Общественно-политическая газета удмуртов Республики Башкортостан

Куарусён толэзьлэн берпуметӥ нуналаз Башкортостанлэн Президентэз Рустэм Хамитов но Казахстанысь Атырауск улосвылысь Аким Бактыкожа Измухамбетов торгово-экономической, научно-технической но гуманитарной ӧръёсын валче ужан сярысь соглашение кутӥзы. Ужрадэ РФ-лэн Президентэз Владимир Путин но Казахстанлэн Президентэз Нурсултан Назарбаев пыриськизы.

Республикалэн глава­езлэн пресс-службаяз ивор­тэмзыя, ужкагаз экономи­каез, химической но нефте­химической промышленно­стез, машиностроениез, гурт удысэз,транспорт ӧрез юн­матыны но азинтыны юрттоз. Ужкагаз улэ гожтӥськемъёс матысь дыре производствен­но-технической продукциен но сиён-юонэн, калыклы кулэ луись арбериосын вошъясь­кон амалъёс ӵектонын юн кусыпъёс кылдытонлы оско. Ужкагаз улсын, регионъёс куспын исследовательской проектъёс, дышетонъя но егитъёслы сӥзем выль про­граммаос, туризмез но спор­тэз азинтон ӧр улонэ пась­кыт вӧлмоз.

Пумиськонын нефть но газ поттон удысъёсы туала технологиосты пыртонэн герӟаськем ужпумъёс но сэрттэмын-пертчемын вал. Рустэм Хамитов «Развитие межрегионального сотруд­ничества на пространстве ШОС на примере сотрудниче­ства Республики Башкорто­стан и регионов Казахстана» докладэныз тодматӥз.

Дасямын «Башинфор­мысь» материалъёсъя.