушаБУЛАТОВА.

      Татышлы ёрос.

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить