Статьи

Татышлы ёросысь Улысь Балтач гуртын улӥсь Ожысь ветеран, данъяськымон улон сюресэз ортчем адями Фархулла Гильманшинович Саяфаров кема ӧвӧл 90 арес тырмон юбилейзэ пусйиз. Гажано адямиез ӟечкыланы Татышлы ёросысь ветеранъёслэн кенешенызы кивалтӥсь А. Магзумов, «Рассвет» СПК-лэн кивалтӥсез А. Минлебаев, Кайпан лесничествоысь участковой лесничий А. Давлетбаев, Улысь Балтач гурт поселениен кивалтӥсь Э. Рахимзянов но Улысь Балтач гурт поселениысь ветеранъёслэн кенешенызы кивалтӥсь Ф. Гарифанов лыктӥзы. Юбилярлы соос синпель кузьымъёс сётӥзы, шуныт ӟечкылан кылъёссэс веразы.

Берло дыре гурт хозяйствоын трос шуг-секытъёс пумисько. Озьы ке но та уж борды нокин уг басьтӥськы шуыны уг луы. Пӧламы музъем ужен вырыны мылкыд карисьёс вань, быръем ужзылы соос лул-сюлэмзэс сётыса тыршо.

Дырын-дырын пӧртэм интернет сайтъёсысь Шамшияров фамилиез синйылтыны луэ. Удмуртъёслы сӥзем видеоматериалъёсты, туспуктэмъёсты сайтъёсаз котькинлэсь вазь Шамшияров интыя. Мон та фамилия борды туж ӵем «донгиськылӥсько». Кияз арганэн, удмурт дэремен дӥсяськем воргоронлэн тусбуез туж тунсыко. Георгий нимыз вӧзы «укморт» шуыса ватсам кыл но синэз бордаз кыске. Палэнэ улыны кошкыса удмурт луэмзэс ватӥсь, ӟучомем удмуртъёсмы пӧламы трос. Соин ик интернет дуннее ассэ «укморт» шуыса гожтэм воргорон сярысь тросгес тодэме потӥз. Георгиен сайтысен гожъяськыса «вераським». Озьыен, тодматоно герое Екатеринбургын улӥсь, Янаул ёросысь Вуж Варяш гуртын будэм, удмурт лул-сюлэмо воргорон Георгий Шамшияров луэ.

В Нефтекамске сотрудники наркоконтроля в ходе оперативно-розыскных мероприятий задержали местного жителя, у которого в ходе личного досмотра обнаружено и изъято порядка 20 разовых доз синтетического наркотика PVP и психоактивное вещество, имеющее формулу MDMB (N)BZ-F, не внесенное в перечень подконтрольных средств.

Куарусён толэзьлэн берпуметӥ нуналаз Башкортостанлэн Президентэз Рустэм Хамитов но Казахстанысь Атырауск улосвылысь Аким Бактыкожа Измухамбетов торгово-экономической, научно-технической но гуманитарной ӧръёсын валче ужан сярысь соглашение кутӥзы. Ужрадэ РФ-лэн Президентэз Владимир Путин но Казахстанлэн Президентэз Нурсултан Назарбаев пыриськизы.

Одӥг нуналэ Куеда ёросысь Кирга гуртысь синмаськымон усто кышномурт доры вуылыны шуд усиз. Гурысь потэм пӧсь табанен, вӧё чумеръёсын, ческыт шыдэн пумитаз со милемды. Туннэ Анастасия Гавриловна Армагинова вазь ӵукна ик султыса пӧраськем, лэся. Асьмелэн, удмуртъёслэн, озьы кылдэмын: куноослы – вань умойзэ но ческытсэ…

АЛИГЕС «Лучший лагерь Башкортостана» республика смотр-конкурслэн йылпумъянъёсыз тодмо луизы. Сое БР-ысь Егитъёслэн ужъёссыя но спортъя министерство радъяз но ортчытӥз. Конкурслэн йылпумъянъёсыз возьматӥзы: удмурт пиналъёслэн «Усточикар» профильной лагерьзы – кыкетӥ интыын!

Гурт удысын арлэн котькыӵе вакытаз но сюлмаськонъёс трос луо. Сӥзьылэн-тулысэн гырон кизён ужъёсты радъяно, гужем пудо сиён дасяно, толалтэ луэм пудоосты утялтоно, сюдоно-вордоно. Калтасы ёросысь «Восход» СПК ӟеч возиськись хозяйствоос пӧлын лыдъяське. Хозяйстволэн азинсконъёсыз нырысь ик ужасьёслэн тыршемзы бордын луэ.

«…Нош нылпи садлэн юртэз вужмемын, выльдыны кулэ шуыса кышномуртъёслэн синъёссы гинэ верало. 1982-тӥ арын ӝутэм юртлы зэмзэ но воштӥсь кулэ…» – тазьы гожтэ Венера Тимиршина Татышлы ёросысь Выль Татышлы нылпи сад сярысь «Ошмес» газетлэн 2012-тӥ арысь 26-тӥ толшоре потэм «Пичи дырысь шудо дунне» статьяяз.

Быдӟым Атыкай ож аръёс пыр потэмъёслэн лыдзы арысь аре кулэсме. Ож кутскыку, Калтасы ёросысь Бадӟым Качакысь Дания Байтимировна Тимиршиналы дас арес но вылымтэ. Атайзэ ожмаськонэ келямзэ, секыт аръёсы улэмзэ песянай курыт тодэ ваёнъёсаз возе. Со аръёс сярысь мадьыкуз солэн синвуосыз ик быльырско.

Кызьы кылдэ крезьгур? Куке но со сярысь малпаськемды вань-а? Кызьы пӧрмо нотаос, выль кырӟан? Котькин быгатэ меда крезьгурез валаны? Нош эктыны но крезьгуръёслы фонограммаос тупатъяны одӥг адями ик пӧрмытоз-а?

Огъя куара сётон нуналэ Башкортостанын 22 быръён кампаниос ужазы. Соос пӧлысь валтӥсез луиз республикалы Президент быръён. Та нуналэ шаерын 3453 быръён участокъёс лыдъяськизы.

Сӥзьыллэн одӥг шулдыр, шундыё нуналаз, гырон быдтон праздник ортчоно инты ӵаш вазиз. Татчы Татышлы ёросысь культура удысын ужасьёс люкаськизы. Лулчеберетлэн арез улсын, соос кроссын, пневматической винтовкаен ыбылӥськонын, бассейнын уянын кужымзэс мертазы, спортын кужмо луэмзэс возьматӥзы.

Арлы быдэ Свердловск улосвылын пӧртэм калыкъёслэн «День народов Среднего Урала» праздниксы ортче. Туэ но Екатеринбургысь Центральной парке та муген ик трос калыкъёс люкаськизы.

29-тӥ гудырикошконэ ӝытазе 9 часэ абзи жингыртӥз. Кониговоын, пе, ураган ортчиз, берты анайлы юрттыны. Уйин мон ӧй изьы. Бурдъёсы ке луысалзы, соку ик будэм гуртам вуысал. Пермь шаерысь Куеда ёросысь Гожон гуртысь (отын улӥсько) ӵукна 8 часын потӥм. Янаулэ вуыса, «Восточный» микрорайонэтӥ ортчыкумы, сюрес вылысь трос машинаослы пайми. Берлогес валай: татын но инкуазь бугыръяськем.

Шаермылэн пӧртэм сэрегъёсысь бусыосын комбайн-трактор гуретэм куараос кылӥсько. Россия Федерациысь Гурт хозяйствоя министерстволэн лыдпусъёсызъя, 8-тӥкуарусёнэ огъя 30 миллион гектарысь ю тысь кутсамын ни. Бусы ужасьёс котькуд гектарысь 27,2 центнер ю-нянь басьто. Нош Башкортостанын та лыдпус шор лыдын 14,8 центнерлы ӵоша. Та нуналъёсы республикаысьтымы итымъёсын огъя кык миллион тонналы матэ ю тысь люкаськемын ни.

Анай-атай вордэм нылпиезлы одно ик шуыны кулэ: «Анай кылдэ пичиысен ӧд ке гажа, вордӥськем шаердэ яратыны уд дышы». Чылкак со бордысен ик кутске асьмелэн удмурт кылмес, лулчеберетмес, сям-йылолъёсмес гажаны дышетсконмы. Но берло аръёсы Башкортостанысь куд-ог гуртъёсысь удмуртъёс пӧлын анай кыллэн данлыкез бырыны кутскиз. Со тужгес яркыт шӧдӥське егитъёс бордын.

Башкортостанысь тросэз калык гурт интыын улэ. Соин, вылды, соос нянь будэтонлэсь, йӧл дасянлэсь дунзэ ӟеч тодо. Дышемын уга асьмеос гид тыр пудо вордыны. Со сяна, республикаысьтымы тросэз гурт хозяйствоос но йӧл-сӥль вылын возисько. Озьы Башкортостан, Россиысь мукет регионъёсын ӵошатыса, сюро пудоослэн лыдзы ласянь трослы азьпала вамыштэ. Нош йӧл дасянын республикамы кыкетӥ интыын луэ. Татын арлы быдэ 1,7 миллион тонна йӧл кыско. Чылкак соин ик, оло, шоркарамы ньылетӥползэ ни «Молочная страна» фестиваль ортче.

ТВЕРЬ улосвылысь Селигер ты вӧзын арлы быдэ егитъёс «Селигер» форуме люкасько. Туэ со 10- тӥползэ радъяськиз. Отчы Россиысь 85 регионъёсысь но дуннеысь 147 шаеръёсысь 20 сюрс егитъёс пыриськизы. Нош 2009-тӥ арын та лыдпус куинь сюрслы гинэ ӵошаз вал. Таяз арын форум 25 пӧртэм сменаослэсь сылӥз. Берпуметӥез 29-тӥгудырикошконэ йылпумъяськиз. Вылысь Татышлыысь Александр Набиоков¬лэн (туспуктэм вылын паллянысен нырысетӥез) но гужем каникулъёс сярысь тодэ ваёнъёсызлэн одӥгез люкетэз но «Селигерен» герӟаськемын луоз. Отчы со пӧсьтолэзе вуылӥз.

Вордӥськем шаер котькинлы дуно чебер инкуазеныз, чылкыт омыреныз но шуныт сюлэмо калыкеныз. Вордэм нылпиоссэ со аръёс ӵоже вормонтэм кужыменыз бордаз кыске. Татышлы ёросысь Вязовка гурт но кылем шутэтскон нуналъёсы трос калыксэ огинэ люказ. Татын «Люблю тебя, мой край родной» шулдыръяськон ортчиз.